2 Korindut 1:19 - Ala Wone Peenok Peebi Mbanak

¹⁹ An togon, Tilat togon, Timotiyut togon, nit kinenggela'me logonet, Ala aput Yetut Keritut eeke nagagerak wone yokkirogo nogogurak nogo ti, at nen, “Eerikit,” mbake logonet, “Neebi,” ari, ndi, “Neebi,” mbake logonet, “Eerikit,” ari, togop ari logolik o. Abet aret, “Eerikit,” mba'nuk, ari menggerak nogo ndak-ndak, nit kunduk abet aret, “Woroorak,” mba'nuk, yokkirogogurak o.

2 Korindut 1:19 ပူးပေါင်းရင်းမြစ်များ

Iberani 13:8

Maan inom, yogondak inom, peebi inom, at Yetut Keritut alik ageelik mondok itok aret menggerak o.

Wayu 1:17

At eebe togop aago wonage nenegen kage nagarik, aakumi inambuluk yuppuk ngginnari nogo mengga kwak, an togop aret at abu'me ngginnari nage mbaki, at eenggi abe'nggan paga pi'nake logonet, “Aa'nduk togon wonagagirak inom, peebi irip paga lombok mondok logorak inom, ti an aret me, kagabiti mbarugun o.

2 Yaya 1:9

Aap ambi Keritut wone mamunniragagerak nogo mban ari lek at iniki koombunuk, alik inom nabenogo yoranet nage kenok, at Ala imbirak kunik logonet ari lek o. Ndi, Keritut wone mamunniragagerak nogo ndak-ndak eeke kenok perak, ninogoba Ala aput imbirak inom kunik aret logonet ari mbaruwok o.

Wayu 2:18

“Ndi, ambi at malayikat Ala apuri o Tiyatira kuwak eekwi inarum menggerak nogo nen apuri yoraawak nduk, yoriyak, yokkiri o. An nenegen kani omoonuk wunuk ari pogom logonet, mbuti tembaga kani kunik me mambugwi iinok, eyak kwindagala eerogo pegetak me, abinak pigan-pigan eeke menggi kwak, niyok togop ndak-ndak pigan-pigan eeke minggirak nogo nen,

1 Yaya 5:20

At Ala aput wambi wage nagagerik, Ala ambit alik lombok menggerak nogo nit liippuwok nduk nineenu eeppinaneegerak o. Ndi, at alik lombok menggerak Ala aput Yetut Keritut imbirak ninom niniki ambit kunik aret ogoorik o. At Yetut Keritut ti, at alik lombok menggerak Ala nogo aret me, nineenik mondok logorak unde eeppinanege menggerak alom at aret o.

Wayu 1:8

Aa'nduk wonagagerak, yogondak wonage, peebi logogin at omaawi lombok menggerak ninogoba Ala nen ari logonet, “O maan aa'nduk togon wonagagirak Alpa inom, ndi, peebi irip paga mondok logorak Omega inom, ti an aret o,” yinuk, ari menggerak o.

Nappiigak 18:5

Ti'nuk, Tilat inom, Timotiyut inom, o Makendoniya nen wogo nogogwaarik, inom logonet, at Pawulut nogo alik ambi eeke logolik Ala wone ti mban yorage logonet, “Ala leenogo mippereegerak Mesias nogo ti, Yetut aret o,” yinuk, it Yakuri mendek yorage nagagerak.

Wayu 1:11

yo'nege logonet, “Eeriyak titikkege neegak, mbuku pirik-perek aago paga liiru mbangge logomenggendik, it Ala apuri o Epetut inom, Timirina inom, Peragamut inom, Tiyatira inom, Taririt inom, Pilarelipiya inom, Laworikiya inom, nggereya 7 paga kuwak eekwi nogo abok aret pekkaawak nduk, nappunu o,” yinuk, yo'nege konenggirak o.

1 Yaya 1:3

Nit ninogoba Ala aput Yetut Keritut imbirak ninom kunik wonogwe me, kit kunduk, ninom niniki ambit kunik logowok nduk, ninigen kogwe, ninaruk konenggwi, eereegurak nogo aret yokkirogo ogoorik o.

