2 Endagembogut 9:12 - Ala Wone Peenok Peebi Mbanak

¹² Yorage mbareegi, it nen at yogo logonet, “Kabilit yugun ubi! Abet aret yo'niret o!” Yogo mbareegwa, at Yeku nen it yorage, “At Aliku ALA nen, Aap Yeku Iterali inowe endagembogut logowak nduk, mippigirak me, amburu kilippunu o, yo'nege mbaki, amburu eerogo kilippagagi o, yinuk, an yo'negerak o.”

2 Endagembogut 9:12 ပူးပေါင်းရင်းမြစ်များ

1 Endagembogut 19:16

ndi, aap Nimiti aput Yeku it aakumi Iterali inowe endagembogut logowak nduk mippege, ndi, aap awi Aben-Mekola mendek Tapat aput Elita ti, kat kobaane'me an nen yoge neegak yoraga logowak nduk mippege, ee'nu o.

2 Endagembogut 9:11

Mbagangge kagak at Yeku nogo oreewi wonogwe me iya wungge mbareegi, at oreewi ambi nen at yogo logonet, “Wone ambi wonage ilik, lek a? Aap iniki mbanak nogo ti, nonggop nduk keya wagaarak?” Yoge mbareegi, at Yeku nen, “Aap ti, eebe inom, ari menggerak inom, abu kineenu aret o.”

2 Endagembogut 9:13

Yorage mbareegi, at Yeku oreewi nogo mbet-mbet inayum nggoorogo tu unggwogo menggam at Yeku iyok me taati mbiganogo punuk, oone nggwok eeka trompet nogo oone pu eeko logonet, “Yeku nogo Iterali inowe endagembogut aga o,” yinuk, keekok yereegwaarak.

1 Tamuwen 10:1

Yoge mbareegi, ayeloman nogo nappereegerak nage kagak, aap Tamuwen nogo nen eyo tayitun amburu yiiwa'na toolak nogo wagangge nagagerik, Tawun anobak paga kilippunuk keyage wake, agandin eyak mbangge, eeke nagagerik, wone yoge logonet, “Ala apuri iniki kundugu Iterali nogo inarum logonet, inawone mbangge logonok nduk at Aliku ALA nen kat aret leenogo mippagagerak keenu a'nok nduk, amburu kilippagagi o.