2 Korindut 13:5 - Ala Wone Peenok Peebi Mbanak

⁵ Kit abet mba'nuk, waganeegutak nogo aret mugurok nogwe ilik, lek a, nogo kinalitak lombok liippatinuk, kinabut mbanggologo logonip o. Kinabut mbanggologo logomonggotik, “Op aret mugurok nage kagi,” mbakwi kenok, “Yi Keritut Yetut ninikime wonage me eeke kagi,” mbarumunggup o. Ndi, “An mugurok nage lek kagi,” mbakwi kenok perak, “Yi Keritut ninikime lek aret kagi,” mbarumunggup o.

2 Korindut 13:5 ပူးပေါင်းရင်းမြစ်များ

Ndawi 119:59

An eerit nage minggirak nogo liippatinuk, Kat koone aberak logorak yugu ti paga Niyok panggombunuk eerit nage agarik o.

Ndawi 17:3

“Noone paga nen maluk ambi eerigin lek o,” yinuk, wone nggaruk togon koonggirak me, Kat nen niniki kwaake, Oonikiya liippanit unggwage, An nabut liirogon mbangge, Eeremenggendak kwe, An maluk eekirak ambi lek aret kaamunggun o.

Ndawi 26:2

Kaliku ALA wae. Kat aakumi inabuwa mba'nuk, Kiniki kunik aganabit nage nogo An nenggaawak paga wonage, Kat ari menggendak ti, abet aret me, aret eerit nage, Eeke minggirak mbake kwe, Kat nen aret nabut mbangge, Niniki wakkagak eeke, Ninikime koongge minggirak inom, Nobaabut eeke minggirak inom, liippanege, Eeru o.

Yeremiya 6:30

Naliku ALA nen it nogo mbo piyareegirak me, Mbuti perak mbo pugu mendek it aret, yogo menggaarak o,” Yinuk, yo'negerak me, yagi o.

Leendawi 3:40

Nit eerit nugwi nogo maloppakwi, ninabut mbanggologwe, eeppunuk, yungguk togon Aliku ALA mugurok nogwe,

Yetikiyen 18:28

At maluk ambik eeke logomenggerak nogo, Abet aret eeke nagagirak o, yinuk, mbo pemenggerak ti paga at kambigin lek abet aret eenik mondok logogin o.

Agayi 1:5

Ari nagaarik, at Omaawi Lombok Menggerak Aliku ALA nen ambinom ari logonet, It eeginabit nage nogo liippogo logowak o.

Agayi 1:7

Togop me, at Omaawi Lombok Menggerak Aliku ALA nen ambinom ari logonet,

Yaya 14:23

Yoge mbareegi, at Yetut nen, “Aap ambit ambi iniki kunik ee'nake kenok, an noone liirogon aret eeke logogin o. Ti eeke kenok, an nogoba nen at iniki kunik eerigin o. Ndi, an nogoba nimbirak at ka wogo logomonggoorik, ninom aret logogun o.

Yaya 15:4

Kit an ninom kunik, ndi, an kit ninom kunik logowok o. Eno'mbak eyo ero paga kunik lek kenok, alik nen anggen yi'nageelik nogo kwak, kit an ninom kunik lek kenok, anggen yi'nogo logomunggup lek o. Eno'mbak ero paga kunik kenok mban anggen yege menggerak.

Yaya 17:23

It iniki abu ambit lombok aruwak nduk, it nen an iniki kunik, ndi, kat nen an kiniki kunik wonogwe niinok, it o nggween paga yime menggaarak nen kat abet aret an nappani wagagindak inom, ndi, kat kiniki kunik ee'nake kwak, it togop aret kiniki kunik eeginabeegindak nogo inom, ineenu arugun o.

Yaya 17:26

Kat kabok nogo it aap yi, yorage nagarak me, kat an kiniki kunik ee'nake menggendak nogo kwak, it togop aret niniki-kiniki kunik eekwi, an it iniki me wonage, eeko logowok nduk, kat kabok ambinom paganogo yorage logogin o,” yinuk, yoreegerak.

