2 Korindut 11:10 - Ala Wone Peenok Peebi Mbanak

¹⁰ “Namendek nalik nen eerogo nenet nage logonet, an iya eeke agarik,” mbake nogo, it o Akaya enaagan-ambokan menggaarak nen, “Ti eeke mage o,” yo'niriyak mondok lek aret o. An Keritut wone waganeegirak paga pilit yuurak lek me, abet aret yagi o.

2 Korindut 11:10 ပူးပေါင်းရင်းမြစ်များ

Nappiigak 18:12

Ala wone mamunirage wonage me, at Nggaliyo aakumi Akaya mendek inowe gubernur mi'ndak wonage kagak, it Yakuri mendek abok lambumbunuk ambugwi mi'nogo nogogwaarik, Pawulut pippunuk eebe wonok, wone amburu mbanggo menggam pi nogogwaarak.

Nappiigak 18:27

At Apolot nen o Akaya wunda naakit nduk, eeke mbareegi, it ninoreewi Ala apuri o Epetut mendek time nen, “Nage logot o,” yinuk, Yetut oone waganeegwaarak o Akaya wonogwe nen at keyage warogo waawak nduk, liiru mbanogo nappereegwaarak. Nappogo mbareegwa, wonok, wunda nage nagagerik, Ala inabuwa nen eeppiyareegerak paga abet mbareegwaarak nogo inom logonet, mondok iya lombok yeenggwaarage nagagerak.

Oroma 1:9

An tamban eeke logonet, kinoba mari ageelik kulinik-kalinik kinake tamban eeke minggirak ti, Ala eenu aret o. Niniki-neebe apit nggaruk togon Ala wogo'nuk mugurok nage logonet, obeelom wone at aput eereegerak wone nogo yoranet nage minggirak.

Oroma 16:5

Ndi, it Ala apuri iname lombok kuwak eerit nogo menggaarak nogo inom keyage wappiigi o. O Atiya yi awi ndi awi time Keritut wone awo abet mbaka'lek iigak, aa'nduk abet mbareegerak nore niniki kunik Epenetut nogo keyage wappigi.

Oroma 9:1

An nanebunu Iterali mendek nowe-nawot abok aret Ala nen pulunogo piinok, Keritut inom ogoorogo piyareegerak me, kanggwi iyo, “Inobaane'me Ala nen an aret pulunogo panuwak lak, ao,” yinuk, niniki abu puru ari logonet, inabuwa nen le ari agarik o. An Keritut ninikime wonage me, pilit yokkirage lek o. Aberiniki nen yo'nege kagak ari me, abet aret yokkirage agarik o.

1 Korindut 16:15

At Tepanut apurilogwe inom o Akaya iyaalok togon Ala apuri ogo nogogwaarik, “It Ala apuri alik leenak yime wonogwe nogo, nit yeenggwaarogo logowok o,” yinuk, ineebi mbaka'lek inake nggwiirit-nggwaarit eeko nogogwaarak kit kineenu nogo o. It aap ti eeko menggaarak nogo inom, it abok ninowe eyabu liirit-laarit eeko menggaarak inom, inabu'me logonet, kinom eerit nogo logobagip nduk, yokkirage agarik o, noreewi.

2 Korindut 1:1

Ala iniki mbareegerak paga an Pawulut Keritut Yetut nen nappiigak agago paneegerak ninawot Timotiyut nimbirak nen, kit Ala apuri o Korindut kuwak eeko monggotak inom, it Ala apuri alik leenak o Akaya menggaarak inom, kinom abok aret wone ambi yokkiraawi o.

2 Korindut 1:23

An nen kit o Korindut pekkiya woroolik nogo ti, mbekkirage paga kiniki wakkolookwak nduk, mbet-mbet pekkiya woroolik ti, Ala eenu o.

