2 Korindut 6:4 - Ala Wone Peenok Peebi Mbanak

⁴ Aaninggin-paaninggin nino-ba kwi'nage, maluk ninoba age, “Nonggop eeruwi,” yinuk, niniki piirik ee'ninake,

2 Korindut 6:4 ပူးပေါင်းရင်းမြစ်များ

Yetaya 61:6

“Aliku ALA unde it yi aret o,” yinuk, yokkirogwe, “Ninogoba Ala ayeloman mini yi aret o,” yinuk, yokkirogwe, Eeko logogun o. Yi aakumi ndi aakumi inamindik-inamendek nunggwi, It inamindik-inamendek wokkirogwe ti paga kinale'nggen ambik mbakwi, Eeko logomunggup o.

Yowen 1:9

Gandum ake pi wogwe, anggur amburu ake kilirogo pugwi, eekwi nogo, Aliku ALA awi wurik me nen muk lek agaarak o. Ndi, it aap Ala eebe unde nen Aliku ALA enggaanom paga ake liirogon eeka nogo leenggu maako agaarik o.

Yowen 2:17

It aap Aliku ALA enggaanom paga eeko menggaarak Ala unde nogo, Ake warogo wogogak ogobakkigirik kagak, Ala awi wurik me tu unggwogo menggam kagak, Oolo time logonet, leenggu maakwi, It nen, Kaliku ALA wae. Keyate kwak kapuri kiniki kundugu nogo, aakumi inenggela'me wonogwe iinok, Inabok nggarik-nggarek agan nugwi, Miyuk-meya eerogo piigwi, It inogoba Ala nggeeme wonage o? yinuk, it-it agan nugwi, Eekwi iyo, Kapuri inaana'le mbangge logot o, yinuk, yokkugwi, Eeruwak o.

Lukat 21:19

kinogogumbuk logomonggotak paga kinagap ndakkolaamunggup o,” yinuk, yoragagerak.

Yaya 16:33

Wone yi yokkiragi nogo ti, an ninom kunik logonet, kiniki ugun tayenak lombok logobagip nduk, yokkiragi o. It aakumi nggween paga yime menggaarak mendek nogo nen piyakkinako logogun kwe, it o nggween paga yime inomaawi menggaarak nogo muk tebenogo piigirak me, kiniki kwippunuk, nu'lek logonip o,” yinuk, yoragagerak.

Nappiigak 2:22

Kit aap Iterali mendek yi, wae. An yokkirage yi, liirogon konenggo logonip o. Ala nen aap Yetut Nataret mendek leenogo nappi wagagerak kit liippatubagip nduk, Ala nen omaawi eeppege kagak, at kinom logonet eerubok mendek eeke, inagabiti warak mendek eeke, tam warak eeke, eeke nagagerak kineenu nogo o.

Nappiigak 20:34

Ninamendek lek kenok, Wo'nirinip o, ti yokkirage logolik o. Ata, an nake inom, it ninom nege nagagirak inake inom, ti, an neenggi omaawi paga nen mban agago kologo nogogurak kineenu nogo o.

Nappiigak 9:16

Ndi, at Tawulut nogo, an naana'le mbangge me, aaninggin-paaninggin eeppogo logorak nogo an nen yoge logogin o,” yinuk, abinggaanggo paga yoge kagagerak.

Oroma 14:18

Keritut ake eerit nage logonet, wone ti, liirogon eekwi kiinok, Ala nen ale'nggen kinombake, ndi, it aakumi nen togon, “Op aret eekwi,” kinombakwi, eeko logogun o.

Oroma 16:10

Keritut iniki kunik logonet, liirogon eerit nage kage nagarak at Apelet nogo keyage wappege, at Aritobulut apurilogwe inom keyage wappiige, eeki o.

Oroma 3:5

Nit abe koonak eeka'lek maluk eekwi paga nen Ala abe koonak mban eeke menggerak yelok kogwe kenok, nit nonggop yuurak mbakop? “At Ala anini nen maluk ee'ninake ti, at liippinanega'lek logonet, eeppinanege menggerak kogo o,” yinuk, togop yoriyak op mbakop? An yagi ti, aakumi yogo mengga kwak yagi o.

Oroma 5:8

at Ala nen perak, nit maluk eekwi niigak, Keritut ninake kambeegerak ti paga Ala nen ninabuwa nggwok togon mbake menggerak kogo ogoorik o.

