2 Endagembogut 8:4 - Ala Wone Peenok Peebi Mbanak

⁴ Ka nagagerak eyom paga at aap endagembogut nogo nen aap Ala wone liirogon eeka ayeloman Nggekati nogo yoge logonet, “At Elita iya tit eerit nege menggerak nogo abok aret mbininogo yo'niru o.”

2 Endagembogut 8:4 ပူးပေါင်းရင်းမြစ်များ

2 Endagembogut 2:14

Eliya ayum nggorok togon wambeegerak nogo paga niyo warikit nduk, oone nggwok paga ari logonet, “At Aliku Eliya ogoba Ala nogo ngga agandik?” Ari nagagerik, yum nogo paga niyo wareegerak mogonogo agi-ogu eeke mbareegi, Elita nogo wunda wagagerak.

2 Endagembogut 2:24

Yogwe iigak, at Elita nogo ena logurogon pegiige logonet, at Aliku ALA endage paga pulunogo piige mbareegi, wam nggwiya negen beruang ineebe mbere eyonggaame nen nggigik togon wundi wogo logonet, wologwe-aabologwe ineebe 42 ineyak nibik-nobak eerogo piinet nogogwaarak.

2 Endagembogut 4:12

Lagangge nagagerik, ayeloman Nggekati nogo yoge, “Kwe Tunem mendek ti, Omok, yoru o.” Yoge mbareegi, yoreegerak wage nagagerik, at Nggekati owagam tayorogon taati mi'ndak wonage kagak,

2 Endagembogut 4:25

Yoge mbareegi, kwe nogo mbet-mbet aret wonok aap Ala wone liirogon eeka puut Karemen paga wonage me pi nage mbareegi, aap Ala wone liirogon eeka nogo enegen nakka wage nagagerik, ayeloman Nggekati yoge, “Kwe awi Tunem mendek wage ti, kenegen ket o.

2 Endagembogut 5:14

Yogo mbareegwa, Naman nogo niyo Yoraran inikime unggwi nage nagagerik, Ala wone liirogon eeka nen wone yoreegerak nogo ndak-ndak, ne 7 kuli kuruk yagak mban eeke mbareegi, awin nogo lek aret age logonet, agabolo obaane'me obeelom wologwe inagabolo negen aret agagerak.

2 Endagembogut 6:32

Ari nagagerik, aap ambi Elita wonage me aa'nduk nage logowak nduk nappereegerak awo nage kagak, at Elita nogo aap inoweewi inom at ame kwi'ndak wonage logonet, it yorage, “Aap inooka nogo nen an nenggaanok mbanikit nduk nappi wagaarak kineenu ilik, lek a? Aap nappi wagaarak yime wage kenok, name unggwi worookwak, kit tu nappunuk, kineenggi panggombunuk logonu o. At ogoba iyok oone agan ambokan wage ninaruk konenugun nogo lek a?”

2 Endagembogut 6:6

Yoge mbareegi, aap Ala wone liirogon eeka nen aap nogo yoge, “Ye ti, ngga wangge kagandak o?” Yoge mbareegi, at nen, “Ya'i wangge kagarak o,” yinuk, eenggi titik eeke mbareegi, at Elita nen eyo mbuuluk ambi mbanogo ye wambeegim taati mbo wuppege mbareegi, ye nogo niyo ogombaga wonok lagi wage mbareegi,

2 Endagembogut 7:1

Ti yoge mbareegi, at Elita nen onggo yoge, “Aliku ALA nen wone ari yi, karuk liirogon konenu o! At Aliku ALA nen, O Tamariya tu unggwogo menggam time ne yogondak yi ndak-ndak ko'lu wu we mbuuluk mbuti perak ambit paga gandum anggen yigirik togolowak 8 wakkagak kunggwi, ndi, wu mbuuluk mbuti perak we ambit paga waabuk negen jelai anggen mbanak togolowak 15 wakkagak kunggwi, eekwi iyaamunggun, yegerak o.”

2 Endagembogut 7:10

Yogo nogogwaarik, iniyokan o Tamariya woraanuk inoone nggwok paga it aap o kota tu unggwogo menggam arum menggaarak nogo yorogwe, “Nit nogo aakumi Aram mendek inawooliya wuppunuk wonogwe me unggwi nogo nogoorik, inawooliya enaani wonage kagak, aakumi ineebe inom, inoone inom, abu lek we kuda inom, keledai inom, ti mban mbarenak wonogwe iigoorak o.”

2 Endagembogut 7:3

Ne ti eyom paga it aap ineebe 4 inagabolo paga inawin aaga'ne kunik o Tamariya tu unggwogo menggam endekem wonogogwaarak. Wonogo logonet, at ambi nen at ambi yogak eeko logonet, “Nit kambuurak aret kagak nonggop nduk yime mban ogoorik?

2 Endagembogut 8:3

Tahun 7 abu aret eeppunuk, kwe nogo, o it Pilitin wonogwe me nen ame iyokan wage nagagerik, awi inom, anggween inom, wogoruwak nduk, aap endagembogut wonage me ka nagagerak.

Matiyut 2:8

o Mbe'lekem nappiige logonet, “Kit elege nogo kinigen pippak kwaari nanip o. Ndi, eebe kwaakkogo logomonggotik kenok, an kunduk, ayuk wurogo alut eeri woraakit nduk, yo'niri wa'nu o,” yoragagerak.

Lukat 23:8

Nappereegerak nage mbareegi, aap Keroret nogo nen Yetut eeke aruk konengge nagaatik, “Ineenu ariyak inagabiti warak mendek ambi eeke kaakit lak ao,” mbake nagagerak me, Yetut enegen kage nagagerik, iniki ale'nggen mbareegerak.

Lukat 9:9

Iniki piirik logonet, “An lombok nen Yaya enggaanok mbaneegirak kwe, eerit nage konenggirak yi, ta nen eerit nege agaarik o?” yinuk, Yetut pekkaakit nduk, eeke nagagerak.

Yaya 9:27

Yogo mbareegwa, at nen, “Muk yokkiragarak kwe, koneniyak kineebi mbako logonet, Ambinom yo'niret o, mban yo'nugwi ti, nonggop nduk, yo'nogo ogotik. Kit kunduk, at oone waganggwi mendek aruwok nduk yogo ogotik ya?”

Nappiigak 24:24

Nogo mande negen yippunuk wonageme at Pelikit akweeluk Ndurutila kwe Yakuri mendek nogo imbirak wogogwaarak. Wogo nogogwaarik, Pawulut woraawak nduk ayonggo pege mbareegi, wage nagagerik, Keritut Yetut abet mbakwi wone ari inaruk koneneegwaarak.