2 Endagembogut 8:16 - Ala Wone Peenok Peebi Mbanak

¹⁶ Aap Akap aput Yoram nogo Iterali inowe endagembogut a'nuk, wone lengganogo yorage kagak, tahun 4 eeppunuk, ambi age paga aap Yotapat nogo Yekura inowe endagembogut a'nuk wone lengganogo yorage logonet, aput Yekoram nen aap Yekura inowe endagembogut a'nuk, wone lengganogo yorage logowak nduk, mippereegerak.

2 Endagembogut 8:16 ပူးပေါင်းရင်းမြစ်များ

1 Endagembogut 22:42

At Yotapat nogo ndarak kagak, tahun 34 eeppunuk, ambi age paga it Yekura inowe endagembogut a'nuk, o Yerutalem logonet, wone lengganogo yorage kagak, tahun 25 aret eereegerak. Ndi, agalo nogo ti, aap Tiliki apuluk kwe Atuba aret.

1 Endagembogut 22:44

it aakumi puut-puut time kugi inake warogo wogorogo menggam eerak nogo perak, minogo mbo puulik teppereegerak paga it aakumi nen ti paga warogo wogogwi, obari abe kaga nogo kani kunggwi, eerit nogo nogogwaarak.

1 Endagembogut 22:50

Togop eerogo pit nagagerak mbareegi, Akap aput Akatiya nen Yotapat yoge logonet, “An nawuri ti, kat kawuri yiiro paga inom wonok noorak op aret o,” yoreegerak kwe, at Yotapat nogo nen eebi mbareegerak.

1 Endagembogut 22:51

Aap Yotapat nogo kangge nagagerik, ombomini kambunuk nogogwam inom yonggonggola nage mbareegi, ombomini kambeegwaarak ombo Ndawut agota paga piya unggwogogwam nogome inom tabonogo pi unggwogogwaarak. Pi unggwogo mbareegwa, obaane'me aput Yoram inowe endagembogut agagerak.

2 Endagembogut 1:17

Ndi, at Aliku ALA nen Eliya yoge mbareegi, aap endagembogut yoreegerak nogo ndak-ndak aret kambeegerak. Kangge mbareegi, at Yotapat aput Yekoram nogo Yekura inowe endagembogut wonage kagak, tahun ambi eeppunuk, ambi age paga aap Akatiya nogo ti, apuluk lek aret me, obaane'me aap Yoram aret endagembogut agagerak.

2 Endagembogut 11:2

Inoorikit nduk, eeke kagak, aap endagembogut Yekoram aput Akatiya awuluk kwe Yoteba nogo nen aap Akatiya aput Yowat nogo, kwe Ataliya nen inom wake kero, apuri inenggela'me nen nggiginogo Ala awi wurik me nogo yogo menggam ambime kolaga ndegengga imbirak time kumaappiyareegerak me, warulik.

2 Endagembogut 3:1

At Yotapat nogo it Yekura inowe endagembogut wonage kagak, tahun 17 eeppunuk, ambi age paga at Akap aput Yoram nogo o Tamariya it Iterali inowe endagembogut a'nuk, wone lengganogo yorage kagak, tahun 12 eereegerak.

2 Endagembogut 8:25

Aap Akap aput Yoram nogo Iterali inowe endagembogut a'nuk, wone lengganogo yorage kagak, tahun 11 eeppunuk, ambi age paga aap Yekoram aput Akatiya nogo Yekura inowe endagembogut agagerak.

2 Mbinineegwaarak 22:1

Aap aakumi a'nggan wogonaka it aap Arap mendek inom nen aap Yekoram apuri inom inawooliya wuppunuk wonogwe me nogome unggwi wogo nogogwaarik, at apuri abok aret inooko logonet, enabooluk ndarak Akatiya nogo mban teppereegwaarak me, it aakumi Yerutalem mendek nen aap Yekoram aput Akatiya nogo aret ogoba obaane'me logowak nduk, inowe endagembogut mippereegwaarak. It Yekura mendek inowe endagembogut Yekoram aput Akatiya it Yekura mendek inowe endagembogut agagerak ti aret.