2 Korindut 7:11 - Ala Wone Peenok Peebi Mbanak

¹¹ Kit kiniki wakkologo mbareegup, Ala nen eeppinagareegerak nogo liippogo logonip o. Kit eereegutak nogo ti, kiniki wakkologo logonet, maluk kinenggela'me wonage nogo mbet-mbet koonggwi, “Maluk nabenggolagaarak,” kinombarukwak, mbet-mbet kinaana'le mbanggologwe, “Ala nen ninoorukwak ninagabiti,” mbako logonet, at maluk eereegerak nogo mondok kineebi mbakwi, “Wone yi agaarak nogo ninogoba Pawulut ninom koonuwok lak ao,” mbakwi, maluk eerak mbet-mbet aganggen kerek togon owak loonggwi, eereegutak nogo mbininggo logonet, kit maluk ambi eerulik obeelom aret owak loonggotak kiigo o.

2 Korindut 7:11 ပူးပေါင်းရင်းမြစ်များ

Nekemiya 13:25

mberirage, pulunogo piige, it aap ineebe mande negen yawi inooke, ineeruwak wiirogo nappiige, eeke nagagirik, yorage logonet, “Ninapuri komologwe ti, it inapuri wologwe wogorogwe, ndi, it inapuri komologwe nit ninapuri wologwe kolaawak nduk, wo'nirogwe, ndi, nit kunduk kologwe, eeko logogun mondok lek o, yinuk, Ala endage kumbunuk, wone kumbuk mbaninip o.

Ayup 42:6

Togop aret me, Nela nen yagarak o, yinuk, niniki wakkolage, Wun nanobak paga yumbunogo pake, liirubu paga lagak-mbagak ari, Eeke logonet, Noone maluk yagarak nogo ti, Ao, yinuk, mbo pigi o,” yinuk, yoreegerak.

Ndawi 119:139

It aap an nawim nen Koone yugu kobak eerogo mbo pugwi iinok, Nanini inombake paga Nomaawi lek eerogo pake minggirak o.

Ndawi 130:6

It aap oonikiya tum waka nen o weege kero tokkogwe, It aap oonikiya tum waka nen o weege kero tokkogwe, Eekwi ti, Iniki mbuuluk negen lunik wonogwe kwe, Kat Ala mbet-mbet yeenggwa nenok nduk, Niniki lunik ti, mondok iya aret agaarik o.

Ndawi 145:19

It aap at ayuk wuko menggaarak iniki mbakwi nogo Ndak-ndak aret eeppiige, Inoone nggwok paga, “Yeenggwa niret o,” yogwi iinok, At aruk konembunuk inagap ndake,

Ndawi 2:11

Aliku ALA ayuk wuko logonet amugurok nogwe, Kinaganak wake logonet, kinale'nggen yogwe, Eeko logonip o.

Ndawi 35:13

It nogo andi warak wonogwe iinok, Yum nibinik maluk mendek yippunuk niniki wakkolage, Nambe mage negen logonet inake tamban eeke, Eekirak o. Inake tamban eekirak nogo onggo yo'nega'lek yungguk togon noba ari wage kenok,

Ndawi 38:9

Ala wae. Niniki uugwe mbarit unggwage nogo, kat nen kin aret neege, Niniki wakko'net unggwage yi, Kat nen yelok neege, Eeke agandik o.

Ndawi 42:1

At rusa nen, “Tat wake logonet niyome unggwi naakit lak, ao,” Mbake menggi kwak, An niniki togop aret, “Kat Ala, ao,” yinuk, mbake minggirak.

Ndawi 69:9

Togop aret kwe, kawi wurik nogo op logowak nduk, Niniki aganggen kerek togon eerit nage paga Niniki lek ee'nake kagak, Kat meek eerogo pagagwi nogo an noba aret age menggerak.

Kini Wuppiige 14:16

Aap iniki warak nogo nen, “Maluk eeriyak neebi o,” yinuk, ogole mbagangge menggerak kwe, Aap iniki lek wi nogo nen perak, anini mbet-mbet mi'na'nuk ugun eerit nage nagaatik, “Op eeki,” yinuk, puk aret age menggerak.

