2 Korindut 10:7 - Ala Wone Peenok Peebi Mbanak

⁷ It ando nen, “Nit mban Keritut apuri ogoorik o,” yinuk, yogwe nogo nen, “It togon ninom ndak-ndak Keritut apuri aret iigo,” yinuk ninombako logowak o. Wone ti, kenom paga aret wonage me, kit nonggop nduk, liippega'lek ogotik?

2 Korindut 10:7 ပူးပေါင်းရင်းမြစ်များ

Matiyut 23:5

It yi mendek ndi mendek eekwi abok aret nogo ti, Aakumi inigen niyaawak o, yinuk, eerit nugu logonet, kiwone mbanak yonggolak inenggaawak paga nabenogo keele maakwi, inayum o'lu paga nggagik-nggogok eerak pugunogo wuppunuk tamban eekwi, eeko menggaarak.

Lukat 16:15

Meek agago pogo mbareegwa, at Yetut nen it yorage logonet, “Kit nen aakumi obeelom kinombaruwak nduk, kinaana'le mbanggo'net nugwi kwe, Ala nen perak, kiniki mbakwi nogo eenu menggerak. It aakumi nen, Wi! yinuk, iya mbakwi nogo at Ala eebi lombok mbake menggerak.

Yaya 7:24

Alom liippega'lek kagak, etenggen paga mban liippunuk, maluk inoba piyoorak mage o. Ata, alom liippunuk, eekaarak onggo ndak-ndak aret inoba piyoorak op o,” yinuk, yoragagerak.

1 Korindut 1:12

Kit nen yogo logonet, “An nogoba Pawulut. An nogoba Apolot. An nogoba Kepat. An nogoba Keritut,” yogo logonet, kinalitak mogonggologwe konengge nagagirik, yokkiragi o.

1 Korindut 14:37

Kit ambi nen, “An Ala wone yorage logokit nduk, unde eeppaneegerak kagi,” yinuk, mbake, ndi, ambi nen, “An eeke logokit nduk, Aberiniki nen, Yi aret, wo'nireegerak kagi,” yinuk, mbake, eekwi nogo nen, “Wone yi ti, ninowe nen Pawulut yoge kagak mbanniragagerak kogo o,” yinuk, kiniki liippinip o.

1 Korindut 15:23

Ti eeke logonet, mondok peebi-aa'nduk mippinanigin o. At Keritut ti, anggen iyaalok mbanak kwak aa'nduk eenik eerogo mippereegerak me, at peebi wage logomenggerik, apuri ninom kunik monggoorak nogo, abok aret nineenik eerogo mippinanigin o.

1 Korindut 3:23

Ndi, kit kineebe ti, Keritut unde. Ndi, Keritut eebe ti, Ala unde aret o.

1 Korindut 9:1

An nogo, aakumi nen, “Yogop ee'nu, ndogop ee'nu,” yo'nugwi iigak eeke minggirak mbakop? An nappiigak logokit nduk, Ala nen mippanulik mbakop? Ndi, ninowe Yetut an nenegen liirogon koolik nombako ogotik? Ninowe eyabu eeke minggirak nogo, anggen yugu negen kit aret wonogwe nogo lek a?

2 Korindut 10:1

“At Pawulut nda wonage logonet, agabiti mbaka'lek mondok lok togon yo'nirage, ndi, nit ninenggaanom kenok perak, agabiti mbakak oone yanggorogon yo'nirage, eeke menggerak o,” yogo monggotak kwe, Keritut ninabuwa nen oone yanggorogon yo'nirage menggi kwak, an Pawulut togon ndak-ndak, niniki, “Ao,” mbake logonet, wone ambi yokkira.

2 Korindut 11:18

It aakumi nggween paga mendek nen wogoppako logonet, yogo menggaarak me, an togon ndak-ndak, wogoppake logonet, wone ambi yokkira.

