2 Endagembogut 8:24 - Ala Wone Peenok Peebi Mbanak

²⁴ Ndi, at Yekoram nogo ombomini kambunuk nogogwam inom yonggonggola nage mbareegi, eebe ombomini kambeegwaarak at Ndawut Agota piya unggwogogwam nogome aret pi unggwogo mbareegwa, obaane'me at aput Akariya inowe endagembogut agagerak.

2 Endagembogut 8:24 ပူးပေါင်းရင်းမြစ်များ

1 Endagembogut 11:43

Eeke nagagerik, ombomini kambunuk nogogwam inom yonggonggola nage mbareegi, ogoba Ndawut agota kanggwi piya unggwogo menggam nogome eebe pi unggwogogwaarak. Pi unggwogo mbareegwa, obaane'me at aput Erekabeyam inowe endagembogut aret agagerak.

1 Endagembogut 14:20

At Yerobeyam nogo Iterali inowe endagembogut logonet, wone lengganogo yorage kagak, tahun 22 eeke nagagerik, ombomini kambunuk nogogwam inom yonggonggola nage mbareegi, obaane'me aput Narap inowe endagembogut aret agagerak.

1 Endagembogut 14:31

Ti eeko nogogwaarik, at Erekabeyam nogo ombomini kambunuk nogogwam inom yonggonggola nage mbareegi, ombomini kambeegwaarak Ndawut agota piya unggwogogwam nogome inom pi unggwogogwaarak. At agalo ti, kwe Amon mendek endage Naama aret. Ndi, at Erekabeyam obaane'me aput Abiyam nogo inowe endagembogut agagerak.

1 Endagembogut 2:10

At Ndawut nogo aap endagembogut age nagagerik, Iterali wone lengganogo yorage kagak, tahun 40 eereegerak. O Keboron wone lengganogo yorage kagak, tahun 7 eeke, ndi, o Yerutalem wone lengganogo yorage kagak, tahun 33 eeke, eereegerak. Eeppunuk, kangge nagagerik, ombomini kambunuk nogogwam inom yonggonggola nage mbareegi, at Agota kanggwi piya unggwogo menggam nogome eebe pi unggwogogwaarak.

2 Endagembogut 10:13

aap Yekura inowe endagembogut Akatiya owe-awot inom lambumbunuk, iniki kwaake logonet, “Kit taani o?” Yorage mbareegi, “Nit yi, at Akatiya owe-awot aret me, aap endagembogut apuri-ombowologwe inom, aap endagembogut owanggelo-aagalogwe inom, keyage wappiya nogo ogoorik o.”

2 Endagembogut 14:20

Wako mbareegwa, at eebe warak nogo kuda paga nippunuk, wonok iniyokan wogo nogogwaarik, ombomini kambeegwaarak o Yerutalem Ndawut Agota piya unggwogogwam nogome inom tabonogo pi unggwogogwaarak.

2 Endagembogut 15:38

At Yotam nogo ombomini kambunuk nogogwam inom yonggonggola nage mbareegi, at ombomini kambeegwaarak ombo Ndawut Agota piya unggwogogwam nogome inom tabonogo pi unggwogogwaarak. Ndi, obaane'me at aput Akat endagembogut agagerak.

2 Endagembogut 16:20

Ndi, at Akat nogo ombomini kambunuk nogogwam inom yonggonggola nage mbareegi, ombomini kambeegwaarak Ndawut Agota piya unggwogogwam nogome inom tabonogo pi unggwogogwaarak. Pi unggwogo mbareegwa, obaane'me at aput Kitikiya endagembogut agagerak.

2 Endagembogut 8:23

Ndi, at Yekoram endagembogut a'nuk wone lengganogo yorage logonet, eerit nage nagagerak ando abok ti, it Yekura inoweewi inendagembogut logonet, eeko nogogwaarak liiru mbanak paga, inom mbanak wonage nogo lek a?

