2 Korindut 1:10 - Ala Wone Peenok Peebi Mbanak

¹⁰ Ti paga nen mondok kambuurak aret wonogogurak kwe, ninagap ndareegerak me, peebi togon ninagap ndarigin aret o. Ndi, yogondak eeppinanege yi paga at nen ninagap ndarigin abet aret mbakwi me,

2 Korindut 1:10 ပူးပေါင်းရင်းမြစ်များ

Ndawi 34:19

It aakumi iniki abe koonak nogo Aaninggin-paaninggin ambik inoba aremenggerak kwe, Aliku ALA nen aaninggin nogo tayenogo piige,

Yetaya 46:3

At Ala nen ari logonet, “Kit Yakup ombowologwe yi wae. Kit Iterali paga wiganak awo wonogwe yi wae. An wone yokkirage yi, kinaruk konenggo logonip o. Kit awo nda'naga'lek kinagalomini inikime kiigak, ndegengginake, Nda'nogo mbareegup, tawe eekkinake, Eereegirak an aret me,

Ndaniyen 3:17

Kani omoonuk wunuk ari me time mambinanege keenok, nit alut eeko monggoorak ninogoba Ala nogo kat keenggime nen ninagap ndarogo wumbinani woraagin o.

Ndaniyen 6:16

Yogo mbareegwa, at aap endagembogut nogo nen, “Ndaniyen wa nanuk, mbuun ambena singa wonogwe me mbo wuppinip o,” yoragagerak wuppugwi iigak, “Kat ko'lu-kii'me alut eekak mban eeke menggendak kogoba Ala nogo nen aret kagap ndarigin o,” yinuk, at aap endagembogut nogo nen Ndaniyen yoreegerak.

Nappiigak 26:21

Togop yoranet nege nagagirak ti paga it Yakuri nen Ala awi wurik me time pippaninuk, nooruwok nduk eereegwaarak mendek,

Oroma 15:31

It aakumi Yureya mendek iniki abet mbaka'lek nogo nen an nookwi iyo, tu kuurik me naakit nduk, nake tamban eekwi, it Ala apuri alik leenak o Yerutalem wonogwe inake kuwak aago wogoren nage nogo, iniki ale'nggen paga kolaawak nduk, inake tamban eekwi,

2 Korindut 1:9

“It kambuwak o,” yinuk, Ala nen abet aret ninoba lenggenogo pinanege mbareegurak kwe, ti ninoba agagerak nogo ti, “Nit ninomaawi paga panggombunuk eerit noorak lek o. Ata, aakumi kambunuk nogo menggam nen ineenik agago mippiige menggerak Ala nogo, niniki at oba panggombunuk, eerit nugu logorak,” mbaruwok nduk, togop aret ninoba agagerak.

2 Korindut 6:9

it ando nen, “Aap yi, inendage lek mendek o,” yinuk, ninombakwi kwe, it ando nen perak, “Aap yi, inendage warak o,” yogwe, kambuurak kwe, nineenik wonogwe, ninookwi kwe, kangga'lek aret wonogwe,

1 Timotiyut 4:10

Yi aakumi ndi aakumi abok inagap ndarikit mbake menggerak kwe, nit niniki at oba panggombunuk abet mbakwi ninagap ndaka mondok itok eenik menggerak Ala nen, “Nit yorogwe niigak eeppiyaagin,” mba'nuk, niniki lunik mondok nu'lek monggoorak me, nit lin wako logonet, nabenik-nabenak mban eerit nogo monggoorak.

2 Peterut 2:9

Ala nen togop aret eeginabit wundi wagagerak me, nit at apuri at oone eerit nugwi nogo aaninggin mendek ninoba age kenok, ninagap ndake, ndi, it obeelom eekwi lek maluk eeko menggaarak nogo peebi age yobok paga inowak loonogo punuk, maluk inoba kwippiige, eeriyak nogo at eenu aret me, eerigin aret mbako logowok o.

1 Tamuwen 17:37

At Aliku ALA nen singa inom, beruang inom, ineenggabit paga nen nibinnake kero, nagap ndakerak ndak-ndak, yogondak at aap Pilitin mendek eenggime nen togop aret ndinogo nagap ndarigin o.” Yoge mbareegi, at Tawun nen Ndawut yoge logonet, “Op aret o. At Aliku ALA kimbirak aret nak o,” yinuk, yoreegerak.

1 Tamuwen 7:12

Inoorogo piinet nogo nogogwaarik, at Tamuwen nen yugum ambi waganogo o Mitapa o Yetana oolo taa'nogo mippunuk, “Aliku ALA nen yeenggwa niranet o yi kuli aret pinani wagaarak me,” yinuk, yugum mippereegim nogome endage, Eben-Kayetet aret o, yinuk, toonogo pereegerak.