2 Korindut 8:23 - Ala Wone Peenok Peebi Mbanak

²³ At Titut nogo an nawot aret me, nimbirak yeenggwaagiroorak nduk eeko ogoorik o. Ndi, it ninoreewi ando kiya wogwe nogo ti, Keritut endage tiyappogo menggaarak me, Ala apuri kuwak eerit nogwe lombok nen leenogo nappiya wogwe ti o.

2 Korindut 8:23 ပူးပေါင်းရင်းမြစ်များ

Lukat 5:10

At Peterut oreewi Tebereyut apuri Yakobut Yaya imbirak nogo inom inagabiti mbakwi iigak, Yetut nen Timon yoge logonet, “Kagabiti mbarugun o. Ikan wagangge menggendak kwak, o yogondak nen aakumi wogonake logomunggun o,” yinuk, yoreegerak.

Lukat 5:7

Yum nibik yuurak eeke mbareegi, inoreewi yiiro ore paga wonogwe nogo yeenggwaara woraawak nduk, ineenggi walok yorogo mbareegwa, wogo nogogwaarik, ikan waganogo yiiro imbirak eno korok togon yonggoleegwaarak me, aaninggin nen yiiro nogo imbirak yi inikime tebenikit nduk, eereegerak.

Yaya 13:16

Ogoba tebenak kagak, ayeloman tiyanak wonageelik o. Ndi, at nappiige menggerak tebenak kagak, at nappi wagaatak tiyanak wonageelik mban o, yinuk, mondok abet aret yokkirage agarik o.

1 Korindut 11:7

Ala nen aap ti, kumi inake wakkoolik o. Kumi ti, aap inake wakkagagerak me, aap inalom ti, kumi lek o. It kumi inalom ti, aap aret me, inayum langgunik logonet, inogonggelomini inabu'me tebe yinuk, inayuk wuko logowak o. Ndi, aap perak, Ala nen, “An tiyappanugo logowak o,” yinuk, at etenggen pogom aret wakkagagerak me, aap ti, Ala abu'me tebe yinuk, inabetagi nggoorogo punuk, tamban eeko logowak o.

2 Korindut 12:18

At Titut Ala apuri inake pugu kuwak eerit woraawak nduk nappi wage logonet, ore ambi imbirak nappiya wagarak nogo ti, abet aret nappiya wagarak kwe, kit kuwak eerogo pogotak nogo, Titut ando waganggerak mbakop? Woolik aret me, nit yeenggwaagirogo logonet, niniki ambit koombunuk, eeko monggoorak lek mbakop? Lek o. Niniki ndak-ndak ambit aret koombunuk, eeko monggoorak o.

2 Korindut 7:6

it aakumi iniki wakkologwe iinok, iniki eyak wappiige menggerak Ala nogo nen, nit niniki eyak wappinanuwak nduk, aap Titut nappi wagaarak.

2 Korindut 8:16

Nit nen kinoba aberak me, yeenggwaagiroorak mbako monggoorak nogo kokwak, aap Titut togop aret yeenggwaagirage logowak nduk, Ala nen iniki koonggerak me, “Ala wa,” yoge minggirak.

2 Korindut 8:18

Kiya wage me, ninoreeluk ambi wone obeelom wone Ala apuri kuwak eekwi me abok aret yoranet nege paga endage tiya yereegerak nogo, imbirak nappiya wogo ti o.

2 Korindut 8:19

Nit nen ninowe tiyappugwi, ndi, aakumi inabuwa nen yeenggwaarogwe niyaawak nduk inake kuwak eekwi, eerit nogwe nogo, at ninom eeke logowak nduk, Ala apuri kuwak eerit nogo menggaarak nogo nen leenogo mippegaarak me, kiya wage ti o.

2 Korindut 8:22

It kiya wogwe nogo, ninoreeluk ambi inom nappi wogo o. At ninom eerit nogo logonet, mondok liippunuk eerit nage kogoorak me, ninoone konembunuk, “Mondok abet aret kuwak eerugun,” kinombake logonet, “An kunduk, liirogon yeenggwaarage logokit o,” yinuk, kiya wage ti o.

2 Korindut 8:6

Togop me, at Titut nogo it Ala apuri inabuwa nen inake pugu nogo kuwak eerit nage me, kit ando awo pega'lek nogo mbet-mbet pumonggotak me, waganggak woraawak nduk aruk wakoorak o.

Pilipi 2:25

waga'lek neegak, niniki eyak wappanuwak nduk, aap ambi awot imbirak ndak-ndak wim nambuko mengga kwak, Ala wone wigak yuwak nduk, nimbirak ndak-ndak eeko monggoorak nore Epapororitut kit nappi wogotak nogo, iyokan kinowagam nappi wage ti o.

Pilipi 4:3

Ndi, kat nore Tundogot nimbirak Ala eyabu ndak-ndak eeke menggendak me, it kumi ti, obeelom wone wigak yuwak nduk, nggwiirit-nggwaarit eeko nogogwaarak me, yeenggwaarage logot o. Ndi, aap Kelemen kunduk, it an noreewi ando inendage mbuku ineenik aganaka paga mbanak wonage nogo kunduk, togop aret ninom eeko nogogurak me, inom yeenggwaarage logot o.

Kolote 1:7

Wone obeelom wone ti nogo, at ninom niniki kunik Ala ayeloman logonet, ndak-ndak eeko monggoorak Epaparat nogo nen aret mamunggiragagerak o. At Keritut ayeloman logonet, nit kinake eeriyak meek kenok ninobaane'me at aret kulinik-kalinik eeke menggerak me,

1 Tetalonika 2:2

Nit o Pilipi wonogwe niigak, aaninggin-paaninggin ninoba pinanugwi, miyuk-meya eerogo pinanugwi, eereegwaarak kineenu nogo kwe, kagak, Ala nen yo'niragagerak wone obeelom wone nogo it apit aret, “Nineebi o,” yogwe iigak, Ala yeenggwa nirage me, ninagabiti mbaka'lek yokkirogo nogogurak nogo o.

2 Timotiyut 4:10

At Ndemat nogo, nggween paga mendek mban inikilom agagerak me, mbo paninuk o Tetalonika nagagerak o. Ndi, at Kereket o Nggalatiya nage, at Titut o Ndalamatiya nage, eekwi iigak,

Pilemon 1:17

Ti kenok, kat nimbirak ndak-ndak abet mbareegurak me, “Nore Pawulut aret o,” yinuk, an wo'naburak mbake nogo kokwak, at aret wamen o.

Pilemon 1:24

Ndi, it nawurilogwe ninom eekwi nogo, Marakut kunduk, Aritarukut kunduk, Ndemat kunduk, Lukat kunduk, nit abok aret nen keyage wakkako o.

3 Yaya 1:8

It aap Ala ndogop menggerak wone nogo nggwok wiganit nage logowak nduk, eerit nogwe nogo nen, “Ninom ndak-ndak yoranet nogwe o,” yinuk, ninombaruwak nduk, yeenggwaarogo logorak ti op aret o.