Yaya 6:56

Kit ambi nen an neebe inom, namiya inom, nunggwi kiinok ti, an nen kit ninom kunik, ndi, kit nen an ninom kunik aret logogun o.

Yaya 6:6

Ti yoreegerak nogo ti, at eeriyak eenu logonet kwe, Piliput abut mbanikit nduk, yoreegerak.

Oroma 1:28

Ndi, it nen, “Ala ti abet aret wonage, yuurak kwe, ambi eeppinaniyak lek me,” mbako nogogwaarak paga, iniki lek negen a'nuk, eeriyak lek mendek kagak, eeko logowak nduk, Ala nen pulunogo mbo piyareegerak.

Oroma 8:10

Ndi, Keritut kinikime wonage kenok perak, maluk eeko monggotak paga kinagabolo abet aret kambumunggup kwe, Ala nen obeelom agago pinagamenggerak paga, Aberiniki nen kineenik eekkinake logogin o.

1 Korindut 11:28

Kit aa'nduk kiniki liippatinuk, mbi inom, amburu inom, nonggo logorak ti op o.

1 Korindut 11:31

Nit aa'nduk, niniki liippatinuk maluk paganggwi niinok, peebi Ala nen nit eekwi liippinaninuk, maluk onggo ninoba pinanigin lek o.

1 Korindut 3:16

Kit Ala apuri kineebe lambuk togon ti, Ala awi wurik aret me, Aberiniki kinenggela'me kinom wonage nogo kineenggo'lek a?

1 Korindut 6:15

Kit kineebe ti, Keritut eenggi-iyok kwak li'luk agago kumbinagareegerak nogo kineenggo'lek a? Kit kineebe Keritut eenggi-iyok kwak at eebe paga kunik wonage nogo, werenogo kwe ya wukak oba nabenogo patiyak op mbakop? Abu mage o.

1 Korindut 6:19

Kit kineebe ti, Aberiniki awi wurik wonage nogo kineenggo'lek a? At Ala nen onggo nggwok paga kinonggo mbangge nagagerik, Aberiniki wokkiragagerak kinikime wonage me, kit kineebe ti, kit unde lek o. At Ala aret unde me, at endage tiyak yuwak nduk, kineebe paga obeelom mban eeko logonip o.

1 Korindut 6:2

Nit Ala apuri alik leenak nogo nen it aakumi nggween paga mendek peebi inowak looninaburak nogo kit kobak ogotik? Ndi, peebi inowak looninaburak nit aret unde eeppinaneegerak kagak, yogondak yime logonet, wone mbuuluk age kenok, kooniyak meek me nduk, wonogo ogotik?

1 Korindut 9:24

It aakumi onggo koloorak nduk, nggare agan nogo logonet, ineebe apit aret nggare agan nogo menggaarak kwe, ambiret mban onggo kolage menggerak nogo, kit kineenggo'lek a? Togop me, onggo kolaabagip nduk, kit kunduk togop aret nggare agan togon nogo logonip o.

Nggalatiya 2:20

An Keritut nimbirak eyo karo-karo paga nabenogo paneegwaarak me, kambeegirak. Ndi, yogondak eerit nage minggirak nogo ti, an nomaawi paga lek o. Ata, Keritut omaawi eeppanege kagak eerit nage minggirak me, an nggween paga yime neegak, at Ala aput nabuwa mba'nuk, nake kambeegerak me, at abet mbake logonet, niniki at oba panggombunuk, eerit nage agarik o.

Nggalatiya 4:19

Ai, napuri, kit an niniki kunik me, kumi elege enegen paganak yagan wako mengga kwak, kit Ala apuri arubagip nduk, an kinake yagan wake aret wonagagirak kwe, yogondak kit Keritut obaabut ndak-ndak arubagip nduk, ambinom yagan wake agarik o.

