2 Korindut 13:11 - Ala Wone Peenok Peebi Mbanak

¹¹ Ndi, noreewi o. Wone ti abu aret yokkiragi o. Kiniki kole arubagip nduk, eeko logonet, an wone yokkirage yi, inom liippogo logonip o. Kiniki ambit eeppunuk ale'nggen paga lambunik logonip o. At ninabuwa mbake, ndi, niniki ugun tayenak logowok nduk eeppinanege, eeke menggerak Ala nogo nen kinarum aret logogin o.

2 Korindut 13:11 ပူးပေါင်းရင်းမြစ်များ

Wakkagagerak 37:4

Inogoba nogo nen oweewi nogo ambo'me piinok, at Yutup mban iniki kunik eeke nogo oweewi inigen kogo nogogwaarik, Yutup ineebi ombako logonet, inoone panggok togon mban at yogo nogogwaarak.

Wakkagagerak 45:24

at oweewi inom, awuluk inom, nappiyaakit nduk yorage logonet, “Nogo logonet, wone warit nagup o,” yinuk, yorage mabreegi, wogogwaarak.

Matiyut 5:48

Kit kinogoba mbogut paga mendek abu obeelom lombok menggerak nogo ndak-ndak, kit abu obeelom togop aret logonip o,” yinuk, yoragagerak.

Marakut 10:49

Yogak mban ari mbareegi, at Yetut nogo yungguk togon puk age nagagerik, “Wi'nip o,” yorage mbareegi, it nen aap enegen mbuk nogo wiigo logonet, “Kat wiigege me, Nagabiti, yugun o. Mi'na'nuk nak o.”

Marakut 9:50

Mayu ti, obeelom aret kwe, andi lek wurik kenok, nonggop togon eerogo andi warak eeriyak o? Kit mayu andi warak pogom aakumi inenggela'me logonet, kinom lambunik aret logonip o,” yinuk, yoragagerak.

Lukat 9:61

Yoge mbareegi, alik ambi nen Yetut yoge logonet, “Nogoba o. Kat nimbirak nege logokit mbakirak kwe, naakit nduk, aa'nduk nowe-nawot yora nawam yo'niru o.”

Yaya 17:23

It iniki abu ambit lombok aruwak nduk, it nen an iniki kunik, ndi, kat nen an kiniki kunik wonogwe niinok, it o nggween paga yime menggaarak nen kat abet aret an nappani wagagindak inom, ndi, kat kiniki kunik ee'nake kwak, it togop aret kiniki kunik eeginabeegindak nogo inom, ineenu arugun o.

Nappiigak 15:29

Kugi aanggo warak nunggwi, amiya nunggwi, yi mendek ndi mendek amiya wungga'lek kagak warak kenok, nunggwi, mbabi eekwi, eekwi nogo, kit eeriyak lek mbo pogo logonip o. Mbo pumonggotak ti paga, wone yugu nogo, Abu aret eeko agaarik o, yinuk, kinombako logogun o. Ninoreewi wa. Abu aret yokkirogo o,” yinuk, liiru mbanogo punuk, nappiyareegwaarak.

Nappiigak 18:21

woraakit nduk eeke logonet, “Ala nen, Woroorak, mbake kenok, peebi kiya woraagin o,” yinuk, keyage wappiinok, o Epetut time nen yiiro paga

Nappiigak 23:30

Ndi, Wariyak, wone kote koonogo pegaarak o, yinuk, yo'nugwi naruk konengge nagarik, kat kowagam nappi wage, ndi, it inoone at oba lenggenggaarak nogo, paganogo yokkiruwak nduk, Yori nanip o, yinuk, yorage, eekirak o, yinuk, an Kelawuriyut Litiyat nen aret yokkigi o, nogoba,” yinuk, liiru mbaneegerak.

Oroma 12:16

Kinoreewi kinom kiniki ambit eeppunuk, eerit nogo logonip o. “An iya,” yinuk, “It aap inendage lek ninom eeriyak nineebi o,” yuurak mage o. Ata, kinom aret eerit nogo logonip o. “An abu neenu me, an iya,” mbako logogup o.

