2 Korindut 12:1 - Ala Wone Peenok Peebi Mbanak

¹ An ee'nabeegerak iya mba-reegirak ambi yokkiraakit mbake yi, kit ambi eeppinagarak nduk, yokkirage lek kwe, Ala nen nabinggaanggo paga yo'nereegerak inom, ndi, wone kumaarak wonagagerak nogo paganogo yo'nereegerak inom, mbininogo yokkirage logi o.

2 Korindut 12:1 ပူးပေါင်းရင်းမြစ်များ

Yetikiyen 11:24

Kage mbareegi, Ala Aberiniki nen nabinggaanggo paga yo'nege kage neegak, Aberiniki nen an piyanogo wo'neren niyokan it aakumi wogoren o Mbaben mbo piya nagagerak wonogwe me nogome pani wage kagagirak. Pani wage nagagerik, nabinggaanggo kagagirak nogo eenggi-iyok lek aret lek age kagagirak.

Linggineegwaarak 12:6

at Aliku ALA nen it yorage logonet, “An wone yokkirage yi, kinaruk logonip o. Aap ambi Naliku ALA noone yoge neegak yorage menggerak kinenggela'me wonage nogo, An nen abinggaanggo paga neebe nikkage, abi paga yoge, Eeke minggirak o.

Yaya 16:7

kit kinake aret nagin me, op aret o. An nagin lek kenok, at kiniki eyak wappinagarak kinowagam woraagin lek o. Nage logominggirik perak, kinowagam nappi woraagin o, yinuk, abet aret yokkiragi o.

Yaya 18:14

Aap ambit nen it aakumi Yakuri mendek yorage logonet, “Aap ambi nen nit aakumi ninake kambuurak perak op o,” yoragagerak nogo ti, at Kayapat ti nen aret yoragagerak.

Nappiigak 18:9

Ti'nuk, ne ambi nogo iniki paga ninogoba Yetut nen at Pawulut abinggaanggo paga yoge logonet, “An nimbirak wonage me, aakumi nen pippaganuk koorugun lek me, kagabiti nen puk logogun o. O kota yime an napuri ambik wonogwe me, yorage logot o,” yinuk,

Nappiigak 23:11

Nogo ambi yinuk, ko'lu, o kiip age mbareegi, nogome wonage me, ninogoba Yetut at Pawulut owagam wage nagagerik, mi'ndak logonet, “An noone o Yerutalem liirogon yorage nagandak nogo ndak-ndak, peebi o Oroma time yora noorak me, kiniki nu'lek logot o,” yoreegerak.

1 Korindut 10:23

Yi mendek ndi mendek eeriyak mage lek abok ugun eeriyak op aret kwe, eerit nogo logonet perak, nit ambi obeelom eekkoloorak nduk, eekulik o. Ndi, yi mendek ndi mendek abok eeriyak ti, op aret kwe, apit op eeppinaniyak nduk, eekwi ti lek o.

1 Korindut 14:6

Togop me, noreewi o. An kinowagam wage logominggirik, Ala nen paganogo yo'nege kagak, yokkirage, wone ambi liirogon kineenu eeppinagage, Ala wone yokkirage, wone mamunggirage, eeka'lek logonet, we noone lalin aret woppunuk, yokkiroorak mban kinowagam wage neenok, “Yi nano eeppinanikit nduk wagarak?” nombarumunggup nogo lek a?

1 Korindut 6:12

Yi mendek ndi mendek eeriyak mage lek abok ugun eeriyak op mban aret kwe, eerit nogo logonet perak, abok obeelom eekkoloorak nduk eekwi lek o. Ando nit maluk ee'ninaburak kagak we aanom warogo aret eerit nogo monggoorak. Ndi, yi mendek ndi mendek ugun eeriyak op kwe, ti mban eeriyak ee'ninake kenok, eerit nogwe paga, ti ayeloman eerogo pinanege menggerak me, an togop eerogo paniyak mondok neebi o.

2 Korindut 12:11

An kumili negen aret ari kwe, alom kit eekwi paga an wone ti yokkirage agarik o. An aap iya me nduk, tiyappaniyak lek kwe, kit nen, “It aap ti, nappiigak mondok iya nen yo'nirogwe o,” yinuk, tiyappiigwi nogo, it iya, ndi, an meek, ti mbake lek it ninom ndak-ndak me, it wogoppiigo logonet, an ninom wogoppaniyak op aret kwe, wogoppanega'lek kiinok, yokkirage agarik o.

2 Korindut 12:5

At aap ti, time pi laganeegerak wonage logonet, enegen kage, aruk konengge, eereegerak nogo ti, wogoppuurak op aret kwe, an eeke minggirak perak, neebe ninggin yinuk-punuk aago logonet, eeke minggirak nogo mban mbininogo yokkirage agarik o.

2 Korindut 12:7

Alik tam warak aakumi kogolik mendek nenegen kagagirak nogo paga, “An iya o,” yinuk, wogoppatit nage neyo, Ala nen andi ambi nagabolo paga alok negen ngguurogo paneegerak ti paga Ibilit awot ambi wage nagagerik, wogoppake neyo, nenggali wappanegak mban eeke menggerak o.

2 Korindut 12:9

Ala nen an yo'nege logonet, “Aaninggin-paaninggin inoba age kenok, an nomaawi mondok iya lombok minggirak kin kaawak nduk eeppiige me, aaninggin kat koba agaarak nogo, Nogoba Ala nabuwa nen omaawi ndak-ndak eeppanege logogin, mbake logot o,” yinuk, yo'nereegerak me, Keritut omaawi eeppanege kaakit nduk, andi ee'nake nogo ti, niniki ale'nggen ambik mbake logonet, “Op eeppanigi,” mbake minggirak.

2 Korindut 8:10

Ala apuri inake kuwak eeko logorak an op mbake nogo, ambi yokkira o. Tahun aa'nduk nogo paga, kit aa'nduk Ala apuri inake kuwak eegiroorak koonggwi, ndi, kit nduk eebe aret kuwak eekwi, eereegutak kwe,

Nggalatiya 1:12

An yorage minggirak nogo ti, aakumi inoone yugu waganeegirak lek o. Ndi, it aap ambi nen mamunnereegwaarak paga agan nege minggirak kunduk lek mban. Ata, Yetut Keritut nen lalin negen eeppaneegerak paga yoranet nege minggirak o.

Epetut 3:3

Wone kote kumaarak wonagagerak lalin negen aret kin eeppaneegerak liiru kuwagaluk aginggwe mbanggiragarak nogo,

1 Tetalonika 4:15

Ninowe yereegerak ndak-ndak, at wage kenok, it aakumi kambeegwaarak nogo wonogwe iigak, nit awo nineenik wonogwe nogo ninaa'nduk lagi nagun lek o.

1 Yaya 5:20

At Ala aput wambi wage nagagerik, Ala ambit alik lombok menggerak nogo nit liippuwok nduk nineenu eeppinaneegerak o. Ndi, at alik lombok menggerak Ala aput Yetut Keritut imbirak ninom niniki ambit kunik aret ogoorik o. At Yetut Keritut ti, at alik lombok menggerak Ala nogo aret me, nineenik mondok logorak unde eeppinanege menggerak alom at aret o.