2 Korindut 4:16 - Ala Wone Peenok Peebi Mbanak

¹⁶ Togop kenok, aaninggin ninoba pinanugwi kwe, niniki lek-lek ee'ninakeelik o. Eerit nogo logonet, ninagabolo lebenak arit unggwage paga kambuurak kwe, niniki perak, ko'lu-kii'me nineenik ngget mendek eeppinanit unggwage menggerak.

2 Korindut 4:16 ပူးပေါင်းရင်းမြစ်များ

Ndawi 119:81

“At nen nagap ndari woraawak lak, ao,” Mbake logonet, niniki lek-lek ee'nake kwe, Kat koone yugu nogo niniki lunik mban wonage,

Ndawi 27:13

O nggween paga aakumi ineenik wonogo menggam yime At Aliku ALA nen Aakumi obeelom eeppiinet nage menggerak nogo An togon togop ee'nabigin abet aret mbake agarik o.

Ndawi 51:10

Ala wae. Niniki kikak naka'lek eerogo panege, Niniki nu'lek logokit nduk, Niniki ngget mendek eerogo panege, Eeru o.

Ndawi 73:26

An neebe inom, niniki inom, abu ndeyak ee'nabit unggwage kwe, Nayugum lunik kwak an niniki Ala kat paga panggonak wonage, Neyate kwak kat paga niniki mondok lunik wonage, Eeke agarik o.

Yetaya 40:29

It aap inomaawi lek aago wonogwe nogo inomaawi eerogo piige, Ineebe ndeyak wonogwe iinok, inomaawi ambinom eeppiige, Eeke menggerak o.

Yetaya 40:31

It aap, “Aliku ALA nen eeppinani woraawak o,” yinuk, iniki lunik wonogwe nogo perak, Inomaawi lek aremenggerak nogo inomaawi eekkologo logomenggaarik, Towe nggindooni a'naabit omaawi paga wiganinuk nege menggi kwak, we negen nugwi, Inomaawi lek aga'lek tu mbe agan nogwe, Iniki lek aga'lek op aret nogwe, Eeko logogun o.

Yeremiya 45:3

Kat nen ari logonet, An niniki wakko'net unggwage neegak, Aliku ALA nen, Abunuk iniki wakkolaawak, nomba'nuk, aaninggin ambinom noba panege paga, niniki aaninggin nen koonit nage logonet, nomaawi lek age, niniki tayok ari lek piirik mban wonage, eeke me nabuwa o, yinuk, yagandak o.

Lukat 11:3

Ninambi ko'lu-kii'me nonggo logorak wo'nirage logot o.

Oroma 12:2

It aakumi nggween paga mendek nen iniki mba'nuk eerit nogo mengga kwak, kit togop eerit nogo logogup o. Ata, kit alik ngget mendek eerit nogo logobagip nduk, “Niniki ngget alik ogobakkigi'ninake logot o,” yinuk, Ala yogo logonip o. Ti yorumonggotak eekkinake kenok, at Ala eeriyak mbake nogo ti, obeelom aret kogwe, eerit nogwe kiinok, Ala iniki ale'nggen ninombake kogwe, ndi, “Abu obeelom lombok koonggerak me, ambi kooniyak lek aret,” mbakwi, eeko logorak kineenu arumunggup o.

Oroma 7:22

Ala nen, “Yogop ee'nu, ndogop ee'nu,” yereegerak wone ti, an ninikime nen eeriyak ti ninikilom aret kwe,

1 Korindut 15:58

Ti kenok, noreewi o. Kit an niniki kunik me, kiniki mondok kwi'ndak nu'lek logonet, ninowe eyabu aret eekwi kenok ti, we aanom warogo eekwi lek ambi kola noorak nduk eekwi kineenu me, kulinik-kalinik nggwiirit-nggwaarit aret eeko logonip o.

2 Korindut 12:15

Togop me, kit kinake eeke logonet, namendek tigippake, nomaawi abu lek eerogo pake, eeriyak ti, niniki ale'nggen aret mbake minggirak me, an kit kinabuwa ambik mbarit unggwage neegak kwe, kit nen perak an nabuwa mbakwi nogo mbuuluk arit unggwage kagarak ti, nonggop o?

2 Korindut 4:1

Nit wone ti, yorogo logowok nduk, Ala nen ninabuwa mbake logonet, unde eeppinaneegerak me, wagangga'lek iinok, niniki maluk ageelik o.

Epetut 3:16

“Kat mondok tiyanak logonet, koba ngginik kagak kapuri eeppiige menggendak nogo ndak-ndak, kat Kaberiniki nen eeppiige kagak komaawi paga iniki nu'lek eerogo piige logot o,” yinuk, kinake tamban eeke minggirak.

Epetut 4:23

kiniki ngget ogobakkigikkinabuwak nduk, Ala oone mban mugurok nogo logonip o.

Titut 3:5

ninagap nda'ninabeegerak. Nit obeelom eeko nogogurak paga ninagap nda'ninabulik o. Ata, at alik iniki nen ninabuwa mba'nuk, obeelom eeppinanege logonet, niniki maluk koorogo punuk, obaane'me ngget ndarogo pinanege, Aberiniki nen niniki ngget ogobakkigi'ninake, eereegerak ti paga ninagap nda'ninabeegerak.

1 Peterut 3:4

Ata, kumi inobaabut abu yanggonak iniki kwi'ndak nogo, alik ogolik mondok porogo wonogwe iinok, at Ala nen, “Kwe yi, ia o!” yinuk, iniki kundugu eeginake menggerak me, kit kinobaabut togop aret logonip o.

1 Peterut 4:14

It aakumi nen, “Kit Keritut oone wagangga mendek o,” yinuk, miyuk-meya eerogo pinagagwi iinok, “Ala Aberiniki mondok tiyanak menggerak nogo nit ninoba wuppi wagaarak ninom wonage kenok, yo'nirogwe iigo o,” yinuk, kiniki ale'nggen logonip o.