2 Korindut 7:9 - Ala Wone Peenok Peebi Mbanak

⁹ Ndi, yogondak perak, keyage ambik wake agarik o. Kit kiniki wakkolaabagip nduk, eereegirak mba'nuk keyage wake lek o. Ata, an liiru mbaneegirak nogo pekkogo nogogutik, “Abet aret yo'nirage kogo o,” yinuk, kiniki wakkologo logonet, maluk mbo pereegutak ti paga, an keyage ambik wake agarik o. At Ala mbake menggerak ndak-ndak kit abet aret kiniki wakkologogutak me, liiru mbaneegurak ti paga nit maluk eeppinagulik aret mbako o.

2 Korindut 7:9 ပူးပေါင်းရင်းမြစ်များ

Ndawi 38:18

An nomaluk nogo pagangge, “Maluk nonggop eeki?” yinuk, Niniki koonit unggwage, Eeke agarik o.

Wone Alom Kibingga 7:3

Iniki wakkologo nagaatik, iniki obeelom ogo menggaarak me, i'ndok kanggwi ti op negen kwe, Iniki puru ari ti perak, iya o.

Takariya 12:10

“An nen at Ndawut paga wiganak inom, it Yerutalem wonogwe inom, aakumi inabuwa mbakwi, inake tamban eekwi, eeko logowak nduk, inikime mambiige neenok, it an ndanuk togon nooremenggaarak nogo nen inigen neego logomenggaarik, aap ambi apuluk ambolom ndarak kangge kenok, abuwa nen aleenggu maake menggi kwak an nale yogwe, aap aput manggu ndarak kangge kenok, iniki wakkolage menggi kwak, an paga iniki wakkologwe, eerugun o.

Matiyut 3:8

Kiniki koombunuk kinomaluk mbo pogotak kenok, eyo anggen obeelom mendek yi'nage menggi kwak, kit togop ndak-ndak aret eeko logonip o.

Lukat 15:10

Nogo ti ndak-ndak aap maluk eeko menggaarak ambiriluk ambi nen maluk eeke nagagerak nogo iniki koombunuk, mbo pege kenok, it Ala yonggo nappiya wage menggerak malayikat nogo nen iniki ale'nggen aret mbako logogun o, yinuk, yokkirage agarik o,” yoragagerak.

Lukat 15:32

Ndi, kat kawot yi perak, kambeegerak negen kwe, eenik agaarak o. Ndi, kobak agagerak kwe, kwaakkogoorak me, niniki ale'nggen logonet, laago yi op aret lako, yoreegerak o,” yinuk, Yetut nen it aakumi yoragagerak.

Lukat 15:7

Ti ndak-ndak aap 99 iniki nen, Nit niniki abe koonak me, nit maluk nano mbo puurak o? yinuk, iniki koombunuk, inomaluk mbo pega'lek iinok, it mbogut paga menggaarak iniki ale'nggen mbuuluk mbarugun kwe, it aap maluk eeko menggaarak ambiriluk ambi nen maluk eeke nagagerak nogo, iniki koombunuk, mbo pege kenok perak, it mbogut paga menggaarak malayikat nogo iniki ale'nggen nggwok lombok mbako logogun o, yinuk, yokkiragi,” yoragagerak.

Nappiigak 20:21

Mamunggirage nagagirak nogo ti, kit Yakuri mendek inom, kit Yunani mendek inom, kit maluk eeko monggotak kiniki koonogo mbo punuk, Ala owagam wogwe, kiniki ninogoba Yetut Keritut oba panggombunuk abet mbakwi, eerubagip nduk, liirogon yokkirage nagagirak o.

2 Korindut 1:12

Nit eerit nogo logonet, liippunuk eerit nogo monggoorak kwe, kit kinenggela'me logonet perak, mondok iya lombok eeko nogogurak nogo, abeko logonet, it aakumi nggween paga mendek iniki koombunuk agan nugwi kwak agan nugwi, kinamendek kolaawok nduk, wone eegu nobat yokkirogwe, ti eeko logolik o. Ata, Ala niniki kunik nen omaawi eeppinanege kagak, mondok abet kenok mban kenom paganogo yokkirogo nogogurak nogo mban abe'nage kenok, “Op eekoorak me, ia!” yinuk, niniki ale'nggen mbako ogoorik o.

2 Korindut 2:16

It aakumi lek eerogo piyaagin nogo nen obari nogo kogo nagaatik, “Yi ninooke menggerak mendek aret me, abet mbaruwok o,” yinuk, yuurak op aret kwe kagak, mbo punuk kambit nogo menggaarak. Ndi, it inagap ndarak nogo nen perak, obari kogo nagaatik, “Nineenik ee'ninaburak mendek yi aret kogo,” yinuk, waganggo menggaarak me, ineenik aret logogun o. Ala nen nit aakumi inenggela'me togop logorak kooneegerak kwe, nit nen eeriyak meek tit ee'ninake o, obak!

2 Korindut 7:8

An liiru mbanogo nappinagi wagagirak nogo pekkogo nogogutik, “Ao,” yinuk, kiniki wakkologogutak nogo konengge nagagirik, “Mbanogo nappiyoorak lek mendek eekirak ao,” yinuk, an togon niniki wakkolagagirak kwe, ti'nuk, niniki mbake logonet, “It iniki mondok-mondok wakkologwe ti lek o. We ne ambiriluk aret iniki wakkolaga,” mbake nagagirik, “E. Ti kenok, op aret mbanogo nappiyareegirak kagi,” mbareegirak.