2 Korindut 8:20 - Ala Wone Peenok Peebi Mbanak

²⁰ Aakumi inamendek nggwok kuwak eekaarak wogorogo logonet, ninggin ambi eerumonggoorak paga aakumi nen ninenggali wappinanukwak, liippunuk aret eeko ogoorik o.

2 Korindut 8:20 ပူးပေါင်းရင်းမြစ်များ

2 Endagembogut 12:15

Ndi, it aap Ala awi wurik ogobakkigikwi inarum wonogwe nen wu wogorogo logonet, eegu kolagak eeko logolik liirogon nggilik-nggelok wogorogo nogogwaarak me, “Wu wungge nineenu aruwok nduk, liiru mbanogo wo'niraanip o,” yinuk, yoraga'lek aret wonogogwaarak.

Matiyut 10:16

Wone ambinom yorage logonet, “Kit ndomba kokwak yi, it aakumi nggeewo endekem mendek pogom wonogwe me, inowagam nappinagage agarik o. Nappinagaminggirak inenggela'me logonet, waalo yimela-nimela nege menggi kwak nugu logonet, towe puume enegen waanggo pogom nugu logomunggup o.

Oroma 14:16

Nit we yi mendek ndi mendek nunggwi paga Ala nen liippinaninuk abu'me pinanegeelik o. Ata, Aberiniki ninom kunik logonet, Ala wone yugu ndak-ndak eeppiinet nugwi, Ala ninom lambumbinaneegerak me, niniki ugun tayenak logonet, eerit nugwi, ndi, niniki ale'nggen logonet eerit nugwi, eeko logowok nduk, abu'me pinanege menggerak me, kit nen, “Yi op eeriyak,” mba'nuk eerit nugwi kiigak, aakumi nen, “Ti maluk eeko agaarik o,” yinuk, yogwe iinok, inoone konenugup o.

1 Korindut 16:3

Ndi, an wage logominggirik, kit wu kuwak eerumonggotak o Yerutalem wonok noorak aap inobaabut abe kenok, mippiyamonggotak nogo wonok nogwe me, “Ndogop nduk kuwak eekaarak o,” yinuk, an liiru mbanogo inom nappiyaagin o.

2 Korindut 11:12

An ti eeke logorak yokkiragarak alom ti, it aakumi wone alik yokkirogo menggaarak nen, “Pawulut inom eeko menggaarak nogo nit ndak-ndak aret eeko monggoorak o,” yinuk, wogoppatit nugwi nogo, inoone mondok lek eerogo piyaakit nduk, “An eeke minggirak ti, aret eeke logogin,” mba'nuk, yokkiragarak.

2 Korindut 8:19

Nit nen ninowe tiyappugwi, ndi, aakumi inabuwa nen yeenggwaarogwe niyaawak nduk inake kuwak eekwi, eerit nogwe nogo, at ninom eeke logowak nduk, Ala apuri kuwak eerit nogo menggaarak nogo nen leenogo mippegaarak me, kiya wage ti o.

2 Korindut 8:21

Nit ninogoba Ala enegen wonage me nduk mban eekwi lek o. Ata, aakumi inom inigen wonogwe iigak eekwi me, ira naga'lek kagak, nonggop togon eerogo wogora noorak nogo, aa'nduk koonogo pogo ogoorik o.

Epetut 5:15

Togop me, kit eerit nogo monggotak nogo, mondok liippunuk eerit nogo logonip o. O yi eyom paga aakumi nen maluk mondok alik negen eerit nogo logorak koonggwi me, kiniki lek we ugun eerit nogo logorak ti mage o. Ata, kiniki mondok warak logonet, “O yogondak obeelom eeriyak ambi yi, nanonggwan agaarak me, eerikit o,” mba'nuk, eerit nogo logonip o.

1 Tetalonika 5:22

Yi eekak ndi eekak eerit nogo logonet, maluk eraambe yelok kenok, mbo pogo logonip o. Wone yokkirogoorak ti, abok aret eeko logonip o.