2 Korindut 11:6 - Ala Wone Peenok Peebi Mbanak

⁶ Noone ninggin negen ari minggirak kwe, neenu logonet ari minggirak kineenu aret o. Nit kinenggela'me logonet, eerit nogo nogogurak nogo ti, abok aret kineenu me, ngge yokkiroobok aga o.

2 Korindut 11:6 ပူးပေါင်းရင်းမြစ်များ

1 Korindut 1:17

At Keritut nen aakumi niyome wuppiinet nege logokit nduk, an nappani woroolik o. Ata, wone obeelom wone yoranet nege logokit nduk nappani wagagerak me, Keritut eyo karo-karo paga wareegwaarak nogo, we aanom warogo kambeegerak mbakwi iyo, it aap iniki ngget paga inoone amburu ndik-ndik yogo mengga kwak, an togop yoranet negeelik o.

1 Korindut 1:21

At Ala iniki warak nen ari logonet, “It aakumi nggween paga mendek iniki koonit nugwi paga, an yelok neyaagun lek o. Ata, it an noone yorogo menggaarak nogo, aakumi nen, Ti aap wi inoone negen aret o, yinuk, mbakwi iigak kwe, wone nogo abet mbakwi iinok inagap ndarigin o,” yinuk, kooneegerak me, yokkiragi o.

1 Korindut 12:8

Aberiniki ambit nogo nen aap ambi iniki warak logonet, wone koonogo yorage logowak nduk, unde eeppege, ambi, yi wone ndi wone alom neenu a'nuk, liirogon yorage logowak nduk, unde eeppege,

1 Korindut 2:13

Ti kenok, Ala nen wo'niragagerak yokkirogwe nogo ti, it aakumi nggween paga mendek iniki nen, “An neenu nogo yokkira o,” yinuk, yorogo mengga kwak, yokkirogwe lek o. Ata, it aakumi Aberiniki inikime wonage kenok mban, Aberiniki ninikime logonet, mamunnirage kagak, wone alom nogo liirogon mbininogo yorogo monggoorak.

2 Korindut 12:12

Kit nen, “Pawulut yi, Ala nen nappiigak mendek logowak nduk, abet aret leenogo pereegerak,” nombarubagip nduk, an niniki kwi'ndak kinenggela'me logonet, yokkirage neegak, kineenu ariyak mendek inom, eerubok mendek inom, kinagabiti warak mendek inom, abok aret Ala nen eeke nagagerak nogo o.

2 Korindut 4:2

Inenggali ariyak mendek kagak, wone kote yorogo menggaarak nogo mendek, “Nit togop yoranet nogo logogun lek o,” yinuk, kooneegurak me, kit nen nineebe wo'ninabubagip nduk, koonggo'net nugwi, Ala wone kagak alik pugunogo yokkirogwe, ti eeko logolik o. Nineebe mbo pinaniyak mbakwi kenok, wo'ninaburak mbakwi kenok, “Ala mban koonigin o,” mbako logonet, nit we at ari menggerak wone nogo mban paganogo yokkirogo monggoorak.

2 Korindut 5:11

Nit abok at owagam kuwak eeppinanigin nineenu me, ninagabiti mbako logonet, yi aakumi ndi aakumi abok ninoone abet mbaruwak nduk, aganggen kerek togon yorogo monggoorak kwe, nit nonggop logonet, yorogo monggoorak nogo ti, Ala eenu aret o. Ndi, kit togon, kinikime togop aret eekkinake me, kineenu aret mbake agarik o.

2 Korindut 6:6

niniki mondok abe paga yokkirogwe, nit wone nineenu abok aret kineenu eeppinagagwi, ninaanaganggenggwi lek kwi'ndak logonet yokkirogwe, kinabuwa nen yanggorogon kinaruk wakwi, Aberiniki ninom kunik logonet mamunggirogwe, nineebi mbaka'lek ninom abu kunik logonet yokkirogwe,

2 Korindut 7:2

Kiniki abe paga nit nineebe wo'ninabubagip nduk, yokkirogo o. Alom lek kagak ninoone kinoba pinagagwi, maluk eeppinagagwi, wi-wi eekkinakwi, nit togop eeppinaga'lek aret ogoorik o.

Epetut 3:4

kit pekkogo logomonggotik, an Keritut agote wone nonggop togon liippereegirak nogo kineenu arumunggup o.