1 Korindut 3:5

An Pawulut kunduk, at Apolot kunduk, nit taani nduk, yogo ogotik? Lek o. At nimbirak ti, Ala ayeloman mban aret me, ninowe nen eeriyak ninalitak lombok mban yo'nirage kenok, yokkira wogogurak paga kit abet mbareegutak nogo o.

1 Korindut 4:1

Togop me, “It Ala wone kote kumaarak mendek unde eeppiyareegerak me, it at Keritut ayeloman mini aret iigo,” ninombako logonip o.

1 Korindut 9:11

Togop ndak-ndak, nit nen Ala wone nogo kinikime awi yappinagareegurak me, yogondak anggen yugu kit kinamendek ando nit wo'niroorak meek nduk yogo ogotik?

2 Korindut 11:23

“Keritut ayeloman logonet, ake eeko monggoorak,” mbakwi me, an kunduk, Keritut ayeloman mondok iya lombok eeke minggirak. Wone yi, aap kumili nen yogo mengga kwak ari kwe, abet aret me, konenggo logonip o. Keritut ayeloman logonet, ake eerit nage neegak, ndonggoppanege, keele maarogo mambiigo menggam kulinik-kalinik mambanugwi, ineenggi lingginiyak meek nookwi, kambikit nduk, nabenak mban an ee'nabeegerak mendek neenik age, it ando teeluk negen eeppiigo logonet, an perak, mondok iya lombok eeppanugo nogogwaarak.

2 Korindut 11:27

Yoranet mban nage neegak, ndeyak eerogo panege, kulinik-kalinik nogo yega'lek neenik mban wonage, mbi abu ee'nake, yi abu ee'nake, mbi lek kenok abu nogo yege, kani lek kenok togwi aret nogo yege, nayum lek me we aret nege, eeke nagagirak nogo ti, an neenu aret o.

2 Korindut 11:9

Ndi, an kinenggela'me wonage neegak, namendek lek mbareegi, noreewi Makendoniya mendek nogo nen wogo nogogwaarik, inamendek abok aret wo'niri wogogwaarak me, kit ambi wo'nirubagip nduk, an mondok nggino yokkiroolik o. An yokkirage paga aaninggin kinoba arukwak, an neenggi paga mban nen liirogon eekko'net nage nagagirak me, yogondak kunduk ndak-ndak aret eekko'net nage logogin o.

2 Korindut 12:10

Togop me, an meek ee'nake kenok, Ala omaawi eeppanege kagak, nomaawi ambik logonet eerit nage minggirak me, Keritut eeke nagagerak wone wigak yuwak nduk eeke neegak, an eeriyak meek ee'nake, miyuk-meya eerogo panugwi, ambi yo'negak mban eekwi paga niniki taganogo pugwi, piyak-payak eerogo panugwi, aaninggin-paaninggin noba panugwi, eekwi iigak, “Op mban aret ee'nakwi o,” yinuk, niniki tayenak ale'nggen aret minggirak o.

2 Korindut 12:12

Kit nen, “Pawulut yi, Ala nen nappiigak mendek logowak nduk, abet aret leenogo pereegerak,” nombarubagip nduk, an niniki kwi'ndak kinenggela'me logonet, yokkirage neegak, kineenu ariyak mendek inom, eerubok mendek inom, kinagabiti warak mendek inom, abok aret Ala nen eeke nagagerak nogo o.

2 Korindut 2:17

It ando nen Ala wone yorogwe paga, “Ambi kolaawok o,” yinuk, yokkirogo menggaarak kwe, nit perak, togop lek o. Yokkiraawok nduk, Ala nen nappinani wagagerak me, at enegen kagak Keritut ayeloman logonet, we ale'nggen paga aret yokkirogo monggoorak.

2 Korindut 3:6

“Yogop ee'nu, ndogop ee'nu,” wone yugu liiru mbanak nogo paga nen ninoorogo pinanege menggerak kwe, Aberiniki nen perak, nineenik ee'ninake menggerak me, wone yugu liiru mbanak nogo, nit yorogo logowok nduk mippinanulik o. Ata, Aberiniki nen eeppinaniyak wone ngget mendek koonogo yo'niragagerak nogo, at omaawi paga yorogo logowok nduk, mippinaneegerak.

