2 Korindut 8:3 - Ala Wone Peenok Peebi Mbanak

³ It nen, “Nit ti kuli kuwak eeriyak ninobam o,” mbakaarak nogo mban kuwak eerulik o. Ata, “Ti kuli kuwak eeriyak meek,” mbakaarak nogo kagak ambinom mondok iya tit kuwak eekaarak naruk konenggirak me, yokkiragi o.

2 Korindut 8:3 ပူးပေါင်းရင်းမြစ်များ

1 Mbinineegwaarak 29:9

It aakumi nogo inoweewi inamendek ili yuulik iniki ale'nggen nen, “Aliku ALA ake wogori o,” mba'nuk, nggaruk togon wogogwi iinok, it iniki ale'nggen mbakwi, ndi, at endagembogut Ndawut kunduk, togop aret iniki ale'nggen ambik age, eereegwaarak.

Ndawi 110:3

Kat komaawi tiyak ari eyom paga It kawuri wim eeka nen inobaanggi-inobaangge abe lombok li'luk eekko'nok Inale'nggen paga kinom wim eeri unggwogwe, Kubondendok konaananggen luuri wage menggi kwak, “Ninom wim eeruwi o,” yinuk, kawuri aap tawe nogo kiyo'me ari wogwe, Eerugun o.

Wundeegwaarak 35:29

Yi mendek ndi mendek eeriyak ake at Aliku ALA nen wone lengganogo Muta yoge kagak yoragagerak nogo, it aakumi Iterali kumi inom, aap inom, abok aret inalitik-inalitak iniki aganake mbareegi, “Aliku ALA ake pi na o,” yinuk, iniki ale'nggen paga pi wogo nogogwaarak.

Wundeegwaarak 35:5

It inalitik-inalitak lombok abok aret iniki nen, Namendek yi aret Aliku ALA ake pi naakit, mba'nuk, Naliku ALA nake leenogo pi woraawak o. Naliku ALA nake pi woroorak nogo ti, mbuti emas inom, perak inom, tembaga inom,

Nappiigak 11:29

Yoragagerak nogo mbi noogelo age mbareegi, it Yetut oone waganggwi nogo nen iniki koonggo logonet, “Nit ninalitak ninamendek wonage nakkagak, kuwak eeppunuk, ninoreewi Ala apuri o Yureya wonogwe nogo inake nappiyaawok o,”

Oroma 10:2

It nen Ala wone iniki aganggen kerek togon mugurok nogo logonet, eekwi kwe, wone eebe liippunuk eeka'lek iinok, yokkirage agarik o.

1 Korindut 16:2

An wage neenok, wu kuwak eerukwak, yogondak aret kit kinawu kuwak eeko logonet, tamban ambi eekak eekwi paga kinalitak lombok it inake ambit nabik ambit nabek kuwak eerogo pogo logonip o.

1 Korindut 9:17

An niniki mba'nuk yorage logonetak en, “Onggo wo'niruwak,” mba'nuk, niniki lunik logorak op aret kwe, Ala nen aret unde eeppaneegerak kenok, yoranet nege minggirak me, onggo lek we aret yoranet nege minggirak.

Nggalatiya 4:15

Kiniki ale'nggen ambik eekwi kiyareegirak kwe, yogondak nonggop aga o, noreewi? Nabuwa mbako logonet, “Ninigen kilirogo wogoriyak op nen, wogoruwok lak ao,” nombakwi kiyareegirak kwe,

Pilipi 2:13

At Ala nen eeriyak inikilom mbake menggerak nogo, kit nen, “Eerikit,” mbakwi, ti'nuk, eebe aret eekwi, eekwi nogo ti, Ala nen mban aret koonggirage menggerak.

Kolote 4:13

It aakumi o Laworikiya mendek inom, o Kiyerapolit mendek inom, kinom eeppinagarak iniki kinoba mondok aberak wonage kage minggirak me nduk, yokkiragi o.

1 Tetalonika 2:8

Kinabuwa lombok mbako logonet, kit niniki kunik eekkinabeegurak me, obeelom wone ti mban yokkiroorak mbarulik o. Ata, kinake lombok kambuurak kenok perak, op aret mbareegurak.

Pilemon 1:14

kat unde nen, “E o,” yo'nega'lek me, obeelom eeppaniyak mbakendak kero, kiniki mba'nuk nen, “An eeppanuwam,” noone omaawi paga yokkirigin lek o.

1 Peterut 4:11

Yi eekak ndi eekak eeko logonet, ninowe Yetut Keritut eereegerak paga at Ala endage tiyak yuwak nduk, kit ambi nen Ala wone yoroorak mbakwi kenok, Ala ari menggerak wone nogo aret yorogwe, ndi, ambi nen aakumi yeenggwaarogo logorak mbakwi kenok ti, Ala omaawi eeppinagage kagak yeenggwaaranet nogwe, eeko logonip o. At Ala ti, abu tiyanak mondok-mondok ayuk warak logowak o. Amin!

1 Peterut 5:2

Kit Ala apuri inarum logobagip nduk, mippinagareegerak nogo, “Kineebi,” mbako logonet, inarum logorak ti mage o. Ata, Ala iniki mbake ndak-ndak, “Inarum logokit,” mbako logonet, ndomba ndegeninako mengga kwak, Ala apuri ti, togop aret ndegeninako logonip o. Ndi, onggo koloorak paga mban kiniki lunik logonet, ndegeninako logorak ti mage mban. Ata, we kiniki ale'nggen paga aret ndegeninako logonip o.