2 Korindut 5:14 - Ala Wone Peenok Peebi Mbanak

^14-15 At ambi nit aakumi abok ninobaane'me kambeegerak nogo paga nit abok at ninom kunik me, ninom aret kambeegurak. Ndi, “Nit abok ninobaane'me kambeegerak nogo ti, nit ninobaalombok mban eerit nugu logowok nduk, kambulik o. Ata, at ninake kangge mbareegi, eenik agago mippereegerak nogo, ake eerit nugu logowok nduk, ninobaane'me aret kambeegerak kogo,” yinuk, Keritut iniki kunik lombok ee'ninabeegerak me, eereegerak wone ti, nit puk aga'lek yoragak mban eeriyak ee'ninake agaarik o.

2 Korindut 5:14 ပူးပေါင်းရင်းမြစ်များ

1 Mbinineegwaarak 11:18

it aap wakaa'ngget 30 mendek ineebe kenagan nogo, konenggo nogogwaarik, it aap Pilitin mendek inawooliya wuppunuk wonogwe nogo, iigak-iigak o Mbe'lekem tu unggwogo menggam niyo nggween kabunik me nogome niyo toologo waganggo nogogwaarik, wonok Ndawut wogori wogogwaarak kwe, at nen ari logonet, “Nawuri nen, At ake ninamiya wundiyak op aret, mba'nuk, niyo yi, tooli nagaarak me, niyo toolak yi ti, inamiya kwak iya lombok me, an noorak lek o. Ata, Kaliku ALA kake o,” yinuk, at noolik nggween paga kilirogo pereegerak. It aap wim wakaa'ngget 30 mendek inoweewi ineebe kenagan nen eeko nogogwaarak nogo ti, togop aret eeko nogogwaarak o.

Ayup 32:18

Wone ninikime abu yagabit aago wonage, Ninikime nen, Yu o, yinuk, yo'nege, Eeke agaarik o.

Ndawi Iya 1:4

Togop me, nit mbet-mbet nawok nduk, an kat kambokan woraakit nen, “Omok o,” yo'niru o. Nowe kendagembogut yi wae. An wo'neren kago ogoorak me pani wagandak wonage agarik o. Kat keenok, ninale'nggen nggwok lombok mbakwi, Kat eeke keenok, niniki ale'nggen alik negen kogwe, Anggur amburu noorak ninikilom mbuuluk mbakwi kwe, kat ninoreeluk abuwa nen kiniki kunik eekendak paga kat tiyappagagwi, Eeko ogoorik o. It komologwe kat tiyappagarak ti abu obeelom aret o.

Yetaya 53:6

Nit abok aret ndomba kobak aago negen wonogo logonet, tu abe kagak alik paga nogwe, Ninalitik-ninalitak niniki koombunuk eerit nogwe, Eeko nogogurak paga Nit abok aret maluk eekwi onggo, “At nen aret mbanuwak o,” yinuk, Aliku ALA nen at oba pereegerak.

Lukat 15:24

An naput yi, kambeegerak negen kwe, eenik agaarak o. Ndi, kobak agagerak kwe, kwaakkogo o, yinuk, ale'nggen eereegwaarak.

Lukat 15:32

Ndi, kat kawot yi perak, kambeegerak negen kwe, eenik agaarak o. Ndi, kobak agagerak kwe, kwaakkogoorak me, niniki ale'nggen logonet, laago yi op aret lako, yoreegerak o,” yinuk, Yetut nen it aakumi yoragagerak.

Lukat 24:29

tebembunuk, yogo logonet, “Oonegen abu kilu yi nagaarak o kiip age me, ninom aret logowok o,” yogo mbareegwa, inom logowok nduk, iname aret unggwi nagagerak.

Yaya 1:29

Nogo yinuk, ko'lu Yetut nogo, at Yaya owagam wage enegen kage nagagerik, it aakumi yorage logonet, “Aakumi nggween paga yime menggaarak inomaluk lek agago piige menggerak Ala andomba nogo wage yi kaanip o.

Yaya 11:25

Yoge mbareegi, Yetut nen at yoge logonet, “Aakumi ineenik agago mippiige minggirak an aret me, aap ambit ambi nen iniki noba panggombunuk, abet nombake kenok, kambemenggerak kwe, eenik a'nuk, mi'narigin o.