Oroma 12:18

Wone ambi agaarak kat kobaalombok koonogo piyoorak wonage kenok, kinoreewi kinom kiniki ambit lambunik logonet, eerit nogo logorak wakkagak eeko logonip o.

Oroma 14:19

Ti kenok, aakumi iniki ambit lambunik logowak nduk, eerogo piinet nugwi, ndi, aakumi iniki eyak wat-wat yogo logowak nduk, koonogo piinet nugwi, eeriyak wone ti mendek kenok mban liirogon eerit nogo logowok o.

Oroma 15:13

“Niniki lunik wonogwe nogo kola nagun aret,” mbarubagip nduk, Aberiniki omaawi paga kiniki kole eeppinagit unggwage kagak, kiniki at oba panggombunuk, abet mbareegutak paga kiniki lunik wonogwe alom unde Ala nogo nen kinale'nggen lombok logobagip nduk, eeppinagage, ndi, wone ambi kinoba aga'lek kiniki abu tayenak lombok logobagip nduk, eeppinagage, eeke logowak o.

Oroma 15:33

At niniki ugun tayenak obeelom logowok nduk, eeppinanege menggerak Ala nogo nen kit abok aret kinarum logogin o. Amin.

Oroma 16:20

Nit niniki ugun tayenak obeelom logowok nduk, eeppinanege menggerak Ala nogo nen Ibilit kinabu'me tebenak logowak nduk, mbet-mbet aan lebenogo pigin o. Ninowe Yetut iniki kunik nen obeelom eeppinanege menggerak me, kinarum aret logogin o.

1 Korindut 1:10

Noreewi o. Kit ogoorik-ogoorak eekkologwe nogo mbo punuk, kiniki-kinoone ambit eeppunuk, mondok lambunik logonet, eerit nogo logobagip nduk, “At ambi ari konen-konen yogo logonip o,” yinuk, ninowe Yetut Keritut endage paga yokkiragi o.

2 Korindut 1:4

Nit aaninggin-paaninggin ninoba age kenok, Ala nen niniki eyak wappinanege menggerak nogo ndak-ndak, it aakumi togop aaninggin inoba age kenok, iniki eyak wappiigo logowok nduk, Ala nen nit aa'nduk niniki eyak wappinanege menggerak.

2 Korindut 13:14

Ninowe Yetut Keritut iniki kunik nen obeelom eekkinake, Ala nen kinabuwa mbake, ndi, Aberiniki kinom kunik logonet, kit abok aret kinarum wonage, eeko logogun o. Abu aret yokkiragi o, noreewi wa.

2 Korindut 13:9

Kit kiniki abu kole eekkinabuwak nduk, tamban eeko monggoorak me, nit ninoone omaawi yokkiraga'lek niigak, kit-kit mban koombunuk, eerit nugwi kiinok, ale'nggen mban aret mbarugun o.

Epetut 4:12

Ti eereegerak nogo ti, nit Ala eyabu liirogon eerit nogo logonet, nit nineebe paga Keritut eebe mondok wigak yuwak nduk, nit Ala apuri abok aret mondok li'luk eerogo pinaneegerak.

Epetut 4:3

Aberiniki nen kiniki ambit lambumbinagareegerak nogo kinom ogookkologwe kiyo, liippunuk wonogwe, eeko logonip o.

Epetut 6:23

Kit ninoreewi Ala apuri abok aret abet mba'nuk, kiniki ugun obeelom ambit lambunik logonet, nabuwa-kabuwa mbako logobagip nduk, ninogoba Ala ninowe Yetut Keritut imbirak nen eeppinagago logowak o.

Pilipi 1:27

An yime wonage neegak eekwi konenigin a, time kiya wage neenok eekwi kiyaagin a, kit obeelom wone abet mba'nuk waganeegutak nogo, mbo pega'lek kiniki ambit a'nuk, nu'lek logonet, eerit nogwe neenu arigin me, obeelom wone Keritut nen yo'niragagerak nogo, ndak-ndak liirogon aret eerit nogo logonip o.

