2 Korindut 10:1 - Ala Wone Peenok Peebi Mbanak

¹ “At Pawulut nda wonage logonet, agabiti mbaka'lek mondok lok togon yo'nirage, ndi, nit ninenggaanom kenok perak, agabiti mbakak oone yanggorogon yo'nirage, eeke menggerak o,” yogo monggotak kwe, Keritut ninabuwa nen oone yanggorogon yo'nirage menggi kwak, an Pawulut togon ndak-ndak, niniki, “Ao,” mbake logonet, wone ambi yokkira.

2 Korindut 10:1 ပူးပေါင်းရင်းမြစ်များ

Ndawi 45:4

Aakumi abet kenok mban yogwe, Iniki tebenak logonet, a'me nggelok mban eerit nogwe, Eeko logowak nduk, Kendage abu tiyanak aakumi, “Wi,” kugwi iigak, Kaguda paga kwi'na'nuk, keegin tiyak yuwak nduk wundi nage, Aakumi inamineeri ne agan nage kagak, keenggi abe omaawi paga eerit nage, Eeke logot o.

Takariya 9:9

O Tiyon aagalogwe kit yi wae. Kinale'nggen nen lubuk yogwe. O Yerutalem aagalogwe kit yi wae. Kinale'nggen nen kina'mit piyanggogwe, Eeko logonip o. A'me nggelok eeppinagit nage, kinagap ndake, Iniki yanggonak logonet yokkirage, Eeke menggerak kinowe endagembogut nogo keledai awo ndarak amborowak paga kwi'ndak kiya wage ti, kinigen kaanip o.

Matiyut 11:29

An nayum yonggolak kinomba langgumbinagage, ndi, luurik-maarak eerogo kinoba pinagage, eeke ti, aaninggin lek teeluk aret me, an nayum yonggolak kinomba ko'nok, noba yanggonak niniki tebenak logonet, eeke minggirak nogo mamunggolaanip o. Aaninggin kagak mamunggologwe kiinok, eerit nogo logonet, Niniki yanggo yigi, yinuk, yogo logomunggup o,” yoragagerak.

Nappiigak 8:32

Liiru mbanak maleneegerak nogo eebe yi aret o. “Ndomba aagaluk waruwak nduk, wonok nogwe iigak, puk menggi kwak, At oone lek kagak wonok nogwe, Ndi, ndomba iyagalo eeruwak mbanggwi iigak, Oone lek puk wonage menggi kwak, At oone lek puk aret wonage, Eereegerak o. Miyuk-meya eerogo pogo logonet, eekerak ndak-ndak eeppega'lek inoone yimbu-lambu eerogo wonok nogogwaarak. Ndi, at paga wiganak nogo, taani o? Lek aret me, at awone mbanulik aret o. It aakumi wonogo menggam o nggween paga yime enggaawak lek aret agagerak o,” yinuk, liiru mbanak nogo malengge me, kwi'nari laganeegerak.

Oroma 10:20

ti'nuk, Ala nen yoge kagak at Yetaya nen agabiti lek yorage logonet, “It aap nen, Kat Ala nonggop menggendak o, yinuk, yo'nugulik nogo, neebe nigiige, It aap an mu'neren noorak mbakulik nogo ninom lambungge, Eereegirak o,” yinuk, yorage, eereegwaarak kwe,

Oroma 12:1

Ti kenok, nowe-nawot o. At ninogoba Ala ninabuwa mba'nuk, nggwok togon eeppinanege menggerak me, Ala ake warogo pogo mengga kwak, kit nen, “Nineenik logonet, Ala ake mban eerit nugu logowok nduk, nineebe apit aret Ala ake leenogo pogo o,” yinuk, “Ineebe apit aret Ala wogo'nuk logowak lak, an ao,” mbake logonet, yokkirage agarik o. Ti eerumonggotak paga Ala nen, “It yi abet aret nalut ee'nakwi iigi,” yinuk, ale'nggen kinombake logogin o.

Oroma 15:15

An Keritut Yetut ayeloman a'nuk, it aakumi endekem konenggulik mendek obeelom wone Ala nen yo'niragagerak nogo, yorage logokit nduk, Ala iniki kunik en unde eeppaneegerak me, wone ando yokkiragarak nogo kit abeko logobagip nduk, nagabiti lek logonet, liiru mbanggiragi o. Maan aap Ala unde nogo nen Ala ake warogo wogogwi iinok, wagangge nagagerak nogo kwak, an togop aret it aakumi endekem konenggulik mendek Ala wone yorage neegak, Aberiniki nen leenogo piige kenok, Ala nen wogonabuwak nduk, yorage logorak unde eeppaneegerak.