Yaya 5:25

It aap kanggo menggaarak mendek nen Ala aput an noone koneniyak eyom peebi kwe, yogondak muk panggoni wagaarak me, it aakumi nen an noone konenggwi iinok, mondok-mondok ineenik aret logogun o.

Nappiigak 18:5

Ti'nuk, Tilat inom, Timotiyut inom, o Makendoniya nen wogo nogogwaarik, inom logonet, at Pawulut nogo alik ambi eeke logolik Ala wone ti mban yorage logonet, “Ala leenogo mippereegerak Mesias nogo ti, Yetut aret o,” yinuk, it Yakuri mendek yorage nagagerak.

Oroma 2:2

At Ala ti, aakumi maluk togop eekwi iinok, liirogombo aret maluk onggo eeppiige menggerak nineenu aret o.

Oroma 5:15

Ala nen onggo lek we aret wo'niragagerak nogo ti, at Aram nen Ala oone taganogo punuk, maluk eereegerak ndak-ndak lek o. At Aram alik nen maluk eereegerak paga, nit aakumi abok aret kanggo monggoorak ti iya negen kwe, aap alik ambi Yetut Keritut ninabuwa nen ninake eereegerak paga Ala iniki kunik en nit yi aakumi ndi aakumi abok aret onggo lek we aret obeelom eeppinanege menggerak nogo ti perak, mondok iya o!

Oroma 6:13

Ndi, “Maluk eeriyak ee'ninake nogo, nineenggi-niniyok paga eeriyak op aret o,” yinuk, wondet agago mbo pugup o. Ata, aakumi kanggaatak ineenik agago mippiigo mengga kwak, kit togop aret ogogutak me, obeelom mban eerit nogo logobagip nduk, kineenggi-kiniyok abok aret Ala mban wogo'nuk logonip o.

Oroma 6:6

Nit maluk ayeloman logonet, niniki maan mendek nen maluk mban eeriyak ee'ninake nogo, ambinom eerit noorak ee'ninake kero, omaawi lek eerogo puwak nduk, Keritut ninom eyo karo-karo paga ninooreegwaarak nineenu me, yokkirogo ogoorik o.

1 Korindut 16:22

Aap ambit-ambi ninowe iniki kunik eeka'lek kenok, pulunik negen aret logowak o. Maranata o! Ti nit ninoone paga, “Ninowe mbet-mbet woraawak o,” yinuk, yogo monggoorak.

1 Korindut 2:14

Ala Aberiniki nen koonogo yo'nirage nogo ti, Aberiniki ninikime wonage kenok mban yelok kogo monggoorak me, it aakumi nggween paga mendek nogo, Aberiniki inikime wonage lek me, wone ti, konembunuk, ugun kobak logonet, “Yi wi wone negen aret kogo,” yinuk, mbo pogo menggaarak kwe,

2 Korindut 3:7

Eeko logorak wone ninoorogo pinanege menggerak wone yugum paga ayo wogo Muta unde wonagagerak nogo, we mbuuluk iya me, Muta etenggen we luulu ndelenak-welenak aago logonet, wonok wambi wage mbareegi, aakumi Iterali mendek liirogon pekkoorak meek agagerak kwe,

2 Korindut 3:9

Eeko logorak wone Muta yo'nirage nagagerak nogo mugurok nogwe niinok, “Kat maluk me, onggo eeppagarak o,” yo'nirage nineenu kagak, wone ti, iya mbako nogogurak kwe, obeelom wone yo'nirage nogo mugurok nogwe niinok, “Kat kiniki abe koonak aret kagi o,” yinuk, yo'nirage nineenu nogo ti, meek mbakop? Lek o. Ti abunuk mondok iya lombok aret o.

Nggalatiya 2:20

An Keritut nimbirak eyo karo-karo paga nabenogo paneegwaarak me, kambeegirak. Ndi, yogondak eerit nage minggirak nogo ti, an nomaawi paga lek o. Ata, Keritut omaawi eeppanege kagak eerit nage minggirak me, an nggween paga yime neegak, at Ala aput nabuwa mba'nuk, nake kambeegerak me, at abet mbake logonet, niniki at oba panggombunuk, eerit nage agarik o.