Pilipi 3:16

nit abok niniki ambit eeppunuk, kola noorak nduk, wone aa'nduk waganeegurak nogo mbo punuk, niniyok paga yungguninuk woroorak ti mage o. Ata, abeko logonet, mondok mugurok nogo logowok o.

Pilipi 4:2

Kit kumi Ewuworiya kunduk, Tinitike kunduk, kimbirak ninowe kinom kiniki kunik logonet, kiniki ambit lambunik logobagip nduk, noone yanggorogon yokkiragi o.

Pilipi 4:4

“Ninowe kinom kunik logonet, kiniki ale'nggen mban mbako logonip o,” yinuk, ne mbere paga yokkiragi o, noreewi.

Pilipi 4:9

An wone mamunggirage neegak, waganggo nogogutak inom, ari neegak kinaruk konenggo nogogutak inom, eeke neegak kinigen neego nogogutak inom, nogo abok aret eerit nogo logonip o. Ndi, niniki ugun tayenak ale'nggen logowok nduk, eeppinanege menggerak Ala nogo nen kinarum aret logogin o.

1 Tetalonika 3:10

Nit kinetenggen kiigo logomonggoorik, kit abet mbakwi wone nogo ambi yobok ari kero, yokkiraawok nduk, ko'lu-kii'me ninoone aganggen kerek togon kinake tamban eeko monggoorak.

1 Tetalonika 4:1

Ndi, noreewi o. Wone irip paga iluk ambi yokkiroorak mbakoorak me yokkiraawi o. Ala inikilom kinombaruwak nduk, “Nonggop eerit nogo logorak?” mamunggirogogurak nogo, muk eerit nogwe aret kwe, ambinom mondok nggwok togon eerit nogo logobagip nduk, ninowe Yetut nen yo'nirage kenok lengganogo yokkirogo o.

1 Tetalonika 4:18

Wone ti, ninowe nen aret yo'niragagerak me, ti paga kiniki eyak wat-wat eeko logonip o.

1 Tetalonika 5:13

It eerit nugwi ti paga kit kiniki kunik eeginako logonet, tiyappiigo logobagip nduk, yokkirogo. Kit kiniki ambit lambunik logonip o.

1 Tetalonika 5:16

Kiniki ale'nggen mban mbako logonip o.

1 Tetalonika 5:23

Ndi, yogondak niniki ugun tayenak ale'nggen logowok nduk, eeppinanege menggerak Ala nogo nen, kit kineebe at ake leenogo pake logonet, kinomaluk abu lek eerogo pinagage, ndi, ninowe Yetut Keritut woroorak eyom paga maluk kinoba pinagage kero, kiniki-kineebe abok aret enaani nggelorogon pinagago wonage, eeke logowak o.

2 Tetalonika 2:16

Kit obeelom eerit nugwi, wone obeelom mban yoranet nugwi, eeko logobagip nduk, at ninabuwa mba'nuk iniki kunik ee'ninake logonet, niniki mondok-mondok eyak wappinanege, niniki lunik abe nogo mendek wo'nirage, eeke menggerak ninogoba Ala nogo inom, ninowe Yetut Keritut inom, imbirak nen kit kiniki eyak wappinagagwi, kinomaawi eerogo pinagagwi, eeko logowak o.

2 Tetalonika 3:1

Ndi, ninoreewi o. Wone abu aret yokkirogoorak kwe, irip paga iluk ambi yi aret me, yokkiraawi o. Nit ninowe wone waganggo nogogutik, wiganinuk wundi nogo logonet, tiyappit nogo nogogutak nogo ti kokwak, nit togop aret yi awi ndi awi wiganinuk mbet-mbet nogo logowok nduk, ninake tamban eeko logonip o.

2 Tetalonika 3:16

Ndi, yogondak niniki ugun tayenak ale'nggen logowok nduk, eeppinanega ninowe nogo nen yi eekak ndi eekak abok aret eerit nogwe kiigak, kiniki ugun tayenak ale'nggen logobagip nduk, kinarum logonet, eeppinagit nage logogin o. Kit abok aret ninowe kinom logogin o.