Kini Wuppiige 28:14

Aap ambi nen Aliku ALA agabiti mbake menggerak nogo ti, ale'nggen aret wonage menggerak kwe, Aap ambi iniki ogogumbuk eekkolage kenok perak, aaninggin oba kwippatit nage menggerak.

Ndawi Iya 8:6

Kambuurak eyom panggoni wage kenok, non mbambuurak meek kwak, it aap iniki kunik aganakwi ti, togop aret wonage, Aap kwe alik ambi wagangge kenok, “An neegak, kwe alik wagangge yi, neebi a!” mbake nogo ti, Aap kambunuk nogo menggam nen wundi noorak meek menggi kwak wonage, Imbirak eeriyak aganake nogo ti, kani omoonuk wunuk agan nage menggi kwak, aganake, Eeke menggerak me, Aap ineenggi amburu pugwi kwak, an neebe mban kinikime nabenogo pake, An nanobak mban kobaak paga lumbatinuk wonage, Eeke logot o.

Yetaya 26:8

Kaliku ALA wae. Ninawone amburu mbani woraanok nduk, tokkeego ogoorik o. “Kat kendage kunggwi, koba abekwi, eeruwok lak, ao,” lombok mbako monggoorak.

Yetaya 66:2

Yi mendek ndi mendek ogobakkigirik yi, an nen mban ogobakkigireegirak me, Aret wonage menggerak nogo lek a?” yinuk, Aliku ALA nen yegerak o. “It aap iniki tebenak wonogwe, Maluk eekirak, ao, mbakwi, noone ari neenok inaganak wake, Eekwi iinok, An liippiige minggirak kwe,

Ndaniyen 6:14

Yogwi at aap endagembogut nogo aruk konengge nagagerik, iniki abu maluk agagerak. Maluk age nagagerik, “Agap ndarikit o,” yinuk, iniki koonit nage kagak, oonegen aret lobok yi noorak eereegerak.

Marakut 3:5

“Inogogun laakot yi, ai!” yinuk, at enegen abi inoorit nage nagagerik, aap eenggi kambak nogo yoge logonet, “Keenggi nggingget o,” yoge mbareegi, ngginggage nagagerik, eenggi obeelom aret agagerak.

Yaya 2:17

Yoragagerak nogo at Yetut oone waganggwi nogo nen, “Nogoba Ala wae! Kawi wurik nogo op logowak nduk, niniki aganggen kerek togon eerit nage paga niniki lek ee'nake o,” yinuk, yereegerak wone liiru mbanak nogo abereegwaarak.

Nappiigak 17:16

At Pawulut nogo it Timotiyut Tilat imbirak wogwe iyo, o Atena toginake logonet, o kota time kugiwak ererengge-mboongge aago ambik endekem-oome wonage kage nagagerik, inikime nen eebi lombok mbareegerak.

Oroma 11:20

Kit mbakwi ti abet aret kwe, it abet mbaka'lek iinok, pendenogo nappiyareegerak. Ndi, kit perak, abet mbakwi paga kumbinagareegerak wonogo logonet, kiniki wogoppatugup o. Wogoppatumonggotak paga pendenogo nappinagukwak, mondok kinagabiti mbako logonip o.

Oroma 14:18

Keritut ake eerit nage logonet, wone ti, liirogon eekwi kiinok, Ala nen ale'nggen kinombake, ndi, it aakumi nen togon, “Op aret eekwi,” kinombakwi, eeko logogun o.

Oroma 3:5

Nit abe koonak eeka'lek maluk eekwi paga nen Ala abe koonak mban eeke menggerak yelok kogwe kenok, nit nonggop yuurak mbakop? “At Ala anini nen maluk ee'ninake ti, at liippinanega'lek logonet, eeppinanege menggerak kogo o,” yinuk, togop yoriyak op mbakop? An yagi ti, aakumi yogo mengga kwak yagi o.

1 Korindut 5:2

Kit Ala apuri nen aap nogo maluk eekerak paga kiniki wakkologo logonet, kinenggela'me nen nggiginogo wumbuurak op aret kagak, “Yi iya eekerak lek o,” yinuk, taganogo punuk, wogoppatit nugwi kiigi o.

