2 Endagembogut 9:11 - Ala Wone Peenok Peebi Mbanak

¹¹ Mbagangge kagak at Yeku nogo oreewi wonogwe me iya wungge mbareegi, at oreewi ambi nen at yogo logonet, “Wone ambi wonage ilik, lek a? Aap iniki mbanak nogo ti, nonggop nduk keya wagaarak?” Yoge mbareegi, at Yeku nen, “Aap ti, eebe inom, ari menggerak inom, abu kineenu aret o.”

2 Endagembogut 9:11 ပူးပေါင်းရင်းမြစ်များ

2 Endagembogut 4:26

At inom, ogonggelo inom, aagaluk inom, ineebe obeelom aret wonogwe ilik, lek a? mbe agan yori nak o.” Yoreegerak mbe agan yori wage mbareegi, kwe nogo nen, “Nineebe abok obeelom aret wonogwe o.”

2 Endagembogut 5:21

Mbe agan mugurok nage nogo, at Naman enegen nakka wage nagagerik, “Wone ngge ari kaamun?” yinuk, nggweendo paga nen wambi wage nagagerik, yoge logonet, “Wulaga! Wone ambi wonage ilik?”

2 Endagembogut 9:12

Yorage mbareegi, it nen at yogo logonet, “Kabilit yugun ubi! Abet aret yo'niret o!” Yogo mbareegwa, at Yeku nen it yorage, “At Aliku ALA nen, Aap Yeku Iterali inowe endagembogut logowak nduk, mippigirak me, amburu kilippunu o, yo'nege mbaki, amburu eerogo kilippagagi o, yinuk, an yo'negerak o.”

2 Endagembogut 9:17

Nage nagagerik, o Yiteren panggo yi nage me, aap o Yiteren nggayo paga wonage nogo nen Yeku awuri inom nggwok aago wogwe enegen iige nagagerik, oone nggwok paga, “Aap wim eeka ineebe nggwok aago wogwe iigi o.” Ari mbareegi, at Yoram nen, “Iniki ugun wogwe ilik, wone ambi inikime wogwe a? it pegiya nage logomenggerik, yoraawak nduk, aap kuda wonok nega ambi kenok nappu o.”

2 Endagembogut 9:19

Ari mbareegi, aap endagembogut nogo nen aap alik ambi kuda paga nappi wagagerak iya wage nagagerik, at yoge logonet, “Nowe endagembogut nen, It aap wogwe ti, iniki ugun wogwe ilik? yora nak o, yo'nege mbaki, yokkiri wagi o.” Yoge mbareegi, at Yeku nen, “Niniki ugun wogwe ilik, lek a? ti, kat kobaalombok lek me, niyok me ari omok o.”

2 Endagembogut 9:2

Nage logomenggendik, aap Nimiti ombooluk Yotapat aput Yeku nogo, kwaakkage logomenggendik, oreewi iigak, alik mban nggigirogon wonok o ko ogoorak akem time unggwi nanu o.

2 Endagembogut 9:22

Lambunggo nogogwaarik, aap Yoram nen aap Yeku nogo yoge, “Nore Yeku wae. Kiniki ugun wagan ilik, wone ambi kinikime wagan a?” Yoge mbareegi, at Yeku nen Yoram nogo yoge logonet, “Kat kagalo Iteben nen kwe ambi ogonggelo mbo punuk, mbabilu eeke menggi kwak, Ala alut eekwi obaane'me kugi eerit nage, magagirak paga inoorit nage, eerit nage nagagerak paga wigak yereegerak it aakumi eerit nogwe iinok, niniki ugun nonggoti logorak?”

Yetaya 59:15

Wone abet mban agan nogo logorak wone nogo lek aret agaarak me, Nit aap maluk eeriyak nineebi mbakwi nogo maluk eerogo pinanugo agaarik o. Eekaatak a'me nggelok eeppiinet naga'lek ugun-ugun eerit nogwe at Aliku ALA nen enegen iige nagagerik, eebi mbareegerak.

Yeremiya 29:26

Tepaniya wae. At Aliku ALA nen at eebe unde logonet awi wurik arum logonok nduk aap Ala unde Yoyara obaane'me kat aret mippagagerak o. Ndi, it aap Ala yorage kagak yoraga ti, kumili negen yogwe me, it aap ti mendek inoone agan nogwe iinok, ineenggi-iniyok keele maarogo piige, inenggaanok mbutigeele paga yilunogo piige, eeriyak aret me,

Oteya 9:7

Aaninggin kinoba kwippinagarak eyom muk panggoni wage, Maluk eekwi onggo ndak-ndak eeppinagarak ne muk panggo yi wage, Eeke me, Kit Iterali kineenu eeppinagagi o. Kit maluk nggwok lombok eerit nugwi, At kineebi lombok ombakwi, Eekwi me, At nen yorage kagak yokkiraga nogo ti, “Wi nen aret ari,” mbakwi, Ndi, it aap iniki warak nen yokkiraga ti, “Iniki mbanak nen aret ari,” yogwe, Eeko ogotik.

Marakut 3:21

“Aakumi ambik me, mbi noorak meek o,” yogwe at owe-awot inaruk konembogo nogogwaarik, “Aap yi kumili-kumili negen agan nege yi, piga nawok o,” yinuk, piga nawok nduk eereegwaarak.

Yaya 10:20

Eekkologo logonet, it ando nen, “At kugi inikime lik ari nagaarik, kumili kunggerak kagak, nonggop nduk at oone konenggo ogotik?”

Nappiigak 17:18

Eeke me, it aap yi wone ndi wone alom kibingga mendek Epikurot wone ari inom, Towa wone ari inom, agan nogo nogogwaarak nogo nen, Pawulut inom wone onggo-onggo yogo logonet, “Wone yogwe iigetak kambok agan nege menggerak yi, nonggop mba'nuk agan nege mbakop?” yogwe, ndi, at Pawulut nen wone obeelom wone Yetut eeke nagagerak wone inom, at eenik a'nuk mi'nagagerak wone inom, yorage kenok, it ando nen, “Lek o. Aakumi alik inagugi awone wonok wage nagaarik, ari kogo o,” yinuk, yogwe, eekwi me, yogo nogogwaarak.

Nappiigak 26:24

Pawulut nen wone ti awo yorage kagak, at Petut nogo oone nggwok paga ari logonet, “Pawulut wae. Kat kumili aret keegi o. Yi wone ndi wone mamunggo'net nege paga kumili negen aret agan nege keegi o.”

1 Korindut 4:10

Kit ti, Keritut kinom kunik me, kiniki warak wonogwe kiigak kwe, nit perak, Keritut wone yoranet nugwi paga wi negen aret ninombako agaarik o. Kit kinomaawi ambik kwe, nit perak, ninomaawi lek lebenak aret o. Kit tiyanak aret wonogwe kwe, nit perak, meek ninombako agaarik o.

2 Korindut 5:13

Nit yorogwe paga, “Kumili o,” yo'nirogwe iigak kwe, Ala tiyappuurak nduk, agan nugwi niigak, yo'nirogwe me, op aret o. Ndi, “Aap iniki warak logonet, yo'nirogwe o,” yinuk, yogwe iinok ti, kit ambi eeppinagawok nduk, yokkirogwe me, op mban o.