2 Korindut 7:14 - Ala Wone Peenok Peebi Mbanak

¹⁴ Nit abet kenok mban yokkirogo nogogurak me, tiyappinagago logonet, kit eerit nugwi abok aret Titut mbininogo yogo mbareegu, kiya nage nagagerik, yoreegurak nogo ndak-ndak eekwi enegen kiyareegerak me, mbininogo yo'nira wage mbaki, ninenggali eerogo pinanulik abe eekotak paga niniki ale'nggen ambik aret mbako ogoorik.

2 Korindut 7:14 ပူးပေါင်းရင်းမြစ်များ

Yaya 17:19

Kat nen, An ndogop minggirak o, wone paganogo yorage nogo paga, it kapuri yi abet aret kat kake leenak logowak nduk, an neebe it inake aret leenogo pakirak o.

2 Korindut 10:8

Kit maluk eerogo pinagakit nduk, at nogoba nen awoneninu kili'nirulik o. Ata, obeelom eeppinagakit nduk, kili'nireegerak nogo iya lombok kili'nereegerak mbake logonet, yokkirage me, “At wogoppake logonet, yo'nirage o,” yogwe kwe, an nenggali mbaka'lek aret agarik o.

2 Korindut 12:6

An wogoppatiyak mba'netak en, abet aret nenegen kagagirak kenok ari me, “Kumili nen ari,” nombariyak lek kwe, an eerit nage neegwi inom, noone ari konenggwi inom, nogo mban liippaninuk wogoppaniyak kagak, nenegen kagagirak mbininogo yokkirage paga, “Pawulut ti, aap mondok iya,” nombakwi kiyo, mbininogo yokkiroorak neebi mbake agarik o.

2 Korindut 2:13

nawot Titut neya waga'lek mbareegi, niniki piirik logonet, it aakumi Torowat mendek keyage wappiinok, o Makendoniya yime aret wagagirak.

2 Korindut 7:13

Wone mbet-mbet koonggotak ti paga niniki ale'nggen ambik mbako ogoorik o. Ti awo mbakwi niigak, Titut iniki eyak wappogotak me, ale'nggen ambik mbake logonet, nit yo'nira wage mbaki, nit togon abunuk niniki ale'nggen ambik mbakoorak o.

2 Korindut 7:4

Kit ninom kunik me, “Abet aret wo'ninabugun,” kinomba'nuk, niniki ale'nggen mbake logonet, yokkiragi o. Aaninggin-paaninggin ninoba age tit kagak kwe, kit abet mba'nuk, eerit nugwi paga niniki eyak wappanugwi me, “Kit yi, iya o,” yinuk, niniki ale'nggen abu alik negen ee'nake agaarik o.

2 Korindut 7:6

it aakumi iniki wakkologwe iinok, iniki eyak wappiige menggerak Ala nogo nen, nit niniki eyak wappinanuwak nduk, aap Titut nappi wagaarak.

2 Korindut 8:24

It Ala apuri kuwak eerit nogo menggaarak alik nogo nen, kit kiniki kunik paga Ala apuri ugun wogonakwi, ndi, “Pawulut oreewi inom nen it o Korindut mendek tiyappiigwi nogo ti, ti eekwi paga tiyappiigwi iigo,” yinuk, yogwe, eeruwak nduk, it kiya wogwe ti, kiniki kunik paga liirogon wogoninako logonip o.

Pilipi 1:26

An keele piinogo teppanemenggaarak paga kiya wage neenok, Keritut Yetut kinom kunik logonet, kiniki ale'nggen mbako monggotak nogo nggwok lombok wiganggo logobagip nduk, kiya woraagin mbake agarik o.

2 Tetalonika 1:4

Togop me, kit piyak-payak eerogo pinagagwi, aaninggin kinoba pinagagwi, eekwi kwe kagak, kinogogumbuk logonet waganggwi me, kiniki mondok nu'lek logonet abet mbakwi nogo, Ala apuri yi awi ndi awi kuwak eerit nogo menggaarak nit yoranet nogo logonet, tiyappinagit nogo monggoorak.