2 Korindut 4:17

Yogondak piyak-payak eerogo pinanugwi yi, peebi eeppinaniyak ndak-ndak abu lek o. Peebi eeppinaniyak nogo ti, yi mendek ndi mendek tebenak kagak, nit tiyappinanemenggerak nogo mondok-mondok tiyanak logogun me, yogondak eeppinanugwi yi, “We luulu teeluk aret eeppinanugwi,” mbako ogoorik o.

2 Korindut 4:2

Inenggali ariyak mendek kagak, wone kote yorogo menggaarak nogo mendek, “Nit togop yoranet nogo logogun lek o,” yinuk, kooneegurak me, kit nen nineebe wo'ninabubagip nduk, koonggo'net nugwi, Ala wone kagak alik pugunogo yokkirogwe, ti eeko logolik o. Nineebe mbo pinaniyak mbakwi kenok, wo'ninaburak mbakwi kenok, “Ala mban koonigin o,” mbako logonet, nit we at ari menggerak wone nogo mban paganogo yokkirogo monggoorak.

2 Korindut 4:8

Taga'mbit agago pinanegaatak kwe, aan lebenogo pinanegeelik o. “Nonggop eeruwi o,” yinuk, niniki piirik wonogwe kwe, nineebe lek aga'lek, kagak aret monggoorak.

2 Korindut 7:11

Kit kiniki wakkologo mbareegup, Ala nen eeppinagareegerak nogo liippogo logonip o. Kit eereegutak nogo ti, kiniki wakkologo logonet, maluk kinenggela'me wonage nogo mbet-mbet koonggwi, “Maluk nabenggolagaarak,” kinombarukwak, mbet-mbet kinaana'le mbanggologwe, “Ala nen ninoorukwak ninagabiti,” mbako logonet, at maluk eereegerak nogo mondok kineebi mbakwi, “Wone yi agaarak nogo ninogoba Pawulut ninom koonuwok lak ao,” mbakwi, maluk eerak mbet-mbet aganggen kerek togon owak loonggwi, eereegutak nogo mbininggo logonet, kit maluk ambi eerulik obeelom aret owak loonggotak kiigo o.

Kolote 1:11

It Ala apuri ake leenak nogo, Ala abu'me eya aago menggim logonet, pipuk eerogo piyareegerak kolaawak nduk, kooneegerak nogo, ninom ndak-ndak kolaawok nduk, niniki koonogo pinaneegerak me, aaninggin-paaninggin kinoba age kenok, kinaanaganggenggwi lek kiniki kwi'ndak nu'lek logonet, kiniki ale'nggen paga, “Ninogoba Ala wa,” yinuk, waganggo logobagip nduk, tamban eeko monggoorak. Kit kiniki kwi'ndak logonet, waganggwi kiigak, at mondok tiyanak logonet omaawi paga yi mendek ndi mendek eeke menggerak nogo nen, kit ndak-ndak omaawi eeppinagage logowak nduk, kinake tamban eeko monggoorak.

Kolote 1:24

An andi-pandi eeppanugwi nogo ti, “Kit kinake aret eeppanugwi,” mba'nuk, niniki ale'nggen mbake agarik o. Ndi, “Ala apuri yi awi ndi awi kuwak eerit nogo menggaarak lambuk togon ti, Keritut eebe aret me, iniki nu'lek logowak nduk, Keritut wako logonet, it ando nen warulik mbo pereegwaarak nogo, Ala apuri inake an neebe paga eeppaniyak op aret,” mba'nuk, niniki ale'nggen mbake agarik o.

1 Tetalonika 3:7

Togop me, noreewi o. Aaninggin-paaninggin ninoba pinanugwi iinok, niniki aaninggin ndugu agan koonit nogwe me, kit abet mba'nuk eerit nugwi nogo yo'nira wage mbaki, niniki kwi'naga o.

1 Tetalonika 5:14

Ndi, noreewi o. It aap iniki nen alik eerit nugwi iinok, inaruk wakwi, aaninggin inoba age kero, inagabiti mbakak nugwi iinok, iniki kwippiigwi, iniki awo kole aga'lek kenok, eyak wappiigwi, ndi, aakumi abok kinoone yanggorogon yorogwe, eeko logonip o.