2 Timotiyut 2:22

Wologwe tawe iniki nengge nogo kokwak, kat togop eekkake kero, mbo punuk mbagangge logot o. Abe kenok mban eekwi inom, iniki abet mbakwi inom, aakumi iniki kunik aganakwi inom, iniki ambit lambunik wonogwe inom, it aakumi iniki abe paga, “Ninogoba Ala aret o,” yinuk, yogwe nogo, kinom a'nuk it eekwi ti mendek mban mugurok nage logot o.

Iberani 12:14

Maluk ninikime wonage kagak, ninowe ninigen koorak mondok meek me, yi aap ndi aap abok kinom lambunik kiniki ale'nggen logonet, maluk eeka'lek Ala ake leenak obeelom mban logobagip nduk, wakkagak eeko logonip o.

Iberani 13:20

Ndi, yogondak abu aret o, noreewi. Nit niniki ugun tayenak ale'nggen logowok nduk eeppinanege menggerak Ala nogo nen wone koonogo yo'niragagerak nogo, “Mondok-mondok eerigin o,” yinuk, abet mbako logowok nduk, ndomba mondok liirogon ndegenninake menggerak ninowe Yetut nogo, ninake amiya kili'nage mbareegi, kambunuk nogo menggam nen eenik agago mippereegerak me,

Yakobut 1:4

Kit kiniki mondok kole eekkinake, ndi, abu obeelom eekkinake, eeke nogo ambi yobok yigin lek abok ndak-ndak eekkinabuwak nduk aaninggin-paaninggin kinoba age me, kiniki kwi'ndak logonet, waganggo logonip o.

1 Peterut 3:8

At Ala nen ari logonet, “Kit kineenik logorak kinikilom mbakwi, Nit obeelom aret wonogwe me, li a'nuk, kambuurak op aret, mbakwi, Eekwi ti, Taamini nen togop mbako ogotik? Togop aret mbakwi kiinok, Kinoone maluk mendek kinambe paga wunabi wogwe, Wone pilit kinamili irip paga wonok nugwi, Eekwi kiyo, Tum liirogon wakkologwe, Maluk mendek mbo punuk, obeelom mendek kenok mban eerit nugwi, Nonggop agago niniki ambit lambunik logorak koonggwi, Abu koombunuk, ti aret kinomaawirogon mugurok nogwe, Eeko logonip o. Aap iniki koonak menggaarak nogo, Ala enegen wogoren nege, Tamban eekwi iinok, at aruk liirogon konengge, Eeke menggerak kwe, Aap maluk eeko menggaarak perak, Ala enggaawak omaawi paga lek eerogo piige menggerak o,” yinuk, yereegerak liiru mbanak ndak-ndak, kit togon Ala ale'nggen kinoba pinagakit nduk, kinayonggo pinagareegerak me, kit nen maluk onggo-onggo eekwi, ambi nen ambi meek eeppegak eekwi, eeko logogup o. Ata, it maluk eeppinagagwi nogo obeelom eeppiigo logonet, kinom kiniki ambit eeppunuk wone mbanggwi, kiniki eyak wat-wat eekkologwe, nore-kore yogwe, nabuwa-kabuwa mbakwi, kiniki tebenak nugwi, eeko logonip o, yinuk, eeko logorak irip paga ambi yokkiraakit mbakirak nogo ti aret yokkiragi o.

1 Peterut 5:10

At iniki kunik nen wo'nirage menggerak alom unde ninogoba Ala nogo nen Keritut ninom kunik wonogwe paga at tiyanak menggim nogome ninom ndak-ndak mondok-mondok tiyanak logowok nduk ninayonggo pereegerak me, ne ambiriluk ambi andi-pandi eerogo pinagagwi iinok, ninogoba Ala nen kinobaabut koonogo pinagage, kiniki nu'lek eerogo pinagage, kinomaawi agago pinagage, kinogogumbuk nu'lek logobagip nduk eerogo pinagage, eeke logogin me, kiniki kwi'ndak logonet, waganggo logonip o.

Wayu 22:21

Kit kinowe Yetut nogo iniki kunik en obeelom eeppinagage logonet, kinarum aret logogin o. Amin.