2 Korindut 3:4 - Ala Wone Peenok Peebi Mbanak

^4-5 “Nit ninomaawi paga panggo-mbunuk ambi eeppinagawok,” mba'nuk, yokkirogwe lek o. Ata, “Ala nen aret eeppiyaawak o,” yinuk, niniki at oba panggombunuk, yokkirogwe niigak, Keritut nen eeppinagage menggerak me nduk, yokkirogo o.

2 Korindut 3:4 ပူးပေါင်းရင်းမြစ်များ

Wundeegwaarak 18:19

Ala kimbirak logonet, eeriyak ambi yokkirikit nduk, karuk konengge logot o. Aakumi inoone wonok Ala owagam nage logonok nduk, inenggela'me mi'ndak logonet, wone ambi inoba agaatak kenok, Ala yoge,

2 Korindut 2:14

Yime wagagirak wonage me, Ala nen mbo panulik o. It aap wim nambuppunuk, “Wi!” iraawak nduk, aap waka'ngget awuri inom ndegen-ndegen aago kombogonak wogo mengga kwak, nit ndak-ndak ninowe Keritut eegin tiyak ari kenok ninom ndegen-ndegen aago mondok tiyanak nugwi me, Ala mondok alut eeko logowok o. Obari obeelom wiganinuk nage menggi kwak, Keritut eeke menggerak obeelom wone nit paga nen wiganinuk nage logowak nduk, Ala nen eeppinanege menggerak.

Epetut 3:12

Nit niniki Keritut oba panggombunuk, abet mbako mbareegu, at ninom kumbinaneegerak me, ninagabiti lek niniki teeluk aret logonet, Ala owagam unggwi nogo logorak op aret o.

Pilipi 1:6

“At Ala nen obeelom eekkinaburak nduk, aa'nduk eereegerak kuli nogo nen, kinikime eekkinake tit kagak, o age yobok Keritut Yetut woraagin,” an abet aret mbake logonet, yokkiragi o.

1 Tetalonika 1:8

Kit eekwi paga ninowe wone nogo o Makendoniya inom, o Akaya inom, time mban wiganinuk noolik o. Ata, yi awi ndi awi abok aret kit Ala abet mbareegutak nogo wiganinuk nagagerak me, nit wone ambi yorogo logorak lek aret kogo o.