2 Korindut 8:8 - Ala Wone Peenok Peebi Mbanak

⁸ An wone yokkiragi yi nogo ti, noone omaawi paga yokkirage lek o. Ata, it ando an noone konembunuk, iniki aganggen kerek togon eekaarak nogo ndak-ndak, kit an noone konembunuk, “Ndak-ndak eerumonggotak paga kiniki kunik ee'nakwi kiyaamun ilik?” yinuk, yokkiragi o.

2 Korindut 8:8 ပူးပေါင်းရင်းမြစ်များ

Yetikiyen 33:31

yogo nagaatik, ineebe an napuri negen a'nuk, ambik aago wogo nagaatik, kat koone konenuwok nduk kowagam kwi'nari wogo menggaarak kwe, kat nen it yorage nogo eekulik aret menggaarak o. It inambe paga, Aakumi niniki kunik eeginako monggoorak o, yinuk, yogwe kwe, iniki perak, aakumi wiwi aganako logonet, ineenggi warak eekkoloorak nogo mendek mban mugurok nogo menggaarak.

Oroma 12:9

Kiniki laakot logonet, kiniki kunik aganako logogup o. Ata, inabuwa nen kiniki kunik aganako logonip o. Yi maluk ndi maluk eekwi ti, kineebi mbako logonet, obeelom eeriyak kenok mban kinikilom mbako logonip o.

1 Korindut 7:12

Ndi, ando yi yokkirage nogo ti, ninowe nen lek o. Ata, an nen aret yokkira. Kit aap Ala apuri ambi nen akwe iniki abet mbaka'lek mendek kolegerak imbirak wonage logonet, kwe nogo nen, “Nogonggelo nimbirak logorak obeelom,” mbake kagak, aap nogo nen, “Nakwe yi neebi o,” yinuk, mbo puurak ti mage.

1 Korindut 7:25

Kit komologwe tawe eeko logorak Ala nen wone ambi lengganogo yo'nirulik kwe, it aakumi Ala nen inabuwa mbake menggerak me, “Ninoone abet mban yogo logowok o,” yinuk, mbakwi nogo ndak-ndak an kunduk togop logonet, niniki mbakirak nogo ambi yokkira o.

1 Korindut 7:6

An wone yokkiragarak ti, noone omaawi paga lengganogo yokkirage lek o. Ata, “Togop eeriyak op ilik?” yinuk, yokkiragi o.

2 Korindut 6:6

niniki mondok abe paga yokkirogwe, nit wone nineenu abok aret kineenu eeppinagagwi, ninaanaganggenggwi lek kwi'ndak logonet yokkirogwe, kinabuwa nen yanggorogon kinaruk wakwi, Aberiniki ninom kunik logonet mamunggirogwe, nineebi mbaka'lek ninom abu kunik logonet yokkirogwe,

2 Korindut 8:10

Ala apuri inake kuwak eeko logorak an op mbake nogo, ambi yokkira o. Tahun aa'nduk nogo paga, kit aa'nduk Ala apuri inake kuwak eegiroorak koonggwi, ndi, kit nduk eebe aret kuwak eekwi, eereegutak kwe,

2 Korindut 8:24

It Ala apuri kuwak eerit nogo menggaarak alik nogo nen, kit kiniki kunik paga Ala apuri ugun wogonakwi, ndi, “Pawulut oreewi inom nen it o Korindut mendek tiyappiigwi nogo ti, ti eekwi paga tiyappiigwi iigo,” yinuk, yogwe, eeruwak nduk, it kiya wogwe ti, kiniki kunik paga liirogon wogoninako logonip o.

2 Korindut 9:2

Kit kiniki nen yeenggwaaroorak mbakotak nogo an abu neenu aret o. “Tahun aa'nduk nogo paga it o Akaya mendek nen Ala apuri o Yureya mendek yeenggwaaroorak iniki aganggen kerek togon muk kooneegwaarak o,” yinuk, it o Makendoniya mendek inenggaanom paga kit kooneegutak nogo wogoppinagage logonet, mbininirage mbaki, it ando nggwok nen, “Nit togon ndak-ndak yeenggwaaraawok o,” yinuk, koonggaarak.

2 Korindut 9:7

it aakumi iniki ale'nggen paga kuwak eekwi iinok, Ala iniki kunik aganake menggerak me, kit kuwak eeko logonet, kiniki aaninggin kagak kuwak eekwi, kineebi mbakak kuwak eekwi, eeko logogup o. Ata, kinalitik-kinalitak kiniki koombunuk nen ale'nggen paga kuwak eeko logonip o.

Epetut 4:15

Ata, nit aakumi niniki kunik en Ala ari menggerak wone nogo mban yorogo logonet, ninanobak kwak Keritut iniki abu koleewak menggi kwak, nit togop aret niniki kole ee'ninabuwak nduk, eerit nogo logowok o.

Epetut 6:24

Ninowe Yetut Keritut kit kiniki kunik eekwi nogo, lek aga'lek mondok kundugu wonogwe kiinok, kinabuwa mbake logonet, kinarum logogin o. An Pawulut nen abu aret yokkiragi o. Noreewi wa!

Iberani 10:24

Ndi, niniki-kiniki kunik eekwi, at ambi nen at ambi obeelom eeppegak eekwi, eeko logonet, at ambi nen at ambi kini wuppegak eeko logowok nduk, liippogo logowok o.

Yotuwa 24:14

Togop aret yereegerak me, at Aliku ALA kinagabiti mbako logonet, kiniki abe paga at oone liirogon mugurok nogo logomunggup o. Kinombomini niyo Eparat enebaga inom, o Metit inom, time wonogo logonet, Ala mugurok nogwe obaane'me kugi eeko nogogwaarak kit mugurok nogwe nogo mbo punuk, Ala mban mugurok nogo logonip o.

1 Peterut 1:22

“Iri'ngga-kale'ngga ero kwit agan lagangge nagaatik, ti'nuk, mbuk age, Ndi, iri'ngga anggen laambu yege kenok, aakumi nen, Wi! egaatak kwe, ne ambit liingge mono-mono wangge, Eeke menggerak nogo ti, Nit aakumi nineebe ti kwak aret kwe, Ala wone ti perak, mondok itok aret menggerak o,” yinuk, yereegerak liiru mbanak ndak-ndak, Ala wone lek ageelik mondok itok menggerak nogo aakumi waganggwi iinok, ineenik eeginake menggerak obeelom wone nogo aret yokkirogogwaarak waganggo mbareegup, mondok kineenik logobagip nduk, kiniki ngget ndakkinabeegerak nogo ti, aakumi inapuri ndaganakaatak kambit nogwe nogo pogom lek o. Ata, at mondok eenik menggerak Ala nen aret ndakkinabeegerak me, kit Ala ari menggerak wone konembunuk, “Ndak-ndak eeko logowok o,” yinuk, eerit nogo logonet, maluk kinikime wonage nogo mbo pereegutak me, yogondak kiniki laakot paga kinoreewi Ala apuri kinom kunik aganako logogup o. Ata, kiniki abe paga aret kinoreewi kinom niniki-kiniki kunik eeko logonip o.