2 Korindut 5:11 - Ala Wone Peenok Peebi Mbanak

¹¹ Nit abok at owagam kuwak eeppinanigin nineenu me, ninagabiti mbako logonet, yi aakumi ndi aakumi abok ninoone abet mbaruwak nduk, aganggen kerek togon yorogo monggoorak kwe, nit nonggop logonet, yorogo monggoorak nogo ti, Ala eenu aret o. Ndi, kit togon, kinikime togop aret eekkinake me, kineenu aret mbake agarik o.

2 Korindut 5:11 ပူးပေါင်းရင်းမြစ်များ

Wakkagagerak 35:5

Nggween taambege nagagerik, akuwi-apurilogwe inom o Mbeten wogwe iigak, it aakumi inom wonogogwaarak enaagan-ambokan nogome nen muguren worookwak nduk, Ala nen mondok inagabiti agago piyareegerak.

Ayup 18:11

Agabolo nirik-kirik eerogo puurak mendek enaagan-ambokan wonage, At nage kenok, mugurok aret nage,

Ayup 31:23

Ala nen aaninggin ambi noba panege kero, nagabiti mbake, At mondok iya tiyanak lombok menggerak ayuk wuke, Eekirak me, Togop eerulik o.

Ndawi 73:19

It ineebe ne ambit liingge aret lek ogwe, Inagabiti nen inamineeri ne agan nage kagak, inenggaawak lek aret ogwe, Eerugun me, iya!

Ndawi 76:7

It aakumi abok aret kat keenok, Inamineeri ne agan nage menggerak me, Kat kanini inoba piige keegak, Aap ta nen ko wappunuk logogin mbaken? Lek aret o.

Ndawi 90:11

Kanini mondok iya lombok menggendak nogo, Aap ta nen eenu age, Kat kanini mondok iya eeppiige ndak-ndak it aakumi inagabiti kombakwi me, Ta nen aganak nuk ega'lek lambek puk wonage, Eerigin mbaken? Lek aret o!

Yetaya 19:16

Ne ti eyom paga it aakumi Metit mendek nen at Omaawi Lombok Menggerak Aliku ALA aaninggin inoba piyaakit nduk, “Ndime eeri nanip o,” yinuk, eenggi titik irage inigen kogo logomenggaarik, kumi inogut nggigik yinuk, iniki ma'nage menggi kwak, it togop aret eeginabigin o.

Yetaya 33:14

It aakumi maluk eeka o Tiyon wonogwe nogo iniki ma'nage, It aap Ala mugurok noorak ineebi mbaka nogo nen inaganak ngginuk ari, Eeko logonet, “Wologwe wae. Kani nen ineebe lek eerogo nengge me aap ta nen unggwage mbakop? Ndi, aap ta nen kani mondok wunuk mban ari menggim op logorak mbakop? Lek aret o,” yinuk, yugun o.

Nakum 1:6

Aliku ALA anini nen eeppiige nogo, aap ta nen ko wappunuk, logogin mbakop? At anini kani kunik negen eeke kagak, aap ta nen ogogumbuk puk arigin mbakop? Lek aret o. At anini kani kunik negen yumbunogo wuppi wage nagaarik, Enegen kagak, puut-puut yanggu-yanggu wambit wage kagagirak o.

Matiyut 10:28

It aakumi nen kinagabolo kinooko logonet, kiniki inom kinoorugun lek me, kinagabolo mban kinooko menggaarak nogo paga kinagabiti inombarugup o. Ata, kinagabolo inom, kiniki inom, lek eerogo kani omoonuk wunuk mban ari menggim time pinagarak unde nogo perak, mondok kinagabiti mbako logonip o.

Matiyut 25:46

yorage logominggirik, it aap nogo, inomaluk onggo mondok-mondok yagan wako logowak nduk, nappiyaagin kwe, it iniki abe koonak menggaarak nogo perak, ineenik mondok-mondok logowak nduk, eeginabigin o, yinuk, yoraagin,” yoragagerak.

Lukat 12:5

Kit kinagabiti mbarumunggup nduk, an kurumbi yokkira o. At kinagabolo mondok kinooppunuk, kani omoonuk wunuk mban ari menggim nappinagarak unde menggerak ti perak, kinagabiti mbako logonip o. At mondok kinagabiti mbako logonip o, yinuk, yokkirage agarik o.

Lukat 16:31

Yoge mbareegi, Abarakam nen, It kogobamini nogo nen Muta yereegerak wone inom, it Ala nen yorage kagak yoraga inoone inom, konenggulik kenok, aap ambi kanggo menggam nen eenik a'nuk, yora nage kenok kunduk, it iniki abet mbarugun lek, yoreegerak o,” yinuk, yoragagerak.

Nappiigak 13:43

It tamban eeko menggam nogome nen mbaganggwi iigak, it Yakuri mendek inom, it endekem mendek Yakuri wone waganggo nogogwaarik, Ala inagabiti mbako nogogwaarak nogo inom, apit aret Pawulut Mbaranabat inom nogo nogogwaarik, “Ala iniki kunik en eeppinagage nogo, kiniki liippunuk, at mugurok nogo logonip o,” yinuk, wone mamunirogwe, inaruk wakwi, eereegwaarak.