1 Korindut 2:3

An neebe lebenak aret me, nagabiti nen naganak wake kagak ninom wonagagirak.

1 Korindut 4:10

Kit ti, Keritut kinom kunik me, kiniki warak wonogwe kiigak kwe, nit perak, Keritut wone yoranet nugwi paga wi negen aret ninombako agaarik o. Kit kinomaawi ambik kwe, nit perak, ninomaawi lek lebenak aret o. Kit tiyanak aret wonogwe kwe, nit perak, meek ninombako agaarik o.

1 Korindut 4:21

Togop me, an kiya wage logonet, yawi wonok kiya woraagin ilik, niniki yanggonak kinabuwa mbake logonet, kiya woraagin a? Kit kiniki mban koonggo logonip o.

2 Korindut 10:2

It aakumi ando nen yogo logonet, “It nggween paga mendek eeko mengga kwak, Pawulut oreewi inom ndak-ndak ambi kolaawok nduk eerit nogo agaarik,” mbakwi iinok, an noone omaawi paga it yoroorak mbakirak nogo kokwak, kiya wage logominggirik, kit togop ndak-ndak yokkirookwak, noone yanggorogon yokkirage yi aret liippunuk, eeko logonip o.

2 Korindut 10:7

It ando nen, “Nit mban Keritut apuri ogoorik o,” yinuk, yogwe nogo nen, “It togon ninom ndak-ndak Keritut apuri aret iigo,” yinuk ninombako logowak o. Wone ti, kenom paga aret wonage me, kit nonggop nduk, liippega'lek ogotik?

2 Korindut 11:21

nit perak, togop eeppinagarak ninagabiti nen ninoone yanggorogon yokkirogogurak me, ninenggali aga o. It aap kumili negen ugun yogo mengga kwak, an togop yuurak neebi mbake kwe, it aakumi ando inagabiti lek, ambi eekaarak paga wogoppakwi me, an togon nagabiti lek mbuuluk wogoppatiyak mban tit mbake agarik o.

2 Korindut 11:30

An eeke minggirak mbininogo yokkirage nogo ti, an obeelom eeke minggirak paga wogoppake logonet, yokkirage lek o. Ata, an neebe abu ninggin yinuk-punuk aago logonet, eeke minggirak nogo mbininogo yokkiragi o.

2 Korindut 12:5

At aap ti, time pi laganeegerak wonage logonet, enegen kage, aruk konengge, eereegerak nogo ti, wogoppuurak op aret kwe, an eeke minggirak perak, neebe ninggin yinuk-punuk aago logonet, eeke minggirak nogo mban mbininogo yokkirage agarik o.

2 Korindut 3:12

It aakumi Iterali mendek nen Muta etenggen we luulu ndelenak-welenak aago nogo lek age inigen kogwe iyo, etenggen nobakkolagagerak nogo pogom, nit togop eekulik o. Nit mondok-mondok logorak wone unde eeppinaneegerak koloorak niniki lunik wonage nogo ti, mondok iya me, “Lek arigin lek,” mba'nuk, ninagabiti mondok lek logonet yokkirogo monggoorak.

2 Korindut 5:20

Togop kenok, nit Keritut obaane'me oone wonok yoranet nugu logowok nduk, mippinaneegerak logonet, Keritut eereegerak ti paga, “Ala kinom ogoorak logorak lek o. Kinom lambuninip o,” yinuk, Ala nen oone nabek togon yokkirobogom nit aret yokkirogo ogoorik o.

2 Korindut 6:1

At Ala nen ari logonet, “An nen kabuwa mbariyak eyom paga kat yo'nege nogo an naruk konengge. Kat kagap ndariyak eyom paga yeenggwa kege, Eereegirak o,” yinuk, yereegerak me, kit ninom Ala eyabu ambit eerit nogwe niigak, at iniki kunik nen obeelom eeppinagage nogo, “We aanom warogo eeppiige kagi,” kinombake kero, niniki, “Ao,” mbako logonet, yokkirogo ogoorik o. Kabuwa mbariyak eyom nogo ti, yogondak aret, ndi, kinagap ndariyak eyom nogo ti, yogondak mban aret me, yokkiragi o.

