2 Korindut 4:13 - Ala Wone Peenok Peebi Mbanak

¹³ Togop ee'ninake tit kagak, at ambi nen ari logonet, “Niniki koba panggombunuk abet kombake me, yagarak o,” yinuk, yereegerak liiru mbanak nogo, at abet mba'nuk yereegerak ndak-ndak, nit togon obeelom wone abet mbako logonet, yogo ogoorik o.

2 Korindut 4:13 ပူးပေါင်းရင်းမြစ်များ

Ndawi 116:10

“An aaninggin abu meek eerogo panggerak o,” ari logonet kwe, Niniki koba panggombunuk abet kombake,

Kini Wuppiige 21:28

Aap ambi eeke enegen kegetak kwe, piliret, “Eeke koolik o,” ari nogo nen ari kenok, oone taganogo pogo menggaarak kwe, Aap ambi wone liirogon konembunuk yaga nen ari kenok perak, ari logowak nduk, teppogo menggaarak.

Nappiigak 15:11

Lek o. Ninogoba Yetut ninabuwa nen obeelom eeppinanege menggerak ti paga nit ninagap ndake menggi kwak, it togop aret inagap ndake o, yinuk, abet aret mbako ogoorik o,” yoragagerak.

Oroma 1:12

Ndi, wage logominggirik, ninom time logonet, kit inom, an inom, abet mbakoorak nogo, niniki eyak wat-wat yogo logowok nduk, pekkiya woroorak mbakirak o.

1 Korindut 12:9

ambi, abet mba'nuk eeke logowak nduk, unde eeppege, ambi, aakumi andi iinok, obeelom eeginake logowak nduk, unde eeppege,

2 Korindut 3:12

It aakumi Iterali mendek nen Muta etenggen we luulu ndelenak-welenak aago nogo lek age inigen kogwe iyo, etenggen nobakkolagagerak nogo pogom, nit togop eekulik o. Nit mondok-mondok logorak wone unde eeppinaneegerak koloorak niniki lunik wonage nogo ti, mondok iya me, “Lek arigin lek,” mba'nuk, ninagabiti mondok lek logonet yokkirogo monggoorak.

2 Korindut 4:12

Togop me, nit wone yokkirogo monggoorak ti paga, nineebe ninookwi iinok, kanggwi niigak kwe, kit perak, waganggwi paga kineenik eekkinake agaarik o.

2 Peterut 1:1

At ninagap ndaka Yetut Keritut ninogoba Ala nogo nen nit obeelom eerogo pinanikit nduk, eereegerak paga wone abet mba'nuk, waganeegurak niniki kunik porogo wonogwe nogo, kit ninom ndak-ndak waganeegurak me, an Timon Peterut Yetut Keritut ayeloman ayonggo nappiigak mendek agago paneegerak nogo nen, kit abok aret wone ambi yokkira o.