2 Korindut 1:17 - Ala Wone Peenok Peebi Mbanak

¹⁷ “At koonggerak nogo ti, iniki ambime nappegak eeke logonet, ari,” nomba'nuk, yogo ogotik? “An nobaalombok mban eekkolaakit,” koombunuk, “Noorak,” mbake logonet, “Neebi,” ari, ndi, “Noorak neebi,” mbake logonet, “Noorak,” ari, eeke minggirak mbakop?

2 Korindut 1:17 ပူးပေါင်းရင်းမြစ်များ

Yeremiya 23:32

Aliku ALA nen ari logonet, “It aap, Nabi ndogop kagarak o, yinuk, pilit agan nugwi ti kunduk, neebi mbake minggirak. Wone yoraawak nduk, an nen lengganogo yorage, an nen nappiige, eerulik kwe, wone yuurak lek mendek kagak inoone ugun-ugun pilit agan nogo logonet, Nabi ndogop kagarak o, yinuk, yoranet nugwi paga it an napuri nomoniren nogo menggaarak me, it aap ti, aakumi yi, obeelom ambi eeppiyoorak lek kagak we aanom warogo agan nugu menggaarak,” yegerak o.

Tepaniya 3:4

At enggela'me it Ala nen yorage kagak yoraga nogo ti, liirogon yoraga'lek ugun-ugun yorogwe me, “Yi abet aret yo'nirogwe,” mbaka'lek wonogwe, At enggela'me it aap Ala unde nogo nen Ala ake leenogo pugu nogo, maluk eerogo pugwi, Ala wone Muta nen liiru mbaneegerak nogo, taganogo punuk, it mbakwi nogo mban mugurok nogwe, Eeko menggaarak o.

Matiyut 1:19

ogonggelo Yutup nogo, iniki abu koonak me, at nen mbake logonet, “Nakwe yi, aakumi nggwok inenggaanom paga endage maluk eerogo puurak, neebi o,” yinuk, “Kote mbo pikit,” mbareegerak.

Matiyut 5:37

Eeriyak mbakwi kenok, Eeruwok o, yogwe, ndi, eeriyak lek mbakwi kenok, Eeriyak nineebi o, yogwe, eeko logonip o. Ambi inom nabenogo yuurak eekkinake nogo ti, at maluk eeke menggerak nogo nen aret yuurak, yokkirage me, yugup o, yinuk, yokkiragi o,” yoragagerak.

Yaya 8:15

Aakumi eeko mengga kwak, kit nen, Maluk eekendak o, yinuk, yo'nugwi kwe, an nen, Kit maluk eekotak o, yinuk, ambi yokkiraga'lek aret agarik o.

2 Korindut 1:12

Nit eerit nogo logonet, liippunuk eerit nogo monggoorak kwe, kit kinenggela'me logonet perak, mondok iya lombok eeko nogogurak nogo, abeko logonet, it aakumi nggween paga mendek iniki koombunuk agan nugwi kwak agan nugwi, kinamendek kolaawok nduk, wone eegu nobat yokkirogwe, ti eeko logolik o. Ata, Ala niniki kunik nen omaawi eeppinanege kagak, mondok abet kenok mban kenom paganogo yokkirogo nogogurak nogo mban abe'nage kenok, “Op eekoorak me, ia!” yinuk, niniki ale'nggen mbako ogoorik o.

2 Korindut 11:18

It aakumi nggween paga mendek nen wogoppako logonet, yogo menggaarak me, an togon ndak-ndak, wogoppake logonet, wone ambi yokkira.

Nggalatiya 1:16

it aakumi endekem konenggulik mendek an yoranet nage logokit nduk, at aput Yetut ni'neyoorak inikilom nomba'nuk, ni'neege mbareegi, “Yi nonggop ee'naki?” yinuk, it aakumi ambi nen yo'niruwak nduk, inowagam yora nage,

1 Tetalonika 2:18

Noreewi ninom pekkiya woroorak mbakwi, ndi, an nalik ne ambit paga lek o. Ata, kulinik-kalinik pekkiya woroorak mbake, eereegurak kwe, Ibilit nen non mbanogo pinanege kenok, wonogo ogoorik o.

Yakobut 5:12

Togop me, nowe-nawot o. Ala endage we lek me ugun yuurak mage o. Mbogut endage inom, nggween endage inom, yi mendek ndi mendek endage abok aret kumbunuk, “Yokkiragi o,” yinuk, yoroorak mage o. Kit maluk yogwe paga Ala nen aaninggin kinoba pinagage kero, “E o,” mbakwi kiinok, “E o,” aret yuurak. Ndi, “Lek o,” mbakwi kiinok, “Lek aret o,” yuurak. Wone iya lombok nogo ti aret yokkiragi o.

Owak Loongga 9:4

Mbako nogogwaarik, kugi Mba'an-Mberit alut eeko menggam nen wu mbuti perak aaninggin mbere negen wakkagak eerogo Abimelek wogogo mbareegwa, wonok aap endekem mendek a'nggan wogonaka nogo awuri a'nuk inom nugu logowak nduk, wogoragagerak.