2 Korindut 7:4

Kit ninom kunik me, “Abet aret wo'ninabugun,” kinomba'nuk, niniki ale'nggen mbake logonet, yokkiragi o. Aaninggin-paaninggin ninoba age tit kagak kwe, kit abet mba'nuk, eerit nugwi paga niniki eyak wappanugwi me, “Kit yi, iya o,” yinuk, niniki ale'nggen abu alik negen ee'nake agaarik o.

Nggalatiya 4:13

An andi ee'nabeegerak me, kinenggela'me ninom logonet, iyaalok togon wone obeelom wone yokkirage nagagirak nogo kineenu aret o.

Nggalatiya 5:2

Kit liippatubagip nduk, an Pawulut nen wone ambi yokkira o. Kit kinagabolo mbaniyak mbakwi kenok, Keritut nen eeppinagarak mbake nogo, ambi eeppinagagin mondok lek aret o.

Epetut 3:1

Ti eeppinaniyak kooneegerak nogo abeke logonet, kit aakumi endekem mendek Keritut Yetut wone yokkirage nagagirak nogo paga keele maa'nabeegwaarak yime agarik o.

Epetut 4:1

Ti kenok, noreewi o. Kit eeko logorak yonggo pinagareegerak Ala nen kit ndak-ndak aret eerit nogwe kiyaawak nduk, an ninowe oone wonok yoranet nege paga keele maa'nabeegwaarak nogo nen, “Ao,” mbake logonet, yokkiragi o.

Pilipi 4:5

Ninowe woroorak abu panggo yegerak me, it aakumi abok nen, “Iniki abe paga aakumi obeelom eeppiinet nugwi iigo o,” yinuk, kinombaruwak nduk, eerit nogo logonip o.

Kolote 1:23

Keritut ti eereegerak nogo paga, Ala kinom lambumbinagareegerak me, wone obeelom wone kit konenggo nogogutik, abet mbako logonet, “Ala nen togop eeppinanigin kagi,” yinuk, kiniki lunik wonogwe nogo, mbo puurak mage o. Ata, o eyak wurabak kwak Keritut paga kiniki panggombunuk, wone abet mbareegutak nogo, kiniki nu'lek logonet, mugurok nogo logonip o. Ndi, obeelom wone yi awi ndi awi abok aret wiganinuk nage nogo ti, an Pawulut ninom aret yorage logokit nduk, Ala ayeloman agago paneegerak aret o.

2 Tetalonika 3:17

“At Pawulut nen aret liiru yi mbanggerak kagi,” yinuk, yelok kaawak nduk, irip paga keyage wappiige wone ti, an nen aret mbangge minggirak me, liiru yi, “At nen aret yo'niragaarak,” mbarubagip nduk, irip paga keyage wappinagage wone yi, an neenggi lombok paga nen aret mbanggiragi o.

Pilemon 1:19

“At Pawulut nen yoga'lek kagak liiru mbanggerak o,” nombake keyo, “An Pawulut nen aret onggo wokkirigin o,” yinuk, wone ambiriluk ti, an neenggi lombok paga aret liiru mbanggigi o. An wone yokkereegirak paga kiniki abet mbareegindak nogo ti, nanomat mbanak pogom koba wonage me, ambi yi inom koba pagakit lak kwe, mbo pigi o.

Pilemon 1:9

kat an niniki kunik lombok wonage me, noone we yanggorogon yokkiriyak ee'nake o. An Pawulut nogo aap abu nanggok agagirak o. Ndi, Keritut Yetut oone wonok yonggo nege nagagirak paga keele maa'nabeegwaarak yogondak yime logonet,

1 Peterut 2:11

Nowe-nawot o. Kit aap nggiru negen nggween paga yi awi ndi awi mbaganit nogogutak nogo, kit an niniki kunik me wone ambi yokkira o. Kit kiniki nen nengge mugurok noorak kineebi mbakwi kiigak, nikkiren nage nogo, mugurok noorak ti mage o.

Wayu 1:9

Kit aaninggin-paaninggin kinoba pinagagwi iigak kwe, “Ala abu'me pinanigin me, op aret o,” yinuk, Yetut kinom kunik kiniki nu'lek logonet, waganggo monggotak nogo ti, an kinore Yaya togop ndak-ndak eeppanugwi iigak, wagangge minggirak nogo nen Ala wone yorage, ndi, Yetut wone ari nagagerak nogo paganogo yorage, eeke minggirak nogo paga, niyo yenggenak oolo kup mbanak o endage Pa'mot pani wogogwaarak yime agarik o.