2 Peterut 1:17

Keritut ninom puut ayuk warak menggim nogome niigak, at mondok tiyanak, “Wi!” ugwi ninogoba Ala nogo nen ninowe Yetut Keritut ayuk wurogo tiyappege logonet, “An naput niniki kunik nale'nggen ee'nake nogo yi aret o,” yinuk, mbogut paga nen oone ari nit aret ninaruk konembunuk, yokkirogogurak nogo o.

Iberani 1:11

Mbogut inom, nggween inom, ti lek arigin kwe, kat perak, kitok mondok aret menggendak o. Yum maan yugu me, nibik ari kenok, mbo pogo mengga kwak, mbogut-nggween yi togop aret lek eerigin o.

Nappiigak 15:22

Yorage mbareegi, it nappiigak inom, it Ala apuri unde inom, Ala apuri time kuwak eeko menggaarak nogo abok inom, nen, “Pawulut Mbaranabat imbirak nit yime mendek ambi inom leenogo o Andiyokiya nappiyaawok o,” yinuk, Ala apuri inoweewi ambi Yurat, endage ambi Mbaranabat inom, aap Tilat inom, leenogo piinok,

Nappiigak 9:20

ti'nuk, “Yetut ti, Ala aput aret o,” yinuk, it aap Yakuri tamban eeko menggam lombok wone nogo yoranet nege nagagerak.

Nappiigak 8:36

Yorit imbirak tu paga nogo logonet, niyo ambi wage me ari nogo nogogwaarik, aap nogo nen, “Niyo yi ket o. An yiime wuppaniyak meek mbaken a?” (

Yaya 20:31

Eeke nagagerak liiru mbanak yi nogo ti, Yetut ti, Ala nen at aput leenogo mippereegerak Keritut aret kit abet mbakwi, ndi, abet mbakwi kiinok, at eekkinabemenggerak paga kineenik mondok mendek kologwe, eeko logomunggup nduk, wone yi liiru mbaneegirak o.

Yaya 19:7

Yorage mbareegi, it aap Yakuri mendek nen, “Lek o. Nit eeko logorak wone yugu liiru mbanak mugurok nogo monggoorak me, aap yi, An Ala aput aret o, yegerak kenok, at wariyak aret mbako o.”

Yaya 8:58

Yogo mbareegwa, at Yetut nen, “Abarakam nda'naga'lek kagak, an wonage aret minggirak o, yinuk, abet aret yokkiragi o.”

Yaya 6:69

Nit niniki koba panggombunuk, abet kombako nogoorik, at ambi kikak nakeelik abu obeelom mban menggerak Ala nen nappi wagagerak nogo, kat aret keegoorak o.”

Yaya 3:16

At Ala nen yi aap ndi aap abok inabuwa nggwok lombok mbareegerak me, at aput ambolom ndarak an aret nappani wogoragagerak. Togop me, it aakumi iniki noba panggombunuk, abet nombakwi iinok, lek eerogo piyaagin lek ineenik mondok-mondok aret logogun o.

Yaya 1:49

Yoge mbareegi, at Natanayen nen, “Ngguru wae. Ala aput aakumi Iterali inowe endagembogut kat aret keegi o.”

Yaya 1:34

an aret nenegen kage nagarik, Yi Ala aput aret o, yinuk, paganogo yokkiragi o,” yoragagerak.

Lukat 1:35

Yoge mbareegi, malayikat nogo nen, “Aberiniki koba wambi wage kagak, at Tiyanak Lombok Menggerak omaawi nobakkabi wage mbaremenggi, kabila aret age logomenggendik, at mondok kikak nakeelik Ala ake leenak ndaremenggendak nogo, aakumi nen, Yi Ala aput aret, yogo logogun o.

Marakut 1:1

At Yetut Keritut Ala aput eerit nage nagagerak obeelom wone aa'nduk lombok wareneegerak nogo yi aret o.

Matiyut 27:54

Ndi, at yigin unde inowe inom, it Yetut arum wonogogwaarak inom, nogo nen mi nuk ari, ndi, yi eekak ndi eekak eeke, eeke nogo inigen kogo nogogwaarik, inagabiti ambik age mbareegi, “At yi, Ala aput abet aret kogo o,” yinuk, yereegwaarak.

Matiyut 27:40

An Ala awi wurik minogo punuk, obaane'me wuke neegak, nogo mbere yigin, yagandak nogo, kat Ala aput aret keenok, kagap ndakko'nok wambi mok ubi.”

