2 Korindut 1:6 - Ala Wone Peenok Peebi Mbanak

⁶ Aaninggin-paaninggin ninoba age nogo ti, nit nen kit kiniki eyak wappinagagwi, ndi, obeelom eekkinakwi, eeruwok nduk, eeppinanugwi me, op aret o. Nit aaninggin ninoba pinanugwi iigak, niniki kwi'ndak logonet, waganggo monggoorak nogo, kit ndak-ndak eeppinagagwi iinok, kit togon, kiniki kwi'ndak logonet, waganggo logobagip nduk, nit nen kit kiniki eyak wappinagago monggoorak. Ndi, nit nen kit kiniki eyak wappinagawok nduk, aa'nduk Ala nen nit niniki eyak wappinangge menggerak.

2 Korindut 1:6 ပူးပေါင်းရင်းမြစ်များ

Nappiigak 21:5

time logonuk noorak kooneegurak nogo ndak-ndak age mbareegi, it Yetut oone waganeegwaarak nogo inakuwi-inapurilogwe inom abok aret o kota nen wo'niren yi aa'nggi paga pinani nogo mbareegwa, ninendobanggun yindumbunuk tamban eereegurak.

Oroma 8:28

Nit Ala iniki mbake ndak-ndak eeko logowok nduk, ninayonggo pinaneegerak nogo, at ninom niniki kunik niinok, yi mendek ndi mendek eekwi inom, eeppinanugwi inom, ti abok at Ala nen nit obeelom eeriyak ambi kaawok nduk, eeppinanege menggerak.

2 Korindut 1:4

Nit aaninggin-paaninggin ninoba age kenok, Ala nen niniki eyak wappinanege menggerak nogo ndak-ndak, it aakumi togop aaninggin inoba age kenok, iniki eyak wappiigo logowok nduk, Ala nen nit aa'nduk niniki eyak wappinanege menggerak.

2 Korindut 12:15

Togop me, kit kinake eeke logonet, namendek tigippake, nomaawi abu lek eerogo pake, eeriyak ti, niniki ale'nggen aret mbake minggirak me, an kit kinabuwa ambik mbarit unggwage neegak kwe, kit nen perak an nabuwa mbakwi nogo mbuuluk arit unggwage kagarak ti, nonggop o?

2 Korindut 5:5

Nabelan-kabelan wo'niroorak nduk, niniki pipuk eerogo pinanege menggerak nogo ti, Ala aret o. Nit nabelan-kabelan ti, “Abet aret eeppinanigin,” mbaruwok nduk, Aberiniki aa'nduk aret wo'niragagerak me, niniki tayenak ale'nggen aret ogoorik o.

Epetut 3:1

Ti eeppinaniyak kooneegerak nogo abeke logonet, kit aakumi endekem mendek Keritut Yetut wone yokkirage nagagirak nogo paga keele maa'nabeegwaarak yime agarik o.

Epetut 3:13

Togop me noreewi o. An wone obeelom wone yokkirage nagagirak paga aaninggin noba agaarak wonage yi paga kinagabiti nen kiniki yungguppegak eerugup o. Yi ee'nakwi nogo ti, kit ambi eeppinagarak nduk, eeppanugwi me, op aret o.

Pilipi 1:19

Kit nen nake tamban eekwi, ndi, Yetut Keritut Aberiniki nen niniki eyak wappanege, eekwi ti paga keele piinogo wumbanugun an neenu me, niniki ale'nggen mban mbake agarik o.

2 Timotiyut 2:10

Togop me, it aakumi Ala miirinabeegerak iniki Keritut Yetut oba panggombunuk, abet mbakwi iinok, inagap ndappunuk mondok-mondok inom tiyanak logowak nduk, maluk eeppanugwi iigak, it inake nogogumbuk logonet wagangge minggirak o.