2 Korindut 13:7

Kit maluk eeko logokwak nduk, kinake Ala yogo monggoorak. Kit maluk eeka'lek kiinok, “Pawulut awuri wone waganeegwaarak abet aret mugurok nogwe me iya,” yinuk, ninabut mbambunuk, ninabok obeelom mban yuwak nduk, kinake tamban eekwi lek o. Ata, nit ninabok maluk yogwe tit iigak kwe, kagak kit obeelom mban eerit nogo logobagip nduk, kinake tamban eeko monggoorak.

2 Korindut 2:6

Kit aa'nduk kineebe apit nen maluk onggo eeppereegutak ti mban aret logowak nen teppinip o.

2 Korindut 6:4

Aaninggin-paaninggin nino-ba kwi'nage, maluk ninoba age, “Nonggop eeruwi,” yinuk, niniki piirik ee'ninake,

2 Korindut 7:1

Togop me, noreewi o. Kit an niniki kunik me, Ala nen wone yereegerak ti, nit niinok aret yo'niragagerak me, ninikime nen maluk eeriyak koonggwi, eebe aret eekwi, eeko monggoorak nogo abok aret mbo punuk, Ala ninagabiti mbako logonet, maluk eeka'lek at ake leenak obeelom mban eekwi niyaawak nduk, eeko logowok o.

2 Korindut 7:7

At eebe niya wagaarak ti paga mban lek o. Ata, wage nagaarik, kit pe'neya woroorak, “Ao,” mbakwi nogo inom, eereegutak paga kiniki wakkologwe nogo inom, ndi, an nabok mbanggwi iinok, kinoone omaawi paga an naana'le mbanggwi nogo inom, abok aret mbininogo yo'niragaarak ti paga, niniki eyak wappinanegerak me, yogondak niniki ale'nggen ambik mbake agarik o.

2 Korindut 7:9

Ndi, yogondak perak, keyage ambik wake agarik o. Kit kiniki wakkolaabagip nduk, eereegirak mba'nuk keyage wake lek o. Ata, an liiru mbaneegirak nogo pekkogo nogogutik, “Abet aret yo'nirage kogo o,” yinuk, kiniki wakkologo logonet, maluk mbo pereegutak ti paga, an keyage ambik wake agarik o. At Ala mbake menggerak ndak-ndak kit abet aret kiniki wakkologogutak me, liiru mbaneegurak ti paga nit maluk eeppinagulik aret mbako o.

2 Korindut 9:2

Kit kiniki nen yeenggwaaroorak mbakotak nogo an abu neenu aret o. “Tahun aa'nduk nogo paga it o Akaya mendek nen Ala apuri o Yureya mendek yeenggwaaroorak iniki aganggen kerek togon muk kooneegwaarak o,” yinuk, it o Makendoniya mendek inenggaanom paga kit kooneegutak nogo wogoppinagage logonet, mbininirage mbaki, it ando nggwok nen, “Nit togon ndak-ndak yeenggwaaraawok o,” yinuk, koonggaarak.

Epetut 4:26

Kinanini nen maluk eeriyak ti mage o. Ndi, kinanini wungge kagak oonegen kilu yi noorak ti mage mban.

Epetut 5:11

It aap o apit paga logonet, obeelom ambi eekkoloorak lek kagak eerit nogo menggaarak nogo, kinom lambumbunuk eerit nagup o. Ata, it kote eeko menggaarak inabok mbininiyak kineebi mbakwi kwe kagak, nggwok paga aret inenggali wappiigo logonip.

Pilipi 2:12

Togop me, noreewi o. Kit an niniki kunik me, wone ambi yokkira o. Aa'nduk kit ninom time logonet, an noone yugu ndak-ndak eeko nogogutak nogo kokwak, yogondak neebe yime neegak, kinagap ndakkolaabagip nduk, kinagabiti nen kinaganak wake logonet, ambinom nggwiirit-nggwaarit eeko logonip o.