Matiyut 24:35

Mbogut-nggween yi, lek arigin aret kwe, an noone ti perak, lek arigin lek mondok aret logogin o,” yoragagerak.

Matiyut 17:5

Wone awo yoge kagak, ameraakot abinak mendek nobappiya wage kagak, enggela'me nen oone ambi yorage logonet, “An naput niniki kunik nale'nggen ee'nake nogo yi aret me, at oone kinaruk liirogon konenggo logonip o.”

Matiyut 3:17

Kage mbareegi, mbogut paga nen oone ari logonet, “Napuluk niniki kunik lombok at yi aret me, niniki ale'nggen ee'nake kagi o,” yinuk, ari kagagerak.

Ndawi 2:7

An nendagembogut nogo nen Aliku ALA wone lengganeegerak nogo yokkira o. “At nen an yo'nege logonet, Yogondak kat an naput age, Ndi, an kat kogoba age, Eekoorak o.

Wundeegwaarak 3:14

Yoge mbareegi, at Ala nen Muta yoge logonet, “An ti, AN ARET. Ndi, kat nen it Iterali mendek yorage logonet, At endage, AN ARET nen nappani wagaarak, yoraamunggun o.”

Yaya 20:28

Yoge mbareegi, Tomat nen at yoge logonet, “Ai! An nogoba Ala kat aret keegi o.”

Matiyut 4:3

Mbi abu eereegerak wonage me, at aakumi iniki nggagangge menggerak nogo nen wage nagagerik, Yetut yoge logonet, “Kat Ala aput keenok, yugum yi, mbi aruwak nduk, yoru nda!”

Nappiigak 16:1

Yoranet nege logonet, o Nderebe unggwi nage, ti'nuk, o Litera unggwi nage, eereegerak. O Litera time aap ambi Yetut oone waganeegerak endage Timotiyut wonagagerak me, at agalo ti, Yakuri mendek kwe, abet mbareegerak, ndi, ogoba ti perak, Yunani mendek aret o.

2 Korindut 1:1

Ala iniki mbareegerak paga an Pawulut Keritut Yetut nen nappiigak agago paneegerak ninawot Timotiyut nimbirak nen, kit Ala apuri o Korindut kuwak eeko monggotak inom, it Ala apuri alik leenak o Akaya menggaarak inom, kinom abok aret wone ambi yokkiraawi o.

1 Tetalonika 1:1

Noreewi o. Kit Ala apuri ninogoba Ala ninowe Yetut Keritut kinom kunik o Tetalonika kuwak eeko monggotak nogo, an Pawulut kunduk, Tiliwanut kunduk, Timotiyut kunduk, nen wone ambi yokkiraawi o. Ala iniki kunik nen wokkirage, kiniki ugun tayenak ale'nggen logobagip nduk, eeppinagage, eeke logogin o.

2 Tetalonika 1:1

Noreewi o. Kit Ala apuri ninogoba Ala ninowe Yetut Keritut kinom kunik o Tetalonika kuwak eeko monggotak nogo, an Pawulut inom, Tiliwanut inom, Timotiyut inom, nen wone ambi yokkiraawi o.

1 Timotiyut 3:16

Nit Ala wone abet mba'nuk waganggo monggoorak kote kumaarak lombok wonagagerak nogo yi o. “At aap aret kin ari wage mbareegi, Yi Ala aput, mbaruwak nduk, Aberiniki nen kin eeppereegerak. Kin eeppege mbareegi, it malayikat nen at eebe inigen kogwe, Ala wone ineenggo'lek mendek wonogome yoranet nogwe, it aap abok aret at abet mbakwi, eeko mbareegwa, Wi, ugwi iigak, wonok laganeegerak o,” yinuk, yogo menggaarak nogo mondok abet aret kogo o.

1 Peterut 5:12

Wone yokkirage ti abok aret at iniki kunik nen obeelom eeppinanege menggerak Ala nogo nen an ndak-ndak eeppanege kagak paganogo yokkirage me, “Yi abet aret eeppinanege menggerak o,” yinuk, kiniki eyak wappinagawak nduk, at li'lak mban eerit nage kage minggirak ninore Tilat nogo nen yeenggwaanege kagak, liiru yi, we nggaruk togon mbanggirage kwe, wone yi ti, mondok iya me, porogo logonip o.