Nggalatiya 6:4

Kit ambi nen at ambi eeke wakkagak eeko logogup o. Ata, kinalitak lombok eeko monggotak nogo wakkaanuk, op kenok kiniki ale'nggen mbakwi, ndi, maluk kenok mbo pugwi, eeko logonip o.

Epetut 3:17

Kit abet mbakwi kiinok Keritut kinikime ye mbanggola unggwage, ndi, eyo omanggen nggween kole paga wuraketak nu'lek menggi kwak, kit togop aret kiniki nu'lek logonet, aakumi kinom kiniki kunik aganakwi, eeko logobagip nduk, kinake tamban eeke minggirak.

Kolote 1:23

Keritut ti eereegerak nogo paga, Ala kinom lambumbinagareegerak me, wone obeelom wone kit konenggo nogogutik, abet mbako logonet, “Ala nen togop eeppinanigin kagi,” yinuk, kiniki lunik wonogwe nogo, mbo puurak mage o. Ata, o eyak wurabak kwak Keritut paga kiniki panggombunuk, wone abet mbareegutak nogo, kiniki nu'lek logonet, mugurok nogo logonip o. Ndi, obeelom wone yi awi ndi awi abok aret wiganinuk nage nogo ti, an Pawulut ninom aret yorage logokit nduk, Ala ayeloman agago paneegerak aret o.

Kolote 1:27

Wone alik negen mondok iya lombok eeppinaniyak kagak kumaarak wonagagerak nogo, at Ala nen, “Peebi aakumi endekem konenggulik mendek inom ineenu eeppiyaakit,” mbareegerak nogo, yogondak iluk aret it at apuri ineenu eeppiigerak o. Wone kumaarak wonagagerak eebe nogo ti, Keritut ninom kunik wonogwe nogo aret. Ndi, ninom kunik me, peebi at ninom ndak-ndak tiyanak logowok nduk, eeppinaniyak niniki lunik wonogwe abet aret kola nagun nineenu ee'ninake niniki me wonage nogo ti, Keritut aret o.

Kolote 2:19

Ninomanggen ambit paga nineenggi-niniyok yeregerak-peregerak abok aret ninanobak inom yinik-kunik aago logonet, nineebe tawe ogo monggo kwak, nit ninanobak Keritut ninom togop aret kunik me, at Ala nen, “Keritut eebe wigak yuwak,” mba'nuk, ee'ninake menggerak nogo kagak, it aakumi ti, iniki wogoppako logonet, inanobak Keritut nogo mbo punuk, inom kunik lek ugun nugwi me, inoone konenggo logogup o.

Kolote 2:7

Eyo omanggen nggween me yarak nu'lek logonet, mondok mili kwit agan lagangge menggi kwak, kit togop aret Keritut paga kinomanggen yarak logonet, kiniki kole ogwe, ndi, abet mbareegutak nogo nu'lek porogo logobagip nduk mamunggirogogwaarak nogo, ndak-ndak porogo wonogwe, eekkologo logonet, kiniki mondok aganggen kekererak lagi wage logonet, Ala, “Wa!” yogo logonip o.

1 Timotiyut 2:15

Kwe nogo maluk eereegerak ti kwe, it kumi nogo iniki warak logonet, Ala wone abet mbakwi, aakumi iniki kunik aganakwi, ndi, maluk eeka'lek Ala ake leenak wonogwe, eekwi iinok perak, it inaagalogwe ndaganakwi iigak, Ala nen inagap ndaganake logogin o.

2 Timotiyut 3:8

It aap Yanet Yamberet imbirak en Muta wone, “Nineebi o,” yinuk, yogogwaarak nogo pogom, it aap ti, Ala ari menggerak wone, “Nineebi o,” yinuk, yogo menggaarak. It iniki mondok maluk mban koonggwi me, nit wone abet mba'nuk eekwi paga inabut mbambunuk, eekwi lek iinok, mbo piyareegurak.