2 Korindut 10:15

Ala nen, “O time yora nanip o,” yo'niraga'lek kenok, aap alik nen yorogwe iigak obeelom wone waganggwi iinok, “Nit ninapuri aret o,” yinuk, yugun lek kwe, kit abet mbakwi nogo mondok mugurok nogwe paga kiniki kole arit nogwe kiinok, nit yoranet nugu logorak Ala nen koonogo pereegerak nogo ti, ambinom nggwok togon wiganinuk noorak, “Ao,” mbako ogoorik o.

2 Korindut 11:12

An ti eeke logorak yokkiragarak alom ti, it aakumi wone alik yokkirogo menggaarak nen, “Pawulut inom eeko menggaarak nogo nit ndak-ndak aret eeko monggoorak o,” yinuk, wogoppatit nugwi nogo, inoone mondok lek eerogo piyaakit nduk, “An eeke minggirak ti, aret eeke logogin,” mba'nuk, yokkiragarak.

2 Korindut 11:31

An o Ndamitik wonage me, aap endagembogut Aretat awot gubernur nogo nen an pi'nabuwak nduk, awuri yigin unde yoragagerak wundi wage neyo, tu pak ambe paga enaarak wonogwe iigak, noreewi nen muun yarak me yonggologo yagat obaga mbo wumbanugo mbareegwa, it inambeme nen aret mbaganeegirak. Ti eereegirak ti, abok aret nit mondok-mondok alut eeko monggoorak ninowe Yetut ogoba Ala nogo, eenu aret me, an pilit lek, abet aret yokkiragi o.

2 Korindut 12:19

Wone yi abok aret yokkirogwe niigak, kit nen, “Pawulut oreewi inom inaana'le mbanggo'net nogwe,” ninombakwi negen kiigirak kwe, nit togop lek o, noreewi. Kit lombok niniki kunik me, kiniki kole eekkinabuwok nduk, Keritut ayeloman logonet, Ala enggaanom paga yokkirogo ogoorik o.

2 Korindut 9:2

Kit kiniki nen yeenggwaaroorak mbakotak nogo an abu neenu aret o. “Tahun aa'nduk nogo paga it o Akaya mendek nen Ala apuri o Yureya mendek yeenggwaaroorak iniki aganggen kerek togon muk kooneegwaarak o,” yinuk, it o Makendoniya mendek inenggaanom paga kit kooneegutak nogo wogoppinagage logonet, mbininirage mbaki, it ando nggwok nen, “Nit togon ndak-ndak yeenggwaaraawok o,” yinuk, koonggaarak.

Nggalatiya 1:20

An liiru mbanggirage yi nogo ti, pilit lek Ala enggaanom paga mondok abet aret mbanggiragi o.

Nggalatiya 2:20

An Keritut nimbirak eyo karo-karo paga nabenogo paneegwaarak me, kambeegirak. Ndi, yogondak eerit nage minggirak nogo ti, an nomaawi paga lek o. Ata, Keritut omaawi eeppanege kagak eerit nage minggirak me, an nggween paga yime neegak, at Ala aput nabuwa mba'nuk, nake kambeegerak me, at abet mbake logonet, niniki at oba panggombunuk, eerit nage agarik o.

1 Tetalonika 2:10

Kit abet mbareegutak nogo nit kinenggela'me logonet, Ala wone liippunuk eekwi, ndi, maluk eeka'lek abu obeelom eereegurak paga kinoone ambi ninoba pinanega'lek wonogwe, eerit nogogurak nogo ti, Ala niige, kit kunduk niigwi, eereegutak o.

1 Tetalonika 2:5

Niniki laakot logonet, ninoone yokkirogo logolik ti, kineenu aret o. Kit kinageerok ambi kolaawok nduk, ninoone, “Ai-ao,” yogwe ti, at Ala eenu me, yuulik mban.

1 Timotiyut 2:7

Ala nen yi aakumi ndi aakumi abok eeppiyoorak kooneegerak nogo, it aap endekem mendek Ala ari menggerak wone ineenu a'nuk, abet mbariyak wone nogo, agan nage logokit nduk mippanege, ndi, yi awi ndi awi yoranet nege logokit nduk, nappiigak agago panege, eereegerak o. Wone ti, pilit lek abu abet aret yokkigi o.