2 Korindut 4:12 - Ala Wone Peenok Peebi Mbanak

¹² Togop me, nit wone yokkirogo monggoorak ti paga, nineebe ninookwi iinok, kanggwi niigak kwe, kit perak, waganggwi paga kineenik eekkinake agaarik o.

2 Korindut 4:12 ပူးပေါင်းရင်းမြစ်များ

Nappiigak 20:24

Togop kwe, An neebe neenik logorak iya lek o. Ata, Ala iniki kunik en eeppinanege menggerak wone obeelom wone yorage logokit nduk, nogoba Yetut nen yabu unde eeppaneegerak nogo, mbo pega'lek worok togon eeriyak ti mban iya mbake minggirak me, eerit nage agarik o.

1 Korindut 4:10

Kit ti, Keritut kinom kunik me, kiniki warak wonogwe kiigak kwe, nit perak, Keritut wone yoranet nugwi paga wi negen aret ninombako agaarik o. Kit kinomaawi ambik kwe, nit perak, ninomaawi lek lebenak aret o. Kit tiyanak aret wonogwe kwe, nit perak, meek ninombako agaarik o.

2 Korindut 12:15

Togop me, kit kinake eeke logonet, namendek tigippake, nomaawi abu lek eerogo pake, eeriyak ti, niniki ale'nggen aret mbake minggirak me, an kit kinabuwa ambik mbarit unggwage neegak kwe, kit nen perak an nabuwa mbakwi nogo mbuuluk arit unggwage kagarak ti, nonggop o?

2 Korindut 13:9

Kit kiniki abu kole eekkinabuwak nduk, tamban eeko monggoorak me, nit ninoone omaawi yokkiraga'lek niigak, kit-kit mban koombunuk, eerit nugwi kiinok, ale'nggen mban aret mbarugun o.

2 Korindut 4:11

Nit ninagabolo kanggwi yi paga, Yetut nggween paga logonet eeke nagagerak aakumi kin kaawak nduk, nit nineenik awo wonogwe yi, Yetut eereegerak wone agan nugwi paga ko'lu-kii'me nineebe ninookwi iinok, kanggwi negen aret eeko ogoorik o.

2 Korindut 4:13

Togop ee'ninake tit kagak, at ambi nen ari logonet, “Niniki koba panggombunuk abet kombake me, yagarak o,” yinuk, yereegerak liiru mbanak nogo, at abet mba'nuk yereegerak ndak-ndak, nit togon obeelom wone abet mbako logonet, yogo ogoorik o.

Pilipi 2:17

Kit abet mba'nuk kineebe apit Ala wogo'nuk, at ake eerit nogwe nogo ti, Ala ake warogo wogogo mengga kwak aret me, ambinom eerit nogo logobagip nduk, kinake eeke neegak, ndomba warak amiya obaga kilippogo mengga kwak, “An yogondak togop eeppaniyak op aret,” mba'nuk, niniki ale'nggen mbake me, kit togon kiniki ale'nggen mbako logonip o.

1 Yaya 3:16

Nano eekwi paga ninoreewi niniki kunik eeginakwi nogo nineenu ariyak mbakop? Lek o. At Yetut iniki nen, “An aakumi inake nooruwak aret o,” mba'nuk, ninake kambeegerak ti kokwak, nit togon, ninoreewi inabuwa nen inake kambuurak op aret mbakwi kenok, aakumi iniki kunik eeginakwi nogo ti aret.