Titut 1:13

yereegerak nogo ti, abet aret yereegerak o. Togop me, it aap ti, wone abet mbareegwaarak nogo mondok nu'lek porogo logowak nduk, aakumi Yakuri inawoneelom mbininggo menggaarak wone inom, it aap Ala ari menggerak wone mbo punuk, iniki ugun koombunuk, “Yogop ee'nu, ndogop ee'nu,” agan nugu menggaarak wone nogo inom, “Liippuurak mage o,” yinuk, koone omaawi paga mondok inaruk wake logot o.

Titut 1:16

It aap ti nen yogo logonet, “Ala nineenu o,” yogo menggaarak kwe, it eerit nugwi paga nen perak, “Ala nineebi,” mbako logonet, yogwe yelok iigo monggoorak. Ala wone konengga'lek taganogo pit nogo logonet, obeelom ambi eekulik maluk mban eekwi me, inogole warak aret iigo monggoorak o.

Titut 2:2

It aap inanggok ti, iniki tum waka kenok, inayuk warak kenok, iniki warak kenok, it iniki abet mbakwi nu'lek menggaarak kenok, aap togop mendek logowak nduk, yorage logot o. Aakumi abok abet aret iniki kunik aganakwi, ndi, aaninggin inoba age kenok inogogumbuk logonet, waganggwi, eeko logowak nduk, yorage logot o.

Iberani 12:15

Ala iniki kunik en obeelom eeppinaneegerak nogo mbo pugwi kiyo, liippogo logonip o. Iri'ngga ale warak mendek ambi mbiingga larak paga pegaatak me, mbiingga apit ale age menggi kwak, aap ambi kinenggela'me oone togop agan nege kenok, kit aakumi apit at oone konembunuk, maluk eeriyak koonggwi kiyo, liippogo logonip o.

Iberani 4:1

Togop me, at ninom yonggonggola ungguurak nduk, “Woraanip o,” yinuk, abok yo'niragagerak nogo, lek aga'lek awo aret wonage me, nit ambi eerumonggoorak paga ninom yonggonggola ungguurak meek age kero, liippunuk, eeko logowok o.

Iberani 6:8

wola inom, alok inom, mban lagangge kenok perak, Ala nen, “Nggween yi, abu maluk me, pulunogo punuk, kani kumbikit o,” yinuk, mbake menggerak.

Yakobut 4:4

Kwe ambi nen aap ambi waganggak eeke menggi kwak eeko monggotak kit yi, it aakumi nggween paga eeko menggaarak mendek kinom kunggologwe kiinok, Ala kinom ogookkologwe nogo kineenggo'lek me eeko ogotik? Togop me, aap ambit-ambi, “It aap nggween paga eeko menggaarak mendek ninom kunggola,” mba'nuk, eeke kenok, Ala imbirak ogookkolage menggerak aret o.

1 Peterut 5:9

Ndi, it kinoreewi yi awi ndi awi menggaarak kinom kiniki abet mbakwi nogo, andi-pandi kit eerogo pinagagwi ndak-ndak, it togon togop aret eeppiigwi nogo kineenu me, kit kiniki abet mba'nuk, kinogogumbuk mondok nu'lek logonet, Tile nen kiniki nggagani wage kero, mugogo nappogo logonip o.

Wayu 2:5

It aa'nduk an ninom kunik logonet, iniki aganggen paga noone mugurok nogo nogogwaarak nogo mbo punuk, yogondak mondok alik eerit nogwe nogo, liippatinuk, inomaluk mbo pogo logomenggaarik, yungguninuk iniyok paga woraanuk, aa'nduk eeko nogogwaarak nogo ndak-ndak eerit nogo logowak o. It iniki koombunuk inomaluk mbo pugwi lek iinok perak, an wage logominggirik, ndi wuninogo pegak inenggela'me wonage nogo nggiginogo mbo wumbi woraagin o.