1 Timotiyut 2:15

Kwe nogo maluk eereegerak ti kwe, it kumi nogo iniki warak logonet, Ala wone abet mbakwi, aakumi iniki kunik aganakwi, ndi, maluk eeka'lek Ala ake leenak wonogwe, eekwi iinok perak, it inaagalogwe ndaganakwi iigak, Ala nen inagap ndaganake logogin o.

1 Timotiyut 4:6

Wone ti, koreewi mamunirage keenok, kat Keritut Yetut ayeloman abe mendek aret logomunggun o. Ndi, niniki abet mbakwi wone inom, wone kole wone mamunik mugurok nage menggendak inom, waganogo aberit nage paga kiniki nu'lek kole aret logomunggun o.

1 Timotiyut 6:11

Kat perak, Ala aput aret me, eekwi ti mendek mamunggolookwak, ogole nen mbagangge logot o. Obeelom kenok mban eekwi, Ala wone liippunuk eekwi, iniki abet mbakwi, aakumi iniki kunik aganakwi, aaninggin inoba age kagak, inogogumbuk logonet waganggwi, iniki yanggonak paga yorogwe, ti mendek eeriyak kenok mban mugurok nage logot o.

2 Timotiyut 1:8

Togop me, ninowe eereegerak wone nogo yorage logorak kagabiti mbarugun o. Ndi, an Ala wone yorage nagagirak paga nen keele maa'nabeegwaarak nogo kunduk, kagabiti mbarugun mban. Obeelom wone yorogwe paga aaninggin-paaninggin ninoba pinanugwi iinok, ndak-ndak woorak nduk, Ala omaawi wo'nirage menggerak me, an nalik lek o. Nimbirak ndak-ndak aaninggin kogo logowok o.

2 Timotiyut 2:24

Kat ninowe ayeloman aret kenok, ndugwi pegak eeriyak ti mage o. Ata, yi aakumi ndi aakumi abok aret koone yanggorogon yorage, wone mamunirage, maluk eeppagagwi kwe, onggo yoraga'lek puk wonage, eeke logot o.

2 Timotiyut 4:5

Togop kwe, kat perak, kiniki tum wakkolage logot o. Maluk eeppagagwi iigak, kogogumbuk logonet wagangge, aap obeelom wone yoranet nugu mengga kwak, kat ndak-ndak yoranet nege, eeke logonok nduk, mippagareegwaarak nogo ndak-ndak aret eeke, eeke logot o.

Iberani 12:1

It aap abet mba'nuk, eeko nogogwaarak yogoorak nogo nen, “Nit eeko nogogurak nogo ndak-ndak eekwi iyaamun ilik, lek a?” yinuk, ineebe apit aago wanggerak inigen wo'ninakwi negen wonogwe me, tu mbe agan nogo logonet, ninogowa lek age kero, yi mendek ndi mendek ninoba luurik wonage nogo inom, maluk mendek kagak, nit eeriyak ninikilom mbako logonet, yilinogo pinanege menggerak nogo mendek inom, abok aret nggonenogo mbo punuk, “Mbe agan ti kuli aret mi'nari nanip o,” yinuk, yo'niragagerak nogo, mondok ninogogumbuk a'nuk, mbe agan mi'nari nogo logowok o.

Wayu 1:9

Kit aaninggin-paaninggin kinoba pinagagwi iigak kwe, “Ala abu'me pinanigin me, op aret o,” yinuk, Yetut kinom kunik kiniki nu'lek logonet, waganggo monggotak nogo ti, an kinore Yaya togop ndak-ndak eeppanugwi iigak, wagangge minggirak nogo nen Ala wone yorage, ndi, Yetut wone ari nagagerak nogo paganogo yorage, eeke minggirak nogo paga, niyo yenggenak oolo kup mbanak o endage Pa'mot pani wogogwaarak yime agarik o.

Wayu 3:10

Ndi, Kit kinogogumbuk kiniki kwi'ndak logonet eeko logonip o, yinuk, yoragagirak nogo, konembunuk liirogon aret eekwi me, peebi yi aakumi ndi aakumi nggween paga menggaarak abok aret inabut mbanikit nduk, aaninggin-paaninggin inoba piya woroorak eyom nogo paga, it an napuri ti, inoba arukwak, an nen ndegeninake logogin o.