2 Korindut 11:12 - Ala Wone Peenok Peebi Mbanak

¹² An ti eeke logorak yokkiragarak alom ti, it aakumi wone alik yokkirogo menggaarak nen, “Pawulut inom eeko menggaarak nogo nit ndak-ndak aret eeko monggoorak o,” yinuk, wogoppatit nugwi nogo, inoone mondok lek eerogo piyaakit nduk, “An eeke minggirak ti, aret eeke logogin,” mba'nuk, yokkiragarak.

2 Korindut 11:12 ပူးပေါင်းရင်းမြစ်များ

Ayup 23:13

Ala ti, iniki alik agak eekeelik aret me, Aap ta nen at eeriyak mbake nogo, non mbanogo pigin mbakop? At iniki mbake nogo mban aret eeke,

Matiyut 26:16

Wogoreegwaarak ti eyom paga nen at Yurat nogo, “O ngge eyom paga, Eebe nogo yi o, yoroorak nanonggwan age kaamun?” yinuk, enegen wagangge nagagerak.

1 Korindut 5:6

Kit wogoppakwi ti, maluk aret o. Roti piike menggerak mendek mbuuluk roti enggela'me pugwi iinok, roti eebe abok aret piike menggerak nogo kineenggo'lek ya?

1 Korindut 9:12

It iyaalok Ala wone kinikime awi yappinagulik mendek nen, “It inamendek ando wo'niraagun,” mba'nuk, kinoba aberak wonogwe iinok, wogorogo monggotak kwe, nit iyaalok yappinagareegurak nogo nen, “Wo'niraanip o,” yinuk, yokkiroorak meek mbakop? Yokkiroorak op aret kwe, obeelom wone Keritut yo'niragagerak wone nogo wiganit nage me, non mbambukwak nduk, “Wo'niraanip o,” yokkiraga'lek nineenggi paga nen mban eekko'net nogo ogoorik o.

2 Korindut 1:17

“At koonggerak nogo ti, iniki ambime nappegak eeke logonet, ari,” nomba'nuk, yogo ogotik? “An nobaalombok mban eekkolaakit,” koombunuk, “Noorak,” mbake logonet, “Neebi,” ari, ndi, “Noorak neebi,” mbake logonet, “Noorak,” ari, eeke minggirak mbakop?

2 Korindut 10:17

“Kit ambi nen wogoppatiyak mbakwi kenok, Ala nen eeppinagage kagak, eeko monggotak me, at mban wogoppogo logonip o.”

2 Korindut 11:18

It aakumi nggween paga mendek nen wogoppako logonet, yogo menggaarak me, an togon ndak-ndak, wogoppake logonet, wone ambi yokkira.

2 Korindut 11:9

Ndi, an kinenggela'me wonage neegak, namendek lek mbareegi, noreewi Makendoniya mendek nogo nen wogo nogogwaarik, inamendek abok aret wo'niri wogogwaarak me, kit ambi wo'nirubagip nduk, an mondok nggino yokkiroolik o. An yokkirage paga aaninggin kinoba arukwak, an neenggi paga mban nen liirogon eekko'net nage nagagirak me, yogondak kunduk ndak-ndak aret eekko'net nage logogin o.

2 Korindut 5:12

Nit wone yokkirogwe ti, nit iya me, kit wo'ninabubagip nduk, ambinom yokkirogwe ti lek o. Ata, it inobaabut liippiiga'lek logonet, inetenggen liippunuk mban iya mbakwi nogo nen ninabok mbanggwi iinok, kit puk arugup o. Ata, “Ninogobamini aret me,” yinuk, ninaana'le mbanggo logobagip nduk, yokkirogo ogoorik o.

Nggalatiya 1:7

Wone obeelom wone alik ambi inom wonage lek aret kwe, it aap ando nen Keritut eeke nagagerak obeelom wone nogo, “Abut laganuwok o,” yinuk, wone alik ambi inom nabenogo agan nugwi ti paga, kit kiniki naalop-kaalop eerogo pinagagwi iigirak me nduk, yokkiragi o.

1 Timotiyut 5:14

Togop me, it kumi ti nen ambi eeremenggaarak paga it ninom ogoorak nogo nen ninenggali wappinanukwak, it kumi ndugum me togwe piyamenggerak nogo, inogonggelomini kologwe, inaagalogwe ndaganakwi, inamelak wogo eekwi, eeko logorak op aret mbake agarik o.