2 Endagembogut 9:20 - Ala Wone Peenok Peebi Mbanak

²⁰ Yoge kagak, aap tum nggayo paga wonage nogo nen oone nggwok paga ari logonet, “Aap wone kin woorak nagaarak nogo ti, muk iya nage kagarak kwe, at togon waga'lek nonggop aga o? Ndi, nggweendo wim eeka wonok wage ti, aap iniki mbanak kwak wonok wage me, aap Nimiti ombooluk Yeku nogo aret wonok wage kwa?” yereegerak.

2 Endagembogut 9:20 ပူးပေါင်းရင်းမြစ်များ

2 Tamuwen 18:27

Yoge mbareegi, at o arum menggerak nen ari logonet, “Aap aa'nduk nggare agan wage ti, aap Tarok aput Akimaat tu mbe agan nege menggerak obaabut aret wage kagi o.” Ari mbareegi, aap endagembogut nen, “At aap obeelom aret me, wone obeelom aret wonok wage mbaki o.”

1 Endagembogut 19:17

Ti eeke keenok, aap Katayen nen awooluwak paga inooriyak eeke kenok mbaganggwi nogo, aap Yeku nen aret inooke, ndi, Yeku nen awooluwak paga inooriyak eeke kenok mbaganggwi nogo, Elita nen aret inooke, eerugun kwe,

2 Endagembogut 10:16

at yoge logonet, “At Aliku ALA ake nanggena luk togon eerit nage minggirak kenegen neyaanok nduk, nimbirak nawok o.” Yoge nagagerik, at Yeku nen Yonarap nogo anggweendo wim eeka nogo paga wonok imbirak aret wagagerak.

2 Endagembogut 9:19

Ari mbareegi, aap endagembogut nogo nen aap alik ambi kuda paga nappi wagagerak iya wage nagagerik, at yoge logonet, “Nowe endagembogut nen, It aap wogwe ti, iniki ugun wogwe ilik? yora nak o, yo'nege mbaki, yokkiri wagi o.” Yoge mbareegi, at Yeku nen, “Niniki ugun wogwe ilik, lek a? ti, kat kobaalombok lek me, niyok me ari omok o.”

2 Endagembogut 9:2

Nage logomenggendik, aap Nimiti ombooluk Yotapat aput Yeku nogo, kwaakkage logomenggendik, oreewi iigak, alik mban nggigirogon wonok o ko ogoorak akem time unggwi nanu o.

Wone Alom Kibingga 9:10

Kambunuk namenggenom time nen yabu eekwi, eeriyak koonogo pugwi, yi wone ndi wone ineenu arit nogwe, iniki warak eekkologwe, eekulik me, yi mendek ndi mendek abok aret eeriyak kage kenok, keenggi mondok omaawi paga eerit nage logot o.

Yetaya 54:16

Kani wunuk yuwak nduk puuge, Ndi paga inooriyak, mbakaatak nogo kani worappunuk koonogo pege, Eeke menggerak mbutiwak paga eeka ogobakkigirogo pereegirak nogo ti an aret o. It aap wim eeka kunduk, an nen aret ogobakkigirogo piyareegirak me,

Ndaniyen 11:44

Ti eerit nage kagak, o oonegen lagi wage menggim pa'nggwe nen, o omarip paga pa'nggwe nen, wone yi'namenggaarak abok aret aruk konengge logomenggerik, anini mondok alik negen mi'nage logonet, aakumi ineebe ambik aret inoorit wage logonet, inenggaawak lek eerogo piyaakit nduk, o time woraagin o.

Abakuk 1:6

Ti eerigin nogo ti, inogogumbuk worokot nogo nen it inanggween lek kwe, Unde eeppatinuk logowak nduk, o nggween yi abok aret it mban tebeni nogwe aakumi Mbaben mendek aret mippiyaagin o.

Abakuk 3:12

Kanini mbakak o nggween paga yime wanggerit nege, Kanini kani kunik negen eeke logonet, yi aakumi ndi aakumi aan lebenogo piinet nage,