2 Korindut 11:23

“Keritut ayeloman logonet, ake eeko monggoorak,” mbakwi me, an kunduk, Keritut ayeloman mondok iya lombok eeke minggirak. Wone yi, aap kumili nen yogo mengga kwak ari kwe, abet aret me, konenggo logonip o. Keritut ayeloman logonet, ake eerit nage neegak, ndonggoppanege, keele maarogo mambiigo menggam kulinik-kalinik mambanugwi, ineenggi lingginiyak meek nookwi, kambikit nduk, nabenak mban an ee'nabeegerak mendek neenik age, it ando teeluk negen eeppiigo logonet, an perak, mondok iya lombok eeppanugo nogogwaarak.

2 Korindut 11:4

Kit Yetut waabagip nduk, wone aa'nduk yokkirogo nogogurak nogo kagak, it aakumi alik nen wogo nagaatik, “Yetut ambi yi aret o,” yinuk, yokkirogwe, Aberiniki waganeegutak nogo kagak, “Aberiniki ambi yi aret o,” yinuk, yokkirogwe, ndi, wone obeelom wone abet mba'nuk, waganeegutak nogo kagak, “Wone obeelom wone ambi yi o,” yinuk, agan wogwe, eekwi iigak, “Nonggop yogwe iyaamun?” yinuk, “Puk wonogwe,” yogwe iigirak me, nagabiti mbake logonet, yokkirage agarik o.

2 Korindut 12:11

An kumili negen aret ari kwe, alom kit eekwi paga an wone ti yokkirage agarik o. An aap iya me nduk, tiyappaniyak lek kwe, kit nen, “It aap ti, nappiigak mondok iya nen yo'nirogwe o,” yinuk, tiyappiigwi nogo, it iya, ndi, an meek, ti mbake lek it ninom ndak-ndak me, it wogoppiigo logonet, an ninom wogoppaniyak op aret kwe, wogoppanega'lek kiinok, yokkirage agarik o.

2 Korindut 13:3

“Keritut nen yoge kagak yo'nirage menggerak nit abet mbaruwok nduk, ambi eeke kaawok o,” yinuk, nombako monggotak nogo, an kiya wage logominggirik, ninom wonogwe niigak, Keritut nen meek negen eeppinagagin lek o. Mondok iya lombok eeppinagage kaamunggup o.

2 Korindut 5:12

Nit wone yokkirogwe ti, nit iya me, kit wo'ninabubagip nduk, ambinom yokkirogwe ti lek o. Ata, it inobaabut liippiiga'lek logonet, inetenggen liippunuk mban iya mbakwi nogo nen ninabok mbanggwi iinok, kit puk arugup o. Ata, “Ninogobamini aret me,” yinuk, ninaana'le mbanggo logobagip nduk, yokkirogo ogoorik o.

Nggalatiya 3:29

Ndi, nit Keritut apuri abet aret wonogwe kenok, Abarakam ombowologwe aret me, wone abok yoreegerak nogo, nit aret woorak nduk ogoorik o.

1 Yaya 4:6

Ndi, nit perak, Ala apuri mbogut paga mendek aret me, nit ninoone yogwe nogo, it Ala inom kunik nogo nen mban inaruk konenggo menggaarak. Ndi, Ala apuri lek kenok perak, nit ninoone yogwe nogo konenggulik aret o. Nit ninoone konengga'lek ti paga, “Aberiniki nen yorage kenok yogwe ilik, iniki koombunuk nen pilit yogwe a?” yinuk, nineenu ogo monggoorak.

1 Tamuwen 16:7

Aliku ALA nen Tamuwen yoge, “An nen aap ti, miirulik me, kat nen aap etenggen inom, eebe nggorek paga inom, liippunuk, mippugun o. An liippege minggirak nogo ti, aakumi nen liippiigo menggaarak ndak-ndak lek o. It aakumi nen ineebe paga liippiigo menggaarak kwe, an perak, aakumi inikime lombok liippiige minggirak o,” yoreegerak.