2 Korindut 5:16 - Ala Wone Peenok Peebi Mbanak

¹⁶ Togop me, it aakumi abe iinok mban yorogo mengga kwak, nit togop yorogo logogun lek o. It aakumi nen, “Keritut ndogop o,” yinuk, liippunuk, yogo nogogwa kwak, nit aa'nduk togop aret yogo nogogurak kwe, yogondak nit togop yogwe lek o.

2 Korindut 5:16 ပူးပေါင်းရင်းမြစ်များ

Linggineegwaarak 10:30

Yoge mbareegi, Kobap nogo nen onggo yoge, “Lek o, naru. Op aret yo'negendak kwe, an nawi alom paga niyokan nowe-nawot iniya nagi o.”

Matiyut 10:37

An kineebi negen nombako logonet, kinagalo a, kinogoba a, kiniki kunik eekwi kiinok ti, an ninom logorak meek aret o. Ndi, an kineebi negen nombako logonet, kinapuluk wulaga a, kolaga a, kiniki kunik eekwi kiinok kunduk, an ninom logorak meek mban aret o.

Yaya 15:14

Kit an noone, Yogop ee'nu, ndogop ee'nu, yokkirage nogo aret eekwi kiinok ti, kit an noreewi aret kinombarigin o.

Yaya 2:4

Yoge mbareegi, at Yetut nen, “An eeke logorak eyom awo panggoni waga'lek me, nagalo kat nonggop nduk, an yo'nege agandik?”

Yaya 6:63

At Aberiniki nen aakumi ineenik eeginake menggerak aret. It aakumi nggween paga ndarak nen ambi eekkoloorak lek aret o. At Aberiniki nen wone an yokkirage nogo paga kineenik eekkinake menggerak kwe,

Yaya 8:15

Aakumi eeko mengga kwak, kit nen, Maluk eekendak o, yinuk, yo'nugwi kwe, an nen, Kit maluk eekotak o, yinuk, ambi yokkiraga'lek aret agarik o.

2 Korindut 11:18

It aakumi nggween paga mendek nen wogoppako logonet, yogo menggaarak me, an togon ndak-ndak, wogoppake logonet, wone ambi yokkira.

Nggalatiya 5:6

Nit Keritut Yetut ninom kunik logonet, ninagabolo mbanak kenok, mbanak lek kenok, ti iya lek o. Ata, niniki abet mbareegurak paga aakumi inabuwa nen obeelom eeppiinet nogo logorak nogo perak iya o.

Pelaareegerak 33:9

Eeppunuk, yogo logonet, Ninagalo inom, ninogoba inom, liirogon inarum logorak meek o, yogwe, Inore wologwe liippiiga'lek negen wonogwe, Inapuri lombok liirogon ndegeninaka'lek negen wonogwe, Eekwi kwe, Kat koone perak, liirogon unde wonogwe, Wone abuk nggaruk togon koonogo pugu nogo arum wonogwe, Eeko logonet,

Pilipi 3:4

It ando nen, “Neebe ndogop eeppaneegwaarak o,” yinuk, ti paga iniki panggombunuk, tiyappatiyak mbakwi nogo ti, mbuuluk eeppiyareegwaarak kagak mbakwi, ndi, an perak, iya lombok eeppaneegwaarak me, niniki ti paga panggombunuk, tiyappatiyak op aret kwe, “Ti paga nen ambi eekkoloorak lek,” mba'nuk mbo pereegirak nogo yi aret o.

Kolote 3:11

Nit niniki ngget ogobakkigirogo pinanemenggerak nogo paga eerit nogo logonet, “Yi Yakuri mendek yi Yunani mendek, yi inagabolo mbanak yi inagabolo mbanak lek, yi aap ineenggo'lek mendek yi aakumi nengga mendek, yi aap inayeloman aago mendek yi aap inayeloman aago lek mendek,” yinuk, togop agan nogo logorak lek o. Ata, at yi o ndi o abok aret endak warak menggerak Keritut nogo, nit abok ninowe aret me, at mban tiyappogo logowok o.

Yakobut 3:17

At agi iniki warak menggerak nogo nen koonogo pinanege nogo ti, nit kikak naka'lek obeelom mban wonogwe, ugun logowak nduk, “Mage,” yorogwe, niniki yanggonak paga yorogwe, yo'nirogwe iinok, “E o,” yinuk, eekwi, aakumi inabuwa nen obeelom eeppiigwi, eyoonggen abe yi'nage menggi kwak, nit togop aret obeelom eerit nugwi, aap ambi obeelom eeppugwi, ambi maluk eeppugwi, eeka'lek ndak-ndak eeppiigwi, niniki laakot logonet yoraga'lek abe paga mban yorogwe, eeko logowak nduk, ee'ninake menggerak aret o.

1 Tamuwen 2:29

an nawooliya wurik me time it aakumi Iterali nake warogo kani kunggwi, iniki ale'nggen paga yi mendek ndi mendek we wo'nugwi, Eeko logonip o, yinuk, yoragagirak nogo, nonggop nduk miyuk-meya eerogo pogo agaarik? Ndi, it napuri Iterali mendek nen ndomba-tapi warogo nake kani kunggwi iinok, apuri nen enggaanggum mbanak abe kenok inaanoma'le andi lek nunggwi ti, nonggop nduk it iya, ndi, an meek, nomba'nuk, inaruk waka'lek teppiige agaarik?