Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Korindut 5:20 - Ala Wone Peenok Peebi Mbanak

20 Togop kenok, nit Keritut obaane'me oone wonok yoranet nugu logowok nduk, mippinaneegerak logonet, Keritut eereegerak ti paga, “Ala kinom ogoorak logorak lek o. Kinom lambuninip o,” yinuk, Ala nen oone nabek togon yokkirobogom nit aret yokkirogo ogoorik o.

အခန်းကိုကြည့်ပါ။ ကော်ပီ




2 Korindut 5:20
28 ပူးပေါင်းရင်းမြစ်များ  

Anini mbake nagagerik, Ala wone yoraga inom, inabinggaanggo kaga inom, Aliku ALA nen yorage kagak, it nen aakumi Iterali inom, Yekura inom, yorogo logonet, “Kinombomini, E o, yinuk, eeko logowak nduk, wone lengganak liiru mbanak abok aret yorage, ndi, at Aliku ALA nen yorage kagak yoraga ayeloman mini nogo nen yokkiraawak nduk yorage, eereegerak nogo ndak-ndak eerit nogo logonet, aaninggin kinoba arukwak, kit maluk eeko monggotak nogo mbo punuk, Yogop ee'nu, ndogop ee'nu, yokkirage inom, wone lengganogo yokkirage inom, liippunuk, eerit nogo logonip o,” yinuk, yorogo nogogwaarak kwe,


Togop aret eerit nogwe iigak, inombomini inogoba Aliku Ala nen at apuri inabuwa mbake, o at wonage menggim iniki kunik eeke, eereegerak me, wone yora wogo logowak nduk, kulinik-kalinik nappiya waga'mban eeke nagagerak kwe,


Eeko logorak wone lengganogo yorage nagagindak mbo pereegwaarak nogo, yungguninuk mugurok nawak nduk, kurumbi yorage keegak kwe, iniki wogoppako logonet, Yogop ee'nu ndogop ee'nu, yoragagindak nogo, Eeriyak nineebi o, yinuk, yogwe, ndi, eeko logorak wone nogo eekwi iinok, ineenik logorak op kwe, taganogo punuk, maluk eerit nogwe, inanobak yugum pogom a'nuk, koone koneniyak, Nineebi o, yinuk, inogogumbuk logonet, inambokan mbo pagagwi, eereegwaarak wonogwe iigak,


Togop aret me, kat Ayup yi wae. At Ala kimbirak lambumbunuk kiniki ugun obeelom aret logot o. Ti eeke keenok, obeelom aret eeppagage kaamunggun o.


Togop eeko menggaarak kwe, Ala ayonggo malayikat nogo, Ineebe ambik seribu wonogwe inenggela'me aap ambi nen yeenggwaara wage logonet, Ndogop eeriyak ti op o, yinuk, yorage,


Ala nen kat nimbirak ndak-ndak aret niige, Kat nimbirak ndak-ndak nggween nggabok paga ogobakkigirogo pinanege, Eereegerak me,


It wone yugu ndak-ndak yogolik yonggo nappiigwi iinok, aap a'nggan waganogo piinet nugu menggaarak kwe, Wone yugu ndak-ndak yaga yonggo nappiigwi iinok perak, aakumi iniki kwippiinet nogo menggaarak.


Eeppiiga'lek neenok, it nen, Nineebe op logorak at abu'me ari ungguwok o, yinuk, Neya wogwe iinok perak, ninom lambungge, Abet aret ninom lambunna'nuk wonage, Eeruwak o,” yinuk, Ndawi yugun nogo ti aret.


Yoge mbareegi, at Yeremiya nen onggo at yoge logonet, “Kat yagandak ti, togop eekkabugun lek o. Aliku ALA nen yegerak yokkege yi, karuk liirogon konembunuk, eeke keenok, keebe obeelom logonet, kili aago aret logomunggun o.


