2 Endagembogut 8:15 - Ala Wone Peenok Peebi Mbanak

¹⁵ Ti yoreegerak kwe, ko'lu at Katayen nogo nen yum ku'mbin ambi wagangge nagagerik, niyoome tamombunuk, mbiganogo at Mben-Karat etenggen me lenggenggagagerak kangge mbareegi, obaane'me at Katayen aret aap Aram inowe endagembogut aret mi'nagagerak.

2 Endagembogut 8:15 ပူးပေါင်းရင်းမြစ်များ

1 Endagembogut 15:28

At Mbayeta nen Narap warogo pereegerak nogo ti, aap Ata Yekura inowe endagembogut wonage kagak, tahun mbere eeppunuk, ambi age paga warogo pereegerak. Warogo punuk, obaane'me at Mbayeta aret inowe endagembogut agagerak.

1 Endagembogut 16:10

at Timiri nogo wage nagagerik, oome nogome unggunuk, aap Ela nogo warogo punuk, at obaane'me endagembogut aret agagerak. Ti wareegwaarak nogo ti, aap Ata aakumi Yekura inowe endagembogut wonage kagak, tahun 26 eeppunuk, ambi age paga aret wareegerak.

1 Endagembogut 16:18

O Tirata nogo abu aret tebeneegwaarak aap Timiri nen enegen kage nagagerik, aap endagembogut awi o nggwok abe wurik ko ogoorak ambi akem time unggunuk, awi kani inom pateegerak.

1 Endagembogut 19:15

Yoge mbareegi, Aliku ALA nen Eliya yoge, “Kat tu waganom kiyokan nanuk, karume Ndamitit aakumi Aram mendek wonogwe me, time nage logomenggendik, aap Katayen ti, inowe endagembogut logowak nduk, amburu eerogo mippege,

2 Endagembogut 15:25

Eerit nage kagak, at inom eeko menggaarak inowe ambi Eremaliya aput Peka nen wariyak oreewi inom wone mbambunuk, aap Nggileyat mendek ineebe 50 inom o Tamariya aap endagembogut awi o nggwok abe wurik ko tiyarogon ogoorak me nogome aap Pekaya nogo wako logonet, aap Arogop, Ariye inom aret inoorogo piyareegwaarak.

2 Endagembogut 15:30

Ti'nuk, at Uriya aput Yotam nogo, Yekura inowe endagembogut wonage kagak, tahun 19 eeppunuk, ambi age paga at Ela aput Koteya nen Eremaliya aput Peka nogo, wariyak oreewi inom wone mbambunuk, warogo pege nagagerik, at Peka obaane'me at Koteya aret Iterali inowe endagembogut agagerak.

2 Endagembogut 8:10

Yoge mbareegi, at Elita nen at yoge, “Kat nage logomenggendik, at yoge logonet, Kat andi eekkake nogo obeelom arigin, yoriyak ti op aret yoremenggendak kwe, at Aliku ALA nen at kambigin aret kin paga yo'negerak o.”

2 Endagembogut 8:13

Yoge mbareegi, at Katayen nen Elita nogo yoge, “An kayeloman yi, nggeewo kwak meek aret me, iya eeriyak yagandak nogo ti, an nonggoti eeriyak mbaken?” Yoge mbareegi, at Elita nen, “At Aliku ALA nen it aakumi Aram mendek inowe kendagembogut kat aret logorak, yo'negerak o,” yinuk, yoreegerak.

2 Endagembogut 8:28

At Akatiya nogo Akap aput Yoram imbirak nen aap Aram inowe endagembogut Katayen nogo, inom wim eeruwak nduk, o Aramot-Nggileyat nogo nogogwaarik, inom wim eeko logonet, it Aram mendek nen Yoram nogo maale wareegwaarak.

2 Endagembogut 9:24

at Yeku nen yigin miireegi-miireegi maale teppereegerak nage logonet, at Yoram amborowak oolo iniki telak togon wareegerak nok, iniki aret nggoguk yi unggwagagerak me mondok miin iyok pereegim nggweendo paga taati aret kambeegerak.

Ndawi 36:4

It nogo yogo menggam logonet kunduk Maluk eeriyak mban koonggwi, It eerit nugwi nogo ti, Obeelom lek maluk mban aret eerit nugwi, Maluk eeriyak eerinake nogo Mbo puurak mbaka'lek aret eekwi, Eeko menggaarak o.

Yetaya 33:1

Kat aakumi maluk eerogo piiga yi wae. Kat maluk eerogo pagaga'lek iigak, kat nen mban maluk eerogo piinet nage me, kabuwa o. Kat aakumi inambokan lagangga yi wae. Aakumi nen kat kambokan lagangga'lek iigak, kalik nen mban it inambokan lagangge me, kabuwa o. Kat maluk abu aret eerogo piige keenok, it nen kat aret maluk eerogo pagagwi, Ndi, abu aret aakumi inambokan lagangge keenok, it nen kat aret kambokan laganggwi, Eerugun o.

Mika 2:1

It aakumi maluk eeriyak koonogo pugwi, It nogo yogo menggam windak logonet, “Maluk ndogop eeko logowok o,” yinuk, koonggwi, Eeppunuk, O kilim nagake kagak, inayuk warak me, eebe aret eeko menggaarak ti iya me, inabuwa o.

1 Tamuwen 24:13

It aap inanggok nen wone laarogo yogo logonet, It aap maluk eeka nogo nen maluk aret eeko menggaarak o, yinuk, yogo menggaarak nogo ndak-ndak an nen neenggi teeluk a'nuk, kat maluk eeppagagin lek o.