2 Korindut 4:6 - Ala Wone Peenok Peebi Mbanak

⁶ At Ala nen ari logonet, “O apit me eya aruwak o,” yinuk, eya eereegerak nogo inom, ndi, Ala mondok tiyanak, “Wi!” ugwi nogo, Keritut enete liippunuk, yelok kogo logowok nduk, ninikime eya ee'ninabeegerak nogo inom, ti eebe ambit Ala nen mban aret eereegerak o.

2 Korindut 4:6 ပူးပေါင်းရင်းမြစ်များ

Wakkagagerak 1:3

Wiga agan nege kagak, at Ala nen, “O eya aruwak o,” ari kagak, o eya aret agagerak.

Ndawi 63:2

Kawi alik leenak wurik me wonage me nenegen keege, Komaawi ambik kendage abu tiyanak liippagage, Eekirak o.

Ndawi 74:16

O liingge inom, oonikiya inom, kat nen mban wakkage, Oonegen tut imbirak inobaane'me lombok logowak nduk, Kat nen aret koonogo pege,

Ndawi 90:16

Kat eeke menggendak nogo Kayeloman mini nineenu aruwok nduk, kin eerogo pege, Kendage abu tiyanak, “Wi!” kugwi nogo Ninapurilogwe kunduk inigen keyaawak nduk eeppiige, Eeru o.

Yetaya 35:2

O karume waambi anggen tuk mbilenggen eerit nage kenok, ale'nggen nen ndawi wake, keekok ari, eerigin o. O Libanon iri'ngga kwit agan lagit nage kenok, “Wi!” irogo mengga kwak, Puut Karemen inom, o Taron inom, iri'ngga-kale'ngga abe lombok menggi kwak, O karume togop aret eerogo pemenggerak paga at Aliku ALA abu tiyanak wonage, Ninogoba Ala abinak pindan-pindan eeke, Eeke nogo Aakumi inigen kaagun o.

Yetaya 40:5

Aliku ALA mondok tiyanak menggerak nogo kin ari wage kenok, It aakumi abok aret nen ndak-ndak inigen kogo logogun o,” yinuk, Aliku ALA nen aret yegerak me, yagi o.

Yetaya 45:7

O liingge wakkage, oonikiya wakkage, Obeelom eerogo piige, maluk eerogo piige, Eeke minggirak yi abok aret ti, Naliku ALA nen aret eeke minggirak o,” yinuk, yoge kagarak.

Yetaya 60:2

O apit nen nggween nobappunuk wonage, Yi aakumi ndi aakumi o yumaak lombok eeppiinok wonage, Eerak ti kaawak o. Togop aret aago kwe, Naliku ALA eya oba pindanogo pege, An nabinak kwindagala aago wonage nogo, at irimbaga eya eeppege, Eerak wonage kenok,

Lukat 10:22

Yoge nagagerik, “An nogoba nen yi mendek ndi mendek abok aret an unde logokit nduk, wo'nereegerak. Ala aput ti ta o? It aakumi ineenggo'lek nogoba alik mban eenu menggerak. Ndi, nogoba ti ta o? Ti, at aput an nalik mban neenu minggirak. Ndi, aput an nen it aakumi nogoba ineenu aruwak nduk, paganogo yoroorak mbake neenok, it kunduk, ineenu ogo menggaarak o,” yinuk, yoragagerak.

Yaya 1:14

At Wone nogo, aap aret age nagagerik, ninom aret wonagagerak. Ninom logonet, oona ngginik kagak, iniki kunik nen eeppinanege, Ala ndogop menggerak o, yinuk, liirogon yo'nirage, eeke kogo logonet, at Ala aput ambolom ndarak me, ogoba nen tiyappereegerak mondok tiyanak aret kogogurak o.

Yaya 11:40

Yoge mbareegi, Yetut nen, “Kat kiniki noba panggombunuk, abet nombake keenok, Ala endage abu tiyanak logonet, eeke menggerak kaamunggun o, yokkigirak nogo lek a?”

Yaya 12:41

At Yetaya wone yoragagerak nogo ti, Keritut abu tiyanak kage nagagerik, abok mbiningge logonet, yoragagerak.

Nappiigak 26:18

It o apit negen wonogwe nogo mbo punuk eya me unggwage, ndi, at Ibilit abu'me piyareegim nen wundi nanuk, Ala abu'me piige menggim unggwogwe, Eeruwok o, yinuk, yuwak nduk, nappagagin o. It nogo iniki noba panggombunuk abet nombakwi iinok, inomaluk Ala nen lek agago piinok, at apuri leenogo piyareegim nogome inom nabenogo piyaawak nduk, nappagagin o, yinuk, yo'nereegerak o,” yoragagerak.

1 Korindut 12:8

Aberiniki ambit nogo nen aap ambi iniki warak logonet, wone koonogo yorage logowak nduk, unde eeppege, ambi, yi wone ndi wone alom neenu a'nuk, liirogon yorage logowak nduk, unde eeppege,

2 Korindut 2:10

It aakumi maluk eeppinagagwi nogo kit nen inomaluk mari eerogo mbo pugwi kiinok, an kunduk, inomaluk mari agago mbo pege logogin o. Ibilit nen eeriyak koongge menggerak nineenu me, nit nen aap ambi omaluk aberak wonogwe niinok, Ibilit nen, “Nanonggwan aga o,” yinuk, niniki nggagani wage menggerak me, maluk eeppaneegerak mari eerogo puurak, “Ambi wonage ilik, lek a,” ti, liirogon an neenggo'lek kwe, “Wonage negen aret,” mba'nuk, kinake aret Keritut enggaanom paga paganogo punuk mari eerogo mbo pereegirak.