Ogole warak mendek eekwi an neebi lombok mbake minggirak nogo, Mbo pinip o, yoraawak nduk, nayeloman mini an yorage neegak yoraga kulinik-kalinik nappiigak mban eeke nagagirak kwe,


It aap an neebe unde nogo ti, Nomaawi Lombok Minggirak Naliku an ALA nayonggo aret me, it aap neebe unde nogo nen yi wone ndi wone ugun yoraga'lek inoone liippunuk yorogwe, it inambe paga abet mban wungge nogo paga mamunggolaawak nduk, yorogwe, eeko menggaarak kwe,


Yorage nagagerik, at oone waganggwi mendek ambinom yorage logonet, “It aakumi kit kinoone konenggwi kenok ti, an noone aret konenggwi, kit mbo pinagagwi kenok ti, an aret mbo panugwi, ndi, it nen an mbo panugwi kenok ti, at nappani wagagerak nogo aret mbo pugwi, eeko menggaarak aret o,” yinuk, yorage nagagerik, nappiyareegerak.


Yoge mbareegi, ogoba nogo nen ayeloman yoge logonet, Ndi, ti kenok, aakumi endekem tu andogon-andogon ugun wonogwe nogo an name yagabit eeri unggwi woraawak nduk, koone omaawi paga waganogo piya wage logot o.


Inale'nggen ambik mbakwi iigak, Yetut nen ambinom yorage logonet, “Noreewi o. Kiniki kwippinip o. An nogoba nappani wagagerak nogo kwak, an nen kit nappinagage agarik o.”


Nit Ala ninom ogoorak wonogwe niigak, at aput ninake kambeegerak paga nen Ala ninom lambunogo pinaneegerak me, yogondak ninom kunik wonogwe nogo, Keritut eebe eenik agagerak paga ninagap ndarigin lek me nduk, yogo ogotik? Mondok lek o. Ninom kunik wonogwe me, ninagap ndarigin aret mbako logowok o.


Togop me, an meek ee'nake kenok, Ala omaawi eeppanege kagak, nomaawi ambik logonet eerit nage minggirak me, Keritut eeke nagagerak wone wigak yuwak nduk eeke neegak, an eeriyak meek ee'nake, miyuk-meya eerogo panugwi, ambi yo'negak mban eekwi paga niniki taganogo pugwi, piyak-payak eerogo panugwi, aaninggin-paaninggin noba panugwi, eekwi iigak, “Op mban aret ee'nakwi o,” yinuk, niniki tayenak ale'nggen aret minggirak o.


“Yogop ee'nu, ndogop ee'nu,” wone yugu liiru mbanak nogo paga nen ninoorogo pinanege menggerak kwe, Aberiniki nen perak, nineenik ee'ninake menggerak me, wone yugu liiru mbanak nogo, nit yorogo logowok nduk mippinanulik o. Ata, Aberiniki nen eeppinaniyak wone ngget mendek koonogo yo'niragagerak nogo, at omaawi paga yorogo logowok nduk, mippinaneegerak.


Nit abok at owagam kuwak eeppinanigin nineenu me, ninagabiti mbako logonet, yi aakumi ndi aakumi abok ninoone abet mbaruwak nduk, aganggen kerek togon yorogo monggoorak kwe, nit nonggop logonet, yorogo monggoorak nogo ti, Ala eenu aret o. Ndi, kit togon, kinikime togop aret eekkinake me, kineenu aret mbake agarik o.


At Ala nen ari logonet, “An nen kabuwa mbariyak eyom paga kat yo'nege nogo an naruk konengge. Kat kagap ndariyak eyom paga yeenggwa kege, Eereegirak o,” yinuk, yereegerak me, kit ninom Ala eyabu ambit eerit nogwe niigak, at iniki kunik nen obeelom eeppinagage nogo, “We aanom warogo eeppiige kagi,” kinombake kero, niniki, “Ao,” mbako logonet, yokkirogo ogoorik o. Kabuwa mbariyak eyom nogo ti, yogondak aret, ndi, kinagap ndariyak eyom nogo ti, yogondak mban aret me, yokkiragi o.


“Naput eyo karo-karo paga kangge kenok, yi mendek ndi mendek abok aret, an ninom ogoorak wonogwe nogo, amiya paga inonggo mbambunuk, an ninom lambuni woraagun o,” yinuk, kooneegerak me, at eereegerak paga mbogut paga mendek inom, nggween paga mendek inom, abok aret at amiya paga ninonggo mbambunuk, Ala ninom lambunogo pinaneegerak.


Togop me, aap ambi nen, “Wone yi, Ala nen yegerak lek o. Aakumi nen aret yagaarak o,” yinuk, taganogo mbo pege kenok, at nen aakumi mbo piige ti lek o. Ata, at Aberiniki wo'nirage Ala nogo aret mbo pege menggerak o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