2 Endagembogut 9:1 - Ala Wone Peenok Peebi Mbanak

¹ Ti'nuk, ne ti eyom paga at Ala nen yoge kagak yoraga Elita nen it aap Ala nen yorage kagak yoraga aago inenggela'me ambi wiige nagagerik, wage mbareegi, yoge logonet, “Kayum kaa'ndok keele perembatinuk, tayitun amburu toolak yi, wonok o Aramot-Nggileyat time nak o.

2 Endagembogut 9:1 ပူးပေါင်းရင်းမြစ်များ

1 Endagembogut 1:39

Nogo nogogwaarik, aap Ala unde Tarok nen aakumi amburu eerogo mippiiga toolak Ala awooliya wurik me nen wonok nagagerak nogo, at Talomo anobak paga kilippunuk, oone nggwok eeka trompet nogo oone pu eeko logonet, “Aap Talomo ninowe endagembogut mippogo o,” yinuk, keekok yogo nogogwaarik,

1 Endagembogut 18:46

aap Eliya nogo Aliku ALA omaawi oba age mbareegi, agabee'le nggerenggolage nagagerik, nggare agan aap Akap peebi eeppegak aa'nduk o Yiteren aret ari wagagerak.

1 Endagembogut 19:16

ndi, aap Nimiti aput Yeku it aakumi Iterali inowe endagembogut logowak nduk mippege, ndi, aap awi Aben-Mekola mendek Tapat aput Elita ti, kat kobaane'me an nen yoge neegak yoraga logowak nduk mippege, ee'nu o.

1 Endagembogut 20:35

Aap Ala nen yorage kagak yoraga inenggela'me nen ore ambi yoge logonet, “At Aliku ALA nen, Kooruwak o, yinuk, yo'negerak me, Nooru o,” yoreegerak kwe, warulik teppereegerak.

1 Endagembogut 22:20

Iige me, at Aliku ALA nen ari logonet, Aap Akap o Aramot-Nggileyat time inawi paga kwi'nari unggwage kenok, eebe waruwak nduk, ta nen nduk-nduk irit nagin o? Ari mbaki, ambi nen, Yogop eeriyak ari, alik ambi nen, Ndogop eeriyak ari,

1 Endagembogut 22:4

Nage mbareegi, Akap nen Yotapat nogo yoge logonet, “Kat nimbirak o Aramot-Nggileyat time wim namburi noorak op aret ilik?” Yoge mbareegi at Yotapat nogo nen Iterali inowe endagembogut onggo yoge, “An nawuri inom, kat kawuri inom, an naguda inom, kat kaguda inom, ndak-ndak aret wonogwe me, kat an nimbirak lambumbunuk, wim eeri noorak op aret o.”

2 Endagembogut 2:15

Wunda wage mbareegi, it Ala nen yorage kagak yoraga aago o Yeriko mendek nda nen nagiyareegwaarak nogo nen yogo logonet, “Eliya amunggat oba wonagaarak nogo, muk Elita oba agaarak kogo o.” Yinuk, owagam nogo nogogwaarik, abu'me inete wanduk yinuk, Elita yogo logonet,

2 Endagembogut 2:3

Nogwe me, aap Ala nen yorage kagak yoraga ineebe aago o Mbeten nen Elita ka wundi wogo nogogwaarik, yogo logonet, “At Aliku ALA nen o yogondak aret kat teppaganuk, kogoba Eliya wonok lagagin nogo keenu ilik?” Yogo mbareegwa, at Elita nen, “E o. Neenu aret me, wone ti, yugup o,” yoragagerak.

2 Endagembogut 2:5

Nogwe me, it aap Ala nen yorage kagak yoraga ineebe aago o Yeriko time nen Elita ka wundi wogo nogogwaarik, yogo logonet, “At Aliku ALA nen o yogondak aret kat teppaganuk, kogoba Eliya wonok lagagin nogo keenu ilik?” Yogo mbareegwa, at Elita nen, “E o! Neenu aret me, wone ti, yugup o,” yoragagerak.

2 Endagembogut 2:7

Nogo mbareegwa, it Ala nen yorage kagak yoraga ineebe aago nogo mendek 50 inambokan muguren nogo nogogwaarik, tayorogon taati mi'ndak logonet, Eliya Elita imbirak yi Yoraran aa'nggi paga ari nanuk wonogwe inigen nagiyareegwaarak.

2 Endagembogut 4:1

It aap Ala nen yorage kagak yoraga inakuwi kwe ambi nen at Elita owagam nage nagagerik, oone nggwok paga yoge logonet, “An kayeloman nogonggelo muk kambeegerak nogo ti, Aliku ALA agabiti mbake nagagerak keenu aret kwe, at nogonggelo anomat mbanak nogo nen woraanuk, naagalogwe mbere wogoren ayeloman eeppiya noorak ari o.”