2 Korindut 3:18

Togop me, nit ninetenggen nobarak togop ti wonogwe lek o. Ninowe mondok tiyanak aakumi inigen kogo logonet, “Wi,” yuwak nduk, Ala awukagi negen nit aret ogoorik o. At ninowe mondok tiyanak kenok aakumi nen, “Wi!” ugwi nogo, nit togon liippugwi niigak, at etenggen ndak-ndak logowok nduk, Aberiniki nen ninobaabut koonogo pinanit namenggi-namenggi irip paga at etenggen ndak-ndak eerogo pinanigin o.

2 Korindut 4:4

At Ala etenggen ndak-ndak mondok tiyanak aakumi, “Wi!” ugwi Keritut eeke nagagerak obeelom wone nogo, it aakumi abet mbaka'lek mendek nen yelok kogo logokwak, at o yogondak unde menggerak Ibilit nogo nen iniki apit eerogo piyareegerak me, yelok kaga'lek aret wonogo agaarik o.

Epetut 1:17

At ninowe Yetut Keritut ogoba Ala mondok tiyanak menggerak nogo nen, kit kiniki warak eeppinagage, Ala eeke menggerak yelok kaabagip nduk, kineenu eeppinagage, eeke menggerak Aberiniki nogo, ambinom wokkiraawak nduk, kinake tamban eeke minggirak.

Epetut 1:18

Ti eeke logonet, kit kola nabagip nduk kinayonggo pinagareegerak kiniki lunik wonogwe nogo inom, nit at apuri ake leenak kenok eyate mondok alik negen eerogo wo'niraagin kooneegerak nogo inom, ndi, nit abet mbakwi mendek Ala omaawi mondok iya lombok eeppinanege menggerak nogo inom, kineenu arubagip nduk, “Inikime eya eeginake logot o,” yinuk, Ala yoge minggirak.

Epetut 5:8

Kit aa'nduk o apit paga nogo nogogutak kwe, yogondak kinowe nen muk eya eerogo pinagareegerak me, Ala apuri eya paga logonet, eeko mengga kwak, kit togop aret eerit nogo logonip o.

Pilipi 2:6

At Keritut nogo ti, Ala iniki menggerak kokwak, Keritut iniki ndak-ndak aret wonagagerak kwe, “Ala nimbirak ndak-ndak tiyanak aret me, an tiyanak logokit,” ti mbarulik.

Kolote 1:15

Ala etenggen ninigen kaga'lek kwe, at etenggen ndak-ndak ti, Keritut aret me, liippogo ogoorik o. Ala aput manggu ndarak Keritut aret me, yi mendek ndi mendek wakkagagerak nogo, tebenak kagak, at mondok tiyanak aret agaarik o.

Iberani 1:3

Ogoba mondok tiyanak eebe eya ndelenak-welenak aago kenok, “Wi!” ugwi nogo kokwak, aput ndak-ndak aret menggerak. Aput nogo ti, ogoba iniki ndak-ndak aret. Yi mendek ndi mendek wakkagagerak nogo abok aret, at oone omaawi paga pipporogo menggerak. Ninomaluk abok aret lek eerogo mbo nappege nagagerik, at agi mbogut paga mondok tiyanak menggerak nogo, eenggi abe'nggan paga tiyarogon kwi'nari laganeegerak wonage o.

Iberani 6:4

It aakumi inomaluk mbo punuk, Ala wone konenggwi iigak, inikime eya aganake, mbogut paga nen onggo lek we wo'nirage nogo ombat kogwe, Aberiniki inikime waganggwi,

1 Peterut 1:12

Mbogut paga nen Aberiniki nappi wagagerak it aap ti, inikime unggwage nagagerik, yorage kagak, obeelom wone yokkirogogwaarak konenggo nogogutak wone nogo, maan it aap Ala nen yorage kagak yoraga nogo nen, wone ti yorogwe iigak, at Ala nen, “Wone yi ti, kit kinake nduk yokkirage lek o. Wone ti, it peebi nda'naremenggaarak inake nduk aret yokkiragi o,” yinuk, kin paga yoragagerak me, it malayikat kunduk wone ti, koneniyak uugwe mbakwi kwe, nit ninake nduk aret yorogo nogogwaarak kogo o.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.

2 Peterut 1:19

Ti yereegerak kenok, o maan it aap Ala nen wone yorage kagak yorogo nogogwaarak nogo a'me lik yi wagak eeke kogo nogogurik, nit niniki abet mbakwi nogo, mondok nu'lek eerogo pinanegak eeke kogogurak o. O weerikit nduk, kilim nagake kagak, ndowan ambiret abinak ndelenak-welenak ari kogo monggoorak nogo, wundi waga'lek kagak, o apit me ndi wuninogo pogootak eya kenok, niniki ale'nggen age menggi kwak, kinikime awo eya eekkinabi waga'lek kagak, wone yo'nirogo nogogwaarak nogo kiniki kunik eekkologo logonet, liippogo logorak ti, op lombok aret o.