2 Endagembogut 8:28 - Ala Wone Peenok Peebi Mbanak

²⁸ At Akatiya nogo Akap aput Yoram imbirak nen aap Aram inowe endagembogut Katayen nogo, inom wim eeruwak nduk, o Aramot-Nggileyat nogo nogogwaarik, inom wim eeko logonet, it Aram mendek nen Yoram nogo maale wareegwaarak.

2 Endagembogut 8:28 ပူးပေါင်းရင်းမြစ်များ

1 Endagembogut 19:17

Ti eeke keenok, aap Katayen nen awooluwak paga inooriyak eeke kenok mbaganggwi nogo, aap Yeku nen aret inooke, ndi, Yeku nen awooluwak paga inooriyak eeke kenok mbaganggwi nogo, Elita nen aret inooke, eerugun kwe,

1 Endagembogut 22:29

Abu aret yogo nogogwaarik, aap Iterali inowe endagembogut Akap inom, it Yekura inowe endagembogut Yotapat inom, o Aramot-Nggileyat nogome nogogwaarak.

1 Endagembogut 4:13

Aap Mben-Nggebet nen o kota Aramot-Nggileyat inom, aap Manate aput Yayit mendek yi awi ndi awi o Nggileyat wonogo menggam inom, o nggwok Mbatan o mbuuluk Aregop kota 60 mondok nggwok yugum yagat wurik, pak ambe mbuti tembaga paga mban mbanak wonagagerak nogome inom, wone lengganogo yorage,

2 Endagembogut 3:7

Inayonggo piinok, aap Yekura mendek inowe endagembogut Yotapat wonage me wone eerogo nappege logonet, “Aap Mowap mendek inowe endagembogut nogo nen, Iterali mendek wone lengganogo yo'nirage logorak neebi o, yinuk, yegerak me, Mowap mendek ninom wim eeruwok nduk, kat ninom ari woroorak op ilik?” Yoge mbareegi, at Yotapat nen, “An nawuri inom, kat kawuri inom, an naguda inom, kat kaguda inom, ndak-ndak aret wonogwe me, kat an nimbirak lambumbunuk wim eeri noorak op aret o.”

2 Endagembogut 8:15

Ti yoreegerak kwe, ko'lu at Katayen nogo nen yum ku'mbin ambi wagangge nagagerik, niyoome tamombunuk, mbiganogo at Mben-Karat etenggen me lenggenggagagerak kangge mbareegi, obaane'me at Katayen aret aap Aram inowe endagembogut aret mi'nagagerak.

2 Endagembogut 8:29

Wako mbareegwa, aap endagembogut Yoram nogo aap Aram mendek inowe endagembogut Katayen o Aramot inom wim eekwi me, it Aram mendek nen maale yinik-kunik eerogo pereegwaarak nogo, awin lek aruwak nduk, iyokan o Yiteren nage nagagerik, time wonagagerak. Ndi, aap Yekura inowe endagembogut Yekoram aput Akatiya nogo, aap Akap aput Yoram maale wareegwaarak Yiteren wonage me, pekka nagagerak.

2 Endagembogut 9:1

Ti'nuk, ne ti eyom paga at Ala nen yoge kagak yoraga Elita nen it aap Ala nen yorage kagak yoraga aago inenggela'me ambi wiige nagagerik, wage mbareegi, yoge logonet, “Kayum kaa'ndok keele perembatinuk, tayitun amburu toolak yi, wonok o Aramot-Nggileyat time nak o.

2 Endagembogut 9:14

At Yoram inom, Iterali abok aret inom, o Aramot-Nggileyat nogome tum wakwi wonogwe me, aap Aram inowe endagembogut Katayen nogo inom wim nambuko logonet, awuri Aram mendek nen aap endagembogut Yoram nogo maale wareegwaarak awin lek aruwak nduk, o Yiteren nagagerak nogo awo wonage me, at Nimiti ombooluk Yotapat aput Yeku nogo nen Yoram imbirak wim eerikit nduk, awuri inom wone mbaneegerak. Inom wone mbanggo logonet, aap Yeku nen, “An eeriyak yo'negaarak nogo, Op aret, mbakotak kenok, kit ambi o kota yime nen kumaak-kumaak wundi nanuk, wone yogoorak yi, o Yiteren yora noorak mage o.”

2 Endagembogut 9:16

Yorage nagagerik, aap Yoram andi kenok, o Yiteren windak wonage mbareegi, aap Yekura inowe endagembogut Akatiya pekka nagagerak imbirak wonage me, aap Yeku nogo anggweendo paga laganuk, o Yiteren nagagerak.

2 Mbinineegwaarak 18:31

Yorage mbareegi, it aap nggweendo paga wim eeka inoweewi nogo nen wim namburit nogo logonet, aap Yotapat nogo inigen kogo nogogwaarik, “Aap ti, Iterali inowe endagembogut aret o.” Yogo nogogwaarik, at wariyak nduk, eereegwaarak mendek, at Yotapat oone nggwok ari mbareegi, Aliku ALA nen yeenggwaarikit nduk, mugurok noorak lek teppuurak eeppiige mbareegi,

2 Mbinineegwaarak 19:2

aap abinggaanggo kaga Kanani aput Yeku nogo nen at Yotapat nogo ka wundi nage nagagerik, at yoge logonet, “It aap maluk lombok eekwi nogo yeenggwaarage, ndi, it Aliku ALA ineebi mbakwi nogo kiniki kunik aganake, eeke menggendak ti, op aret mbaken? Ti eekendak paga Aliku ALA anini koba aret wonage o.

2 Mbinineegwaarak 22:5

It ti nen yoreegwaarak paga at Akatiya nogo, Akap aput it Iterali inowe endagembogut Yoram imbirak nen aap Aram inowe endagembogut Katayen inom wim eeruwok nduk, o Aramot-Nggileyat nogo nogogwaarik, inom wim eeko logonet, it Aram mendek nen Yoram nogo maale wareegwaarak.

Yotuwa 20:8

Ndi, o Yeriko wunggandigin oonegen wundi wage menggim pa'nggwe niyo Yoraran enebagan anebunu Uruben mendek inanggween karume kobappaga o endage Mbetet leenogo pugwi, anebunu Nggat mendek inanggween mbanak Nggileyat nogo paga o endage Aramot aret leenogo pugwi, anebunu Manate inanggween mbanak Mbatan nogo paga o endage Nggolan aret leenogo pugwi, eerogo pereegwaarak.

Yotuwa 21:38

Anebunu Nggat mendek inanggween mbanak paga aap wappunuk, wakwi iyo, agap ndakko'nok unggwage logowam o Nggileyat kota Aramot inom, kota Makanayim inom,