2 Korindut 11:9 - Ala Wone Peenok Peebi Mbanak

⁹ Ndi, an kinenggela'me wonage neegak, namendek lek mbareegi, noreewi Makendoniya mendek nogo nen wogo nogogwaarik, inamendek abok aret wo'niri wogogwaarak me, kit ambi wo'nirubagip nduk, an mondok nggino yokkiroolik o. An yokkirage paga aaninggin kinoba arukwak, an neenggi paga mban nen liirogon eekko'net nage nagagirak me, yogondak kunduk ndak-ndak aret eekko'net nage logogin o.

2 Korindut 11:9 ပူးပေါင်းရင်းမြစ်များ

Nekemiya 5:15

an o unde mippanega'lek kagak inaa'nduk o unde wonogogwaarak nogo nen it aakumi aaninggin-paaninggin inoba piigo logonet, “Mbi inom, anggur amburu toolak inom, wo'nira wogo logonet, wu mbuti perak aaninggin oolo wakkagak inom wo'nira wogo logonip o,” yinuk, yorogwe, ndi, inawuri kunduk, inoone omaawi paga yorogo logonet, tebenogo piigwi, eeko nogogwaarak kwe, an perak, Ala nagabiti mbake minggirak me, togop eeke logolik.

Nappiigak 18:3

mbogoyum o wuriyak yum penggaakwi me, Pawulut iya nage nagagerik, at kunduk, yum o wuriyak penggaakwi eenu me, inom logonet, penggaake nagagerak.

Nappiigak 18:5

Ti'nuk, Tilat inom, Timotiyut inom, o Makendoniya nen wogo nogogwaarik, inom logonet, at Pawulut nogo alik ambi eeke logolik Ala wone ti mban yorage logonet, “Ala leenogo mippereegerak Mesias nogo ti, Yetut aret o,” yinuk, it Yakuri mendek yorage nagagerak.

Nappiigak 20:33

Kit kinawu mbuti perak emas inom, kinambogoyum inom, an uugwe mbake logolik o.

1 Korindut 16:17

Ti kenok, kit waga'lek kiigak, kinobaane'me aap Tepanut kunduk, Porotunatut kunduk, Akayikut kunduk, neya wogo nagaarik, kit kiniki ale'nggen eeppinagarak nogo pogom, an togop niniki nale'nggen eeppanegaarak me, an yogondak nale'nggen ambik agarik o. It aap togop mendek kiya wogwe iinok, kiniki kunik aganako logonip o.

2 Korindut 6:4

Aaninggin-paaninggin nino-ba kwi'nage, maluk ninoba age, “Nonggop eeruwi,” yinuk, niniki piirik ee'ninake,

2 Korindut 9:12

Aakumi inabuwa mba'nuk, kuwak eerogo wogorogwe nogo ti, it Ala apuri aaninggin inoba wonage nogo, lek age, ndi, it aakumi apit nen Ala, “Wa!” yinuk, keyage wakwi, eerugun me, yeenggwaarogo logorak op aret o.

Pilipi 2:25

waga'lek neegak, niniki eyak wappanuwak nduk, aap ambi awot imbirak ndak-ndak wim nambuko mengga kwak, Ala wone wigak yuwak nduk, nimbirak ndak-ndak eeko monggoorak nore Epapororitut kit nappi wogotak nogo, iyokan kinowagam nappi wage ti o.

1 Tetalonika 2:6

Ndi, Keritut ayonggo nugu logowok nduk nappiigak agago pinaneegerak me, ninoone omaawi yokkiroorak op aret kwe, kit inom, it aakumi alik inom, nit ninendage tiyappinanuwak nduk, woroolik o. Ata, kwe ambi at aagaluk abuwa nen ogome lamoppunuk oone yanggorogon yoge menggi kwak, nit kinenggela'me logonet, togop aret ninoone yanggorogon aret yokkirogo nogogurak nogo o.

1 Tetalonika 2:9

Noreewi o. Nit eerit mban nogo logonet, ndeyak eerogo pinaneegerak nogo ti, kiniki abe'nip o. Ala nen yo'niragagerak wone obeelom wone nogo yokkirogo logonet, “Kit mban ambinom aaninggin kinoba pinagukwak,” mba'nuk, nit nen liingge inom, oonikiya inom, eekko'net nogo nogogurak nogo o.

Iberani 11:37

it ando yugum paga iniki togu eerogo inookwi, ando nggege paga inobate mbanogo piigwi, ando tege wooluwak paga inookwi, ando inayum abu lek kenok, ndomba-kambin inagabolo mbelanogo inayum yirippunuk, mbi abu nugwi iigak, “Aap maluk me,” nduk, inogole yogo logonet, maluk eerogo piigwi, eeko nogogwaarak.