Epetut 6:24

Ninowe Yetut Keritut kit kiniki kunik eekwi nogo, lek aga'lek mondok kundugu wonogwe kiinok, kinabuwa mbake logonet, kinarum logogin o. An Pawulut nen abu aret yokkiragi o. Noreewi wa!

Kolote 2:13

It aakumi inagabolo mbanogo nappogo mengga kwak, kiniki maan mendek nen maluk eeriyak eekkinake alom nogo omaawi awo lek eerogo pega'lek logonet, yi maluk ndi maluk eerit nogo nogogutak paga kambak kwak aret wonogogutak kwe, “Yogop ee'nu, ndogop ee'nu,” wone yugu liiru mbanak ndak-ndak nit eeka'lek niinok, Ala nen, “Maluk onggo ndogop eeppiyaakit o,” mba'nuk, eenggi lingginogo liiru mbaneegerak aaninggin kinoba wonagagerak nogo, “Mondok mbo pikit o,” yinuk, liiru mbanak nogo Keritut inom eyo karo-karo paga nabenogo punuk, kinomaluk tigitogon lek eerogo pege nagagerik, Keritut kinom kineenik agago mippinagareegerak.

1 Timotiyut 2:6

Yi aakumi ndi aakumi abok aret at eebe paga inonggo mbambunuk, wondet agago piyareegerak. Ti eereegerak nogo ti, Ala nen yi aap ndi aap abok eeppiyoorak kooneegerak pagak yuurak eyom panggoni wagagerak me, aret pagak yereegerak.

1 Timotiyut 5:6

It kumi ineenggi eekwi lek amburu warak mban na mbarit nugwi iinok ti, ineenik wonogwe kwe, kambak negen aret wonogwe o.

Titut 3:3

Nit kunduk, maan togop aret nineenggo'lek wi negen wonogwe, wone yo'niragaatak konengga'lek wonogwe, tu alik me nomo agan nogwe, aap ambi ayeloman yoge kenok, “E o,” yinuk, eeke menggi kwak, nit niniki nengge kenok eeriyak ninikilom mbakwi nogo mban eekwi, eeko nogogurak. Yi mendek ndi mendek eerit nogo logonet, maluk mban eekwi, neebi-keebi yogwe, nanini-kanini yogwe, ti mendek mban eeko nogogurak kwe,

Iberani 2:9

At Yetut perak, tiyanak mondok ayuk warak wonage kogo ogoorik o. At Ala iniki kunik en eeppinanege menggerak me, malayikat tiyanak iigak, aput ninalitak lombok ninake kambuwak nduk, ne ambit luulu at tebeppege mbareegi, nggween paga wambi wage nagagerik, ninake kangge logonet, andi-pandi kagak waganeegerak ti paga, aap ambi amindik-amendek li'luk eeppogo mengga kwak, Ala nen at aput togop aret ayuk wurogo tiyappereegerak wonage agaarik o.

Iberani 6:10

Kit kinogoba Ala a'me nggelok eeke menggerak me, at eyabu eerit nogo logonet, at endage tiyappuwak nduk, “Ao,” mba'nuk, kinoreewi Ala apuri yeenggwaarogo nogogutak inom, yogondak awo yeenggwaarogwe wonogwe inom, at mari eerogo pigin lek o.

1 Peterut 1:8

Kit Yetut kinigen kaga'lek kwe, kagak, kiniki kunik eekwi, ndi, yogondak at eebe kinigen kaga'lek kwe, kiniki at oba panggombunuk, abet mbakwi, eeko logonet, “Nit niniki abet mbakwi nogo, anggen yugu paga nineebe ninagap ndarigin,” mba'nuk, kiniki ale'nggen mbakwi nogo ti, mondok nggwok alik negen agaarak me, nonggop togon mbininogo yuubok aga o.

1 Yaya 5:19

Yi aakumi ndi aakumi maluk eeko menggaarak nogo abok aret at maluk eeka Tile nogo abu'me wonogwe nineenu kwe, nit perak, Ala apuri aret ogoorik o.