2 Endagembogut 9:28

Kangge mbareegi, at inom eeko menggaarak nen eebe waganogo nggweendo paga punuk wonok o Yerutalem wogo nogogwaarik, ombomini kambeegwaarak piya unggwogogwam ogobakkigirogo pateegim Ndawut Agota time inom tabonogo pi unggwogogwaarak.

1 Mbinineegwaarak 3:11

Yotapat nen aput Yoram ndake, Yoram nen aput Akatiya ndake, Akatiya nen aput Yowat ndake,

2 Mbinineegwaarak 21:1

Ndi, at Yotapat nogo kangge nagagerik, ombomini kambunuk nogogwam inom yonggonggola nage mbareegi, ombomini kambeegwaarak Ndawut agota piya unggwogogwam nogome inom tabonogo pi unggwogogwaarak. Pi unggwogo mbareegwa, obaane'me aput Yekoram aret endagembogut agagerak.

2 Mbinineegwaarak 21:17

o Yekura tebeni unggwogo logonet, yi mendek ndi mendek aap endagembogut awi o nggwok abe wurik me wonage nogo kwaakkogo nogogwaarik waganggwi, akuwi wogonakwi, apuri ambi mbo piyoolik abok aret wogonakwi, ee'nuk nogo logonet, aput enabooluk Yowakat mban teppunuk, nogogwaarak.

2 Mbinineegwaarak 21:20

At Yekoram nogo ndarak kagak tahun 31 eeppunuk, ambi age paga endagembogut a'nuk, o Yerutalem logonet, wone lengganogo yorage kagak tahun 8 eereegerak. Eeppunuk, abuwa mbaka'lek iigak, kangge mbareegi, eebe Ndawut agota time pi unggwogogwaarak kwe, it aap inendagembogut piya unggwogo menggam inom tabonogo pi unggulik. Alik me aret pi unggwogogwaarak.

2 Mbinineegwaarak 21:7

At togop aret maluk eeke nagagerak kwe, Aliku ALA nen, “Ndi mondok-mondok wuninik menggi kwak, Ndawut inom, apuri-ombowologwe inom, inendage mondok-mondok ki logowak o,” yinuk, wone abuk nggaruk togon yoreegerak me, Ndawut paga wiganak nogo pup eerogo piyoorak meek mbareegerak.

2 Mbinineegwaarak 22:1

Aap aakumi a'nggan wogonaka it aap Arap mendek inom nen aap Yekoram apuri inom inawooliya wuppunuk wonogwe me nogome unggwi wogo nogogwaarik, at apuri abok aret inooko logonet, enabooluk ndarak Akatiya nogo mban teppereegwaarak me, it aakumi Yerutalem mendek nen aap Yekoram aput Akatiya nogo aret ogoba obaane'me logowak nduk, inowe endagembogut mippereegwaarak. It Yekura mendek inowe endagembogut Yekoram aput Akatiya it Yekura mendek inowe endagembogut agagerak ti aret.

2 Mbinineegwaarak 22:6

Wako mbareegwa, aap Aram mendek inowe endagembogut Katayen inom o Aramot wim eekwi me, maale yinik-kunik eerogo pereegwaarak nogo, awin lek aruwak nuk, iyokan o Yitiren wage nagagerik, time aret wonagagerak. Ndi, it Yekura mendek inowe endagembogut Yekoram aput Akatiya nogo, aap Akap aput Yoram maale wareegwaarak o Yitiren wonage me pekka nagagerak.

2 Mbinineegwaarak 25:23

aap Iterali inowe endagembogut Yokawat nogo nen aap Akatiya ombooluk Yowat aput Yekura inowe endagembogut Amatiya nogo, o Mbet-Temet time pigagangge nagagerik, o Yerutalem woraanuk, yugum pak wurik tu endage, Eparayim Unggwogo Menggam, kuli nen nok, tu endage, Unggu'me Unggwogo Menggam, kuli metet seratus delapan puluh aret langgunogo pereegerak.