2 Korindut 3:16 - Ala Wone Peenok Peebi Mbanak

¹⁶ Inomaluk mbo punuk, ninowe owagam wogwe iinok perak, iniki apit agago piyareegerak nogo, Ala nen lek eerogo piyaagin o.

2 Korindut 3:16 ပူးပေါင်းရင်းမြစ်များ

Wundeegwaarak 34:34

Ala imbirak wone mbanikit nduk Aliku ALA awooliyana unggwi nage logonet kenok, yum enete nobarak nogo nggoorogo punuk unggwi nage, ndi, wundi wage nagaatik, Aliku ALA nen eeko logorak yoreegerak nogo it aakumi Iterali yorage kagak,

Yetaya 25:7

Puut yi paga yi aakumi ndi aakumi iniki wakkologo logonet purok eerak wonogwe nogo koorogo piige, It aakumi inanebunu lombok iniki puru yogo logonet, yum lenggenak wonogwe nogo nggoorogo piige,

Yetaya 29:18

Ne ti eyom paga mbuku pirik-perek mbanak nogo lunggwi iinok, it aap inaruk logu nen inaruk konenggwi, Ndi, it aap inigen mbuk o yumaak apit aagome wonogwe nogo inigen kogwe, Eerugun o.

Yetaya 54:13

Aagalogwe wologwe abok ti, Naliku ALA an aret mamunirage logogin. Inambi-inambiingga abe mendek mban nunggo logonet, iniki ugun tayenak aret logogun o.

Yeremiya 31:34

It inendage abu tiyanak inom, inendage abu teberak inom, abok aret neebe ineenu arugun me, Aap ambi at imbirak menggerak nen, Aliku ALA ndogop o, yinuk, mamunege, Aap ambi oreeluk yoge logonet, Aliku ALA eebe keenu aru o, yinuk, yoge, Eerugun lek aret o. It inobaabut maluk lombok logonet eekwi nogo, an nen lek eerogo pege, Ndi, inomaluk eekwi nogo an nen aberak logogin lek nami eerogo pege, Eerigin o,” yinuk, Aliku ALA nen aret yegerak.

Leendawi 3:40

Nit eerit nugwi nogo maloppakwi, ninabut mbanggologwe, eeppunuk, yungguk togon Aliku ALA mugurok nogwe,

Oroma 11:23

It Iterali mendek pendenogo mbo nappiyareegerak nogo Ala nen inobaane'me kumbiya woroorak op me, it abet mbaka'lek mban wonogwe lek abet mbakwi iinok, inobaane'me kumbiya woraagin o.

2 Korindut 3:15

Ala nen Muta yoreegerak liiru mbanak pekkogo menggaarak kwe, iniki apit aago yogondak kuli awo aret wonogwe me, wone eebe yelok kaga'lek aret wonogwe o.

Pelaareegerak 30:10

Kit nen kiniki inom, kineebe inom, abok aret at Aliku kinogoba Ala wogo'nuk, yungguninuk, Yogop ee'nu ndogop ee'nu, wone inom, wone lengganak inom, eeko logorak wone yugu liiru mbanak wonage yi, liirogon kinaruk konembunuk, eerit nugwi kiinok, at Aliku kinogoba Ala nen obeelom eerogo pinagage logogin o,” yoragagerak.

Pelaareegerak 4:30

Ndi, peebi ne ambi paga aaninggin mendek ambi kinoba kwi'naremenggaarak abu aret waganggo logomonggotik kenok perak, yungguninuk, at Aliku kinogoba Ala oone koneni woraamunggup o.