2 Korindut 11:4 - Ala Wone Peenok Peebi Mbanak

⁴ Kit Yetut waabagip nduk, wone aa'nduk yokkirogo nogogurak nogo kagak, it aakumi alik nen wogo nagaatik, “Yetut ambi yi aret o,” yinuk, yokkirogwe, Aberiniki waganeegutak nogo kagak, “Aberiniki ambi yi aret o,” yinuk, yokkirogwe, ndi, wone obeelom wone abet mba'nuk, waganeegutak nogo kagak, “Wone obeelom wone ambi yi o,” yinuk, agan wogwe, eekwi iigak, “Nonggop yogwe iyaamun?” yinuk, “Puk wonogwe,” yogwe iigirak me, nagabiti mbake logonet, yokkirage agarik o.

2 Korindut 11:4 ပူးပေါင်းရင်းမြစ်များ

Marakut 7:9

Yorage nagagerik, ambinom yorage logonet, “Kit kinombomini eeko nogogwaarak wandek me eeko logorak mba'nuk, at Ala nen, Yogop ee'nu, ndogop ee'nu, yereegerak wone mbo pugwi yi, kit obeelom aret kiigi o.

Nappiigak 4:12

It aakumi yi awi ndi awi o nggween paga yime menggaarak abok aret, Aap yi nen aret kinagap ndakkinabigin o, yinuk, endage ambi kunogo yo'niroolik o. Ata, at Yetut alik nen mban kinagap ndakkinabigin o, yinuk, yo'niragagerak o.”

Oroma 8:15

Kit Aberiniki waganeegutak ti, aap ambi ayeloman ogoba abu'me agabiti mbakak menggi kwak, kit aa'nduk wone yugu kinagabiti mbakak eeko nogogutak ti ndak-ndak woolik o. Ata, nit Ala apuri agago pinanuwak nduk, Aberiniki waganeegurak ninikime logonet, yo'nirage kagak, “Ala nogoba o. Ala nogoba o,” yinuk, yogo monggoorak.

1 Korindut 3:11

O eyak nu'lek wurabak nogo ti, Yetut Keritut alik aret me, alik ambi inom wuraburak mondok lek o.

2 Korindut 11:1

An aap kumili-kumili negen logonet, wone yi yokkirage kwe, kagak konenggo logobagip nduk, yokkiragi o, noreewi.

2 Korindut 2:12

An Keritut eeke nagagerak obeelom wone yoraakit nduk, o Torowat wage nagagirik, obeelom wone yorage logokit nduk, “Ala nen tu koonogo paneegerak kagi,” mbareegirak kwe,

Nggalatiya 3:2

Kit wone onggo ambi yo'nirubagip nduk, yokkiraakit mbakirak nogo yi o. Wone Muta yoreegerak nogo, kit eerit nogo nogogutak paga Aberiniki waganeegutak ilik, obeelom wone konembunuk, abet mbareegutak paga waganeegutak a? Mbet yo'ninip nda!

1 Timotiyut 1:3

An o Makendoniya woraakit nduk, wage logonet, “Kat o Epetut yayi logot o,” yinuk, noone nabek togon yokkereegirak nogo ti, “It aakumi timbayok mbininggwi, ndarak alom mbininggo logonet, puk aga'lek niikkenok nogwe, eekwi iinok, niniki abet mbakwi paga Ala nen ee'ninaburak kooneegerak nogo nineenu ariyak nduk yo'nirogwe lek we wone alom kwaako logonet, noone-koone yogwe me, liippugup o,” yinuk, yorage, ndi, it aakumi ando wone alik agan nugwi nogo, “Mamuniroorak mage o,” yinuk, yorage, eeke logonok nduk, “Yayi logot o,” yinuk, yokkereegirak nogo o.

1 Timotiyut 2:5

At Ala ambit aret menggerak. Ndi, aakumi inom, Ala inom, terak inake yonggo nappegak aap ambit Keritut Yetut aret o.