2 Endagembogut 4:29

Yoge mbareegi, at Elita nen Nggekati yoge, “Kat kaa'ndok keele yikkolage logomenggendik, nowaanggun keenggime wonok mbet-mbet nak o. Ndi, nage logonet, aap ambi kimbirak abuk age kenok keyage wappege, aap ambi nen, Nore wa, yokkege kenok, kat nen onggo yoge, eeka'lek nok aret nage logomenggendik, an nowaanggun yi, elege enete paga lumbi nanu o.”

2 Endagembogut 9:4

Yoge mbareegi, aap tawe Ala nen yoge kagak yoraga nogo o Aramot-Nggileyat aret nagagerak.

2 Mbinineegwaarak 22:1

Aap aakumi a'nggan wogonaka it aap Arap mendek inom nen aap Yekoram apuri inom inawooliya wuppunuk wonogwe me nogome unggwi wogo nogogwaarik, at apuri abok aret inooko logonet, enabooluk ndarak Akatiya nogo mban teppereegwaarak me, it aakumi Yerutalem mendek nen aap Yekoram aput Akatiya nogo aret ogoba obaane'me logowak nduk, inowe endagembogut mippereegwaarak. It Yekura mendek inowe endagembogut Yekoram aput Akatiya it Yekura mendek inowe endagembogut agagerak ti aret.

2 Mbinineegwaarak 22:5

It ti nen yoreegwaarak paga at Akatiya nogo, Akap aput it Iterali inowe endagembogut Yoram imbirak nen aap Aram inowe endagembogut Katayen inom wim eeruwok nduk, o Aramot-Nggileyat nogo nogogwaarik, inom wim eeko logonet, it Aram mendek nen Yoram nogo maale wareegwaarak.

Yeremiya 1:17

Togop aret eerigin me, pipuk eeppunuk logot o. Ndogop yoret o, yinuk, yokkege neegak yorage logomunggun me, ineebe paga kagabiti mbaka'lek kogogumbuk logot o. Kagabiti mbake keenok, it inenggaanom kagabiti mbariyak nduk, eeppagage neyo, kagabiti mbariyak mage o.

Matiyut 26:7

kwe ambi iri'ngga narwastu amburu onggo abu nggwok pogo menggaarak mendek nogo, yiiwak yugum mendaarak paga toolak wonok Yetut owagam wage nagagerik, at Yetut mbi nengge kagak, anobak paga kilippereegerak.

Pelaareegerak 4:1

Muta nen aakumi Iterali yorage logonet, “Kit nowe-nawot Iterali mendek yi wae. At Aliku kinombomini inogoba Ala nen nggween wokkirage nogome unggwi nogo logomonggotik, unde eeppatinuk logonet, kineenik logomunggup nduk, wone lengganak inom, eeko logorak wone inom, an mamunggirage yi, kinaruk liirogon konembunuk, eerit nogo logomunggup o.

Pelaareegerak 4:3

It aakumi nen puut Peyot paga kugi Mba'an mugurok nogo mbareegwa, at Aliku kinogoba Ala nen kit kinenggela'me nen lek eerogo piige kinigen abe nen kogogutak nogo o.

1 Peterut 1:13

Togop me, nowe-nawot o. “Peebi at Yetut Keritut wage eyom paga Ala iniki kunik en obeelom eeppinani woraagin o,” yinuk, wone ti paga kiniki mondok lunik logonet, li'luk agago punuk, kinagaket paga logonip o.

1 Tamuwen 10:1

Yoge mbareegi, ayeloman nogo nappereegerak nage kagak, aap Tamuwen nogo nen eyo tayitun amburu yiiwa'na toolak nogo wagangge nagagerik, Tawun anobak paga kilippunuk keyage wake, agandin eyak mbangge, eeke nagagerik, wone yoge logonet, “Ala apuri iniki kundugu Iterali nogo inarum logonet, inawone mbangge logonok nduk at Aliku ALA nen kat aret leenogo mippagagerak keenu a'nok nduk, amburu kilippagagi o.

1 Tamuwen 16:1

Ti'nuk, at Aliku ALA nen Tamuwen yoge, “At Tawun nogo ti, it aakumi Iterali inowe endagembogut logorak an mbo pigirak neegak, at paga kat kiniki wakkolage keegak, ne mande logomunggun o? Yogondak eyo tayitun amburu togolowa'na toologo wonok, o Mbe'lekem aap endage Itayi wonage me nage logomenggendik, at apuri ambit-ambi Iterali inowe endagembogut logowak nduk, an muk leenogo pigirak me, amburu oba kilippi nak o.”