2 Korindut 1:9 - Ala Wone Peenok Peebi Mbanak

⁹ “It kambuwak o,” yinuk, Ala nen abet aret ninoba lenggenogo pinanege mbareegurak kwe, ti ninoba agagerak nogo ti, “Nit ninomaawi paga panggombunuk eerit noorak lek o. Ata, aakumi kambunuk nogo menggam nen ineenik agago mippiige menggerak Ala nogo, niniki at oba panggombunuk, eerit nugu logorak,” mbaruwok nduk, togop aret ninoba agagerak.

2 Korindut 1:9 ပူးပေါင်းရင်းမြစ်များ

Ayup 40:14

Ti eeke keenok, Kat keenggi omaawi lombok paga kagap ndakkolage keyaagin me, An nen, Wi! yinuk, pi wakkabigin o.

Ndawi 22:29

It aap ineenggi warak o nggween paga wonogwe yi, Abok aret inambi ndonggorogon nenok kalut eekwi, It aakumi kambak mendek inom, It ineenik ambinom logorak meek mendek inom, Abok aret kabu'me tebe yi unggwogwe, Eeko logogun o.

Kini Wuppiige 14:32

It aap maluk eeka nen maluk eerit nugwi paga it ineebe aret nggelenggologo menggaarak kwe, Aap iniki abe koonak nogo perak, kambemenggaarak kwe, obeelom eerit nugu logomenggaarak me, ineebe obeelom aret logogun o.

Kini Wuppiige 28:26

Aap ambi nen at iniki mbake mban panggombunuk wonage kenok, iniki lek wi negen aret wonage menggerak kwe, Aap ambi iniki warak logonet eerit nage kenok perak, tu kuuri'me aret nege menggerak.

Yetaya 38:10

An nen ari logonet, “Nda'nagagirak awo obate paga kagak aakumi kambunuk nogo menggam tu ambe pan ari logonet wiinege, Neenik ambinom logokit mbake neegak, an mondok wo'neren pani nage, Eeke kenok,

Yetikiyen 33:13

An Ala nen aap iniki abe koonak nogo yoge logonet, Kat abet aret keenik logomunggun o, yinuk, yoriminggirak kagak, obeelom eeke ti paga panggombunuk, maluk eerit nage kenok, at obeelom mban eerit nage logomenggerak nogo, an aberigin lek me, at maluk eeke logomenggerak paga aret kambigin o.

Lukat 18:9

Yorage nagagerik, it aakumi ando iniki nen, “Aakumi ando ti, abu meek o, ndi, nit perak, niniki abe koonak aret o,” mbako nogogwaarak me, Yetut nen wone yi eegu laarogo yorage logonet,

Oroma 8:36

“Nit kapuri ogogurak paga Kubondendok nen nok oonikiya ari nage kagak, Ninooremengga ilik? mbarit nugu monggoorak. Ndomba wariyak wonok nogo mengga kwak, Togop aret eeppiyaawok, ninombako menggaarak o,” yinuk, liiru mbanak nogo ndak-ndak eeppinanit wogo agaarik o.

2 Korindut 1:10

Ti paga nen mondok kambuurak aret wonogogurak kwe, ninagap ndareegerak me, peebi togon ninagap ndarigin aret o. Ndi, yogondak eeppinanege yi paga at nen ninagap ndarigin abet aret mbakwi me,

2 Korindut 1:8

Nit o Atiya wonogwe me, aaninggin ninoba agagerak nogo, kit kineenu arubagip nduk, yokkiraawi o, noreewi. Nit o Atiya wonogome, aaninggin-paaninggin mondok iya lombok ninoba age mbareegi, “Lek ariyak lek me, kambuurak op aret kogo,” mbareegurak.

2 Korindut 4:7

Ala nen nit unde eeppinaneegerak nogo ti, ninageerok niniki kundugu kwak aret me, nit wone ti, yorogwe niigak, Ala omaawi paga aakumi inikime mondok alik lombok eeppiinet nage nogo, kogo logomenggaarik, “Yi aakumi inomaawi paga eekwi lek o. Yi Ala omaawi paga aret eeppiinet nage agaarik o,” yinuk, kin kogo logowak nduk, togolowak nggween mendek ogobakkigirik nogo paga yonggolak wonage o.