Nappiigak 18:13

Pi nogo nogogwaarik, “At aap yi, Ala alut eeko logorak wone yugu nogo kagak, alik eeko logowak nduk, aakumi iniki nggaganabit nege kenok, wonok wogo o.”

Nappiigak 18:4

Eeke logonet, at Pawulut nogo kulinik-kalinik it Yakuri tamban eekwi paga it tamban eeko menggam unggunuk, it Yakuri inom, it Yunani mendek inom, it iniki abet mbaruwak nduk, Ala wone amburu mbanogo yorage nagagerak.

Nappiigak 19:26

aap endage Pawulut nogo nen, Kugiwak aakumi nen ogobakkigikwi ti, abe mendek lek o, yinuk, o Epetut yime nen mban lek o. Ata, o Atiya yi awi ndi awi time abok aret aakumi apit inikime manabit nege logonet, nomoninabit nage kinigen kogwe, kinaruk konenggwi, eeko ogotik o.

Nappiigak 26:26

Nogoba Agiripa wae. An yorage minggirak ti, mina paga yorage logolik o. Wone an yorage minggirak nogo ti, kat nogoba Agiripa kunduk, keenggo'lek ti lek, abu keenu aret mbaki o. Wone ti abok keenu me, nagabiti lek logonet, yokkege agarik o.

Nappiigak 28:23

Ndi, “Ne ndi paga ambinom yo'niraawak o,” yinuk, koonogo pereegwaarak nogo eyom ari wage mbareegi, at Pawulut wonage me ineebe ambik aret kuwak ari wogo mbareegwa, Pawulut nogo o kuubondendok nen Ala abu'me piyoorak wone nogo amburu liirogon mbanogo yorage, ndi, Yetut eereegerak wone nogo liirogon ineenu aruwak nduk, Muta liiru mbaneegerak wone inom, it aap Ala yorage kagak yoraga nen yorogo nogogwaarak wone inom, mbininogo yorage, eeke tit kagak, o kiyoma aret agagerak.

2 Korindut 2:17

It ando nen Ala wone yorogwe paga, “Ambi kolaawok o,” yinuk, yokkirogo menggaarak kwe, nit perak, togop lek o. Yokkiraawok nduk, Ala nen nappinani wagagerak me, at enegen kagak Keritut ayeloman logonet, we ale'nggen paga aret yokkirogo monggoorak.

2 Korindut 5:20

Togop kenok, nit Keritut obaane'me oone wonok yoranet nugu logowok nduk, mippinaneegerak logonet, Keritut eereegerak ti paga, “Ala kinom ogoorak logorak lek o. Kinom lambuninip o,” yinuk, Ala nen oone nabek togon yokkirobogom nit aret yokkirogo ogoorik o.

2 Korindut 6:1

At Ala nen ari logonet, “An nen kabuwa mbariyak eyom paga kat yo'nege nogo an naruk konengge. Kat kagap ndariyak eyom paga yeenggwa kege, Eereegirak o,” yinuk, yereegerak me, kit ninom Ala eyabu ambit eerit nogwe niigak, at iniki kunik nen obeelom eeppinagage nogo, “We aanom warogo eeppiige kagi,” kinombake kero, niniki, “Ao,” mbako logonet, yokkirogo ogoorik o. Kabuwa mbariyak eyom nogo ti, yogondak aret, ndi, kinagap ndariyak eyom nogo ti, yogondak mban aret me, yokkiragi o.

Nggalatiya 1:10

An yokkirage ti, aakumi inikilom nombaruwak nduk ari ilik, Ala inikilom nombaruwak nduk ari a? Ndi, an aakumi nen tiyappanuwak nduk ari minggirak mbakop? Lek o. An aa'nduk aakumi inikilom mbaruwak nduk ari nagagirak nogo ndak-ndak ari logonetak en, yogondak an Keritut ayeloman logonetak lek o.

Epetut 5:21

Ninowe Keritut ayuk wuko logonet, kiniki tebe yinuk nabu'me-kabu'me logonip o.

Iberani 10:31

At eenik menggerak Ala nogo nen nit maluk eekwi onggo abera'lek me ninoba kwippinanege nogo ti, mondok iya ninamineeri ne agan nage kagak eeppinanege kaagun o.

Yurat 1:23

it ando nen kani omoonu'me nogwe me, kinagabiti mbaka'lek inagap ndarogo piya wogwe, ndi, it ando perak, iniki nengge mugurok nogo logonet, mbogoyum laambu abe me mili mondok nabek yi unggwage menggi kwak maluk eekwi ti, ogole warak me, ninom lambunggologwe niyo, “Ninagabiti o,” mbakwi kwe, kagak, inabuwa mbako logonet yorogwe, eeko logonip o.