2 Korindut 10:18 - Ala Wone Peenok Peebi Mbanak

¹⁸ Aakumi eerit nugwi paga wogoppakwi kenok ti, iya lek o. Ata, Ala nen wogoppiige kenok perak, abu iya o.

2 Korindut 10:18 ပူးပေါင်းရင်းမြစ်များ

Kini Wuppiige 12:8

Aap iniki warak ti ndak-ndak “Wi!” irogo menggaarak kwe, It aap maluk iniki nggolawe kenok perak, meek lombok eerogo piigo menggaarak.

Kini Wuppiige 21:2

Aakumi nen, “Nit eekwi abok aret op eerit nogo ogoorik o,” mbako menggaarak kwe, Aliku ALA perak, alom ngge eeruwok nduk, iniki koonggwi nogo liippiige menggerak.

Kini Wuppiige 27:2

Kat nen aret kendage tiyappatiyak ti mage o. Ata, aap alik nen kendage tiyappagawak o. Aap kat keenggo'lek mendek kunduk, wogoppagarak ti op aret kwe, kat koone agan nege logonet, wogoppatiyak ti mage o.

Lukat 16:15

Meek agago pogo mbareegwa, at Yetut nen it yorage logonet, “Kit nen aakumi obeelom kinombaruwak nduk, kinaana'le mbanggo'net nugwi kwe, Ala nen perak, kiniki mbakwi nogo eenu menggerak. It aakumi nen, Wi! yinuk, iya mbakwi nogo at Ala eebi lombok mbake menggerak.

Yaya 12:43

It nogo ti, Ala nen tiyappinaniyak mbaka'lek logonet, “Aakumi nen tiyappinanuwak,” mban inikilom mbako nogogwaarak ti paga, “Nit at oone waganggwi mendek aret o,” yinuk, pagangga'lek aret wonogogwaarak.

Nappiigak 2:22

Kit aap Iterali mendek yi, wae. An yokkirage yi, liirogon konenggo logonip o. Ala nen aap Yetut Nataret mendek leenogo nappi wagagerak kit liippatubagip nduk, Ala nen omaawi eeppege kagak, at kinom logonet eerubok mendek eeke, inagabiti warak mendek eeke, tam warak eeke, eeke nagagerak kineenu nogo o.

Oroma 14:18

Keritut ake eerit nage logonet, wone ti, liirogon eekwi kiinok, Ala nen ale'nggen kinombake, ndi, it aakumi nen togon, “Op aret eekwi,” kinombakwi, eeko logogun o.

Oroma 16:10

Keritut iniki kunik logonet, liirogon eerit nage kage nagarak at Apelet nogo keyage wappege, at Aritobulut apurilogwe inom keyage wappiige, eeki o.

Oroma 2:29

“It Yakuri mendek aret o,” yogwe nogo ti, Muta yoreegerak wone waganggwi paga lek o. Ata, inagabolo mbanggo mengga kwak, at Ala nen Aberiniki paga iniki yanggonogo pege ti perak, abe Yakuri mendek ti aret o. It aakumi iniki togop Ala nen yanggonogo pege ti, it aakumi nen wogoppiyoorak lek o. Ala nen mban aret wogoppiyaagin o.

1 Korindut 11:19

Kit wone-wone yogo logonetak lek en, taani nen wone liippunuk agan nugwi nogo, alom kin a'netak lek kwe, wone-wone yogo monggotak nogo paga alom kenom aga o.

1 Korindut 4:5

Ti kenok, it aakumi inowak looniyak koonogo pereegerak eyom awo panggoni waga'lek kagak, kit nen aakumi maluk ugun-ugun inoba lenggenogo piigo logorak mage o. Ata, ninowe wage logomenggerik, nit aakumi ninikime kote koonggwi kumaarak wonage nogo kin paga pege, ndi, ninikime, “Alom ngge eeriyak,” mba'nuk, koonggwi nogo nggwok paga paganogo yo'nirage, eeke kenok, Ala nen ninalitik-ninalitak eeko logomonggoorak nogo ndak-ndak ale'nggen ninoba pinanigin me, waga'lek kagak aakumi ugun-ugun maluk inoba lenggenogo piigo logogup o.

2 Korindut 10:12

It aakumi ando wogoppatit nugwi nogo, it iya me, ninom lambunggwi, ninom ndak-ndak wakkogwe, eeriyak meek aret mbako ogoorik o. It aap togop mbakwi ti, “An iya kat iya,” yogo logonet, it eekwi mban wakkagak mbininggo menggaarak me, it abu wi negen yogwe iigo o.

2 Korindut 13:7

Kit maluk eeko logokwak nduk, kinake Ala yogo monggoorak. Kit maluk eeka'lek kiinok, “Pawulut awuri wone waganeegwaarak abet aret mugurok nogwe me iya,” yinuk, ninabut mbambunuk, ninabok obeelom mban yuwak nduk, kinake tamban eekwi lek o. Ata, nit ninabok maluk yogwe tit iigak kwe, kagak kit obeelom mban eerit nogo logobagip nduk, kinake tamban eeko monggoorak.

2 Korindut 3:1

Wone yokkirogoorak ti, nit ambinom wogoppatuwok nduk yokkirogwe mbakop? It ando nen ineebe wogonabuwak nduk, eeko menggaarak liiru mbanak wonok wokkirogwe iinok, wogonako monggotak kwak, nit togop aret wokkiroorak mbakop? Ndi, aakumi alik nen nit wo'ninabuwak nduk, kit nen liiru mbanak wo'niroorak op mbakop?

2 Korindut 5:12

Nit wone yokkirogwe ti, nit iya me, kit wo'ninabubagip nduk, ambinom yokkirogwe ti lek o. Ata, it inobaabut liippiiga'lek logonet, inetenggen liippunuk mban iya mbakwi nogo nen ninabok mbanggwi iinok, kit puk arugup o. Ata, “Ninogobamini aret me,” yinuk, ninaana'le mbanggo logobagip nduk, yokkirogo ogoorik o.

2 Korindut 6:4

Aaninggin-paaninggin nino-ba kwi'nage, maluk ninoba age, “Nonggop eeruwi,” yinuk, niniki piirik ee'ninake,

2 Timotiyut 2:15

Aap ambi yabu abe eeke logonet, agabiti mbakeelik nogo pogom, kat Ala ari menggerak wone mamunirage logonet, kiniki nen koonogo alik inom nabenogo yoraga'lek at oone mban liirogon yorage keenok, Ala nen inikilom kombaruwak nduk, liippunuk, eeke logot o.

1 Peterut 1:7

Mbuti emas nogo ti, we luulu lek ariyak mendek kagak, “At mendek ilik, alik mendek a?” yinuk, kani paga abut mbanggo menggaarak nogo ndak-ndak, kit abet mbakwi nogo ti, mbuti emas ndak-ndak lek o. Kit abet mbakwi nogo ti, mondok iya lombok me, at Ala nen, “Nu'lek wonogwe iyaamun ilik, lek a?” yinuk, kinabut mbangge logonet, aaninggin-paaninggin kinoba pinagage me, kiniki ale'nggen mbakwi kiinok, peebi Yetut Keritut eebe tena'me ari wage logonet, “Op eekotak o,” yinuk, ale'nggen kinoba pinagage, kinendage tiyappinagage, wogoppinagage, eeri woraagin o.