1 Tetalonika 4:6

Nit maluk eerit nugu logowok nduk, at Ala nen mii'ninabulik o. Ata, maluk eeka'lek at ake leenak logowok nduk, mii'ninabeegerak me, nit aa'nduk ninoone omaawi paga yokkirogo nogogurak nogo ndak-ndak, maluk togoti eekwi iinok, Ala nen onggo koonogo eeppinanege menggerak me, kinoreeluk ambi maluk eeppege logonet, at akwe kote wuriyak mage o.

1 Timotiyut 5:20

Aap ambi nen maluk mban eeke kenok, it aakumi abok inagabiti mbaruwak nduk, nggwok paga aruk wake logonu o.

2 Timotiyut 2:15

Aap ambi yabu abe eeke logonet, agabiti mbakeelik nogo pogom, kat Ala ari menggerak wone mamunirage logonet, kiniki nen koonogo alik inom nabenogo yoraga'lek at oone mban liirogon yorage keenok, Ala nen inikilom kombaruwak nduk, liippunuk, eeke logot o.

Titut 3:8

An wone yokkigi ti, abet aret o. It aakumi iniki Ala oba panggombunuk, abet mbakwi nogo iniki liippunuk, obeelom mban eeko logowak nduk, an yokkigirak ti, kulinik-kalinik koone omaawi paga yorage logot o. “Wone yi, obeelom aret o,” yinuk, waganggwi paga obeelom ambi eekkoloorak aret me, yorage logot o.

Iberani 4:1

Togop me, at ninom yonggonggola ungguurak nduk, “Woraanip o,” yinuk, abok yo'niragagerak nogo, lek aga'lek awo aret wonage me, nit ambi eerumonggoorak paga ninom yonggonggola ungguurak meek age kero, liippunuk, eeko logowok o.

Yakobut 3:17

At agi iniki warak menggerak nogo nen koonogo pinanege nogo ti, nit kikak naka'lek obeelom mban wonogwe, ugun logowak nduk, “Mage,” yorogwe, niniki yanggonak paga yorogwe, yo'nirogwe iinok, “E o,” yinuk, eekwi, aakumi inabuwa nen obeelom eeppiigwi, eyoonggen abe yi'nage menggi kwak, nit togop aret obeelom eerit nugwi, aap ambi obeelom eeppugwi, ambi maluk eeppugwi, eeka'lek ndak-ndak eeppiigwi, niniki laakot logonet yoraga'lek abe paga mban yorogwe, eeko logowak nduk, ee'ninake menggerak aret o.

1 Peterut 1:17

“Ninogoba Ala o,” yinuk, tamban eeko monggotak me, at Ala nen nit yi aap ndi aap ninalitak lombok eeko logomonggoorak nogo abok ninawone ndak-ndak mbanigin me, yogondak mbogut paga unggwi naga'lek nggween paga yime luulu logonet, Ala mban kinagabiti eeppunuk, eerit nogo logonip o.

1 Peterut 2:2

Ala nen obeelom eeppinanege nogo, kit eekkinake muk liippogotak kenok, elege awo ngget ndarak yilak abu nen le yogonok yilak mili lenggenak lek abe wogoragaatak nonggo logonet, tawe ogo mengga kwak, at Ala nen muk kinagap ndakkinabeegerak me, kiniki kole eekkinake logowak nduk, abe wone ti mban, “Ao,” yinuk, waganggo logonip o.

Yurat 1:23

it ando nen kani omoonu'me nogwe me, kinagabiti mbaka'lek inagap ndarogo piya wogwe, ndi, it ando perak, iniki nengge mugurok nogo logonet, mbogoyum laambu abe me mili mondok nabek yi unggwage menggi kwak maluk eekwi ti, ogole warak me, ninom lambunggologwe niyo, “Ninagabiti o,” mbakwi kwe, kagak, inabuwa mbako logonet yorogwe, eeko logonip o.

Wayu 3:19

It aakumi an niniki kunik eeginake minggirak nogo ti, inaruk wake, iniki koonnaruwak nduk yawi inooke, eeke minggirak me, iniki koombunuk, inomaluk nggaruk togon mbo puwak o.