2 Endagembogut 8:3 - Ala Wone Peenok Peebi Mbanak

³ Tahun 7 abu aret eeppunuk, kwe nogo, o it Pilitin wonogwe me nen ame iyokan wage nagagerik, awi inom, anggween inom, wogoruwak nduk, aap endagembogut wonage me ka nagagerak.

2 Endagembogut 8:3 ပူးပေါင်းရင်းမြစ်များ

2 Tamuwen 14:4

Li'luk eerogo yoge mbareegi, kwe o Tekowa mendek nogo aap endagembogut owagam nage nagagerik, etenggen nggween paga wanduk yinuk, ayuk wuppunuk yoge logonet, “Nogoba o. Kat kendagembogut aret me, an yeenggwa nirenok nduk wagi o.”

2 Endagembogut 4:13

at Elita nen Nggekati nogo yoge, “Yogop yoru o. At nit ninake eeke kagak abu ta'liila aret eerogo pakerak ti, nit nano eeppuurak o? Aap endagembogut nen ilik, aap ineegin warak inowe nen a, ambi eeppuurak mbakaarak kenok, at ake yori naakit nduk, yoru o.” Yoreegerak nogo yoge mbareegi, kwe nogo nen onggo aap Nggekati yoge logonet, “An ti, nowe-nawot ninom inenggela'me op aret minggirak o.”

2 Endagembogut 6:26

Ne ambi paga aap Iterali inowe endagembogut nogo, o kota yugum pak wurik irimbaga lagangge nagagerik, nege me, kwe ambi nen keek kunik ari logonet, “Nogoba kendagembogut wae. Yeenggwa niru o.”

2 Endagembogut 8:2

Yoge mbareegi, at Ala wone liirogon eeka nen wone yoreegerak nogo konembunuk, at ogoni-aagi inom o it aap Pilitin wonogo menggam nogo nogogwaarik, time wonogwe iigak, tahun 7 aret eereegerak.

2 Endagembogut 8:4

Ka nagagerak eyom paga at aap endagembogut nogo nen aap Ala wone liirogon eeka ayeloman Nggekati nogo yoge logonet, “At Elita iya tit eerit nege menggerak nogo abok aret mbininogo yo'niru o.”

2 Endagembogut 8:6

Yoge mbareegi, aap endagembogut nogo nen kwe nogo eegwa'me wagangge mbareegi, kwe nogo nen aagaluk eereegerak nogo mbininogo yoreegerak. Yoge mbareegi, aap endagembogut nen at inom eeko menggaarak ambi nen kwe nogo ake koongge logowak nduk, yoge, “Kwe yi, amendek abok wogoge logonet, anggween mbo punuk nagagerak kuli nen, o yogondak kuli, anggen mbanak wu kunik abok aret inom iyokan wogoru o,” yinuk, yoreegerak.

Yeremiya 22:16

It aap ineenggi lek inom, it ambi eekkoloorak meek tebenak mendek inom, Inawone amburu liirogon mbanogo inowak looninake nagagerak ti paga endage obeelom wonagagerak o. It aap an Naliku ALA liippanugwi iinok, togop aret eeko menggaarak nogo lek a?

Urut 1:7

Pipuk eeko nogogwaarik, iname time mbo punuk, o Yekura woraawok nduk, kwe Nawomi eenggelomini inom tu paga ari wogo nogogwaarik,