2 Endagembogut 8:10 - Ala Wone Peenok Peebi Mbanak

¹⁰ Yoge mbareegi, at Elita nen at yoge, “Kat nage logomenggendik, at yoge logonet, Kat andi eekkake nogo obeelom arigin, yoriyak ti op aret yoremenggendak kwe, at Aliku ALA nen at kambigin aret kin paga yo'negerak o.”

2 Endagembogut 8:10 ပူးပေါင်းရင်းမြစ်များ

Wakkagagerak 2:17

eyo maluk-obeelom ineenu agak anggen yugu ti perak, kat nen ambi noorak abu mage o. Mbanogo namunggun kenok, awo nengge ti eyom paga aret kambumunggun o,” yoreegerak.

Wakkagagerak 41:39

ari nagagerik, Yutup yoge logonet, “At Ala nen yi eeriyak wone paganogo yokkegerak me, kat yi eeriyak ndi eeriyak wone abok aret keenu kiniki warak kat pogom ambi wonage abu lek aret me,

1 Endagembogut 22:15

Yoge nagagerik, Mika nogo aap endagembogut owagam wage mbareegi, aap endagembogut nen Mika yoge logonet, “Mika wae. Nit o Aramot-Nggileyat time it ninom wim eeri noorak op ilik, puk aruwi a?” Yoge mbareegi, at Mika nogo nen, “At Aliku ALA nen o Aramot-Nggileyat ti, kendagembogut keenggime pigin me, inawi paga kwi'nari nanip o,” yoreegerak.

2 Endagembogut 1:16

Wambi woraanuk, at Eliya nogo nen aap endagembogut nogo yoge, “At Aliku ALA nen ari logonet, It Iterali wonogwe me yime an Ala neebe lek neenok, it Ekoron mendek inagugi Mba'an-Tebup nen yoraawak nduk, nggino yoriyak nappiigerak ya? Ti eekerak paga aap endagembogut nogo, nogo yege menggim nen mi'narigin mondok lek o. Ata, at nogo yege me time nen aret kambigin, yegerak me, yokkigi o,” yinuk, yoreegerak.

2 Endagembogut 1:4

It togop eekwi me, at Aliku ALA nen ari logonet, At Akatiya ti, nogo yege menggim nen mi'narigin lek o. Ata, at nogo yege me time nen aret mondok kambigin, yegerak, yora nak o,” yinuk, yoge mbareegi, yora wagagerak.

Yeremiya 38:21

Ndi, it inabu'me tebe yi unggumunggun lek keenok perak, nano mendek ariyak Aliku ALA nen yo'nege kagarak nogo yi aret.

Yetikiyen 11:25

Lek age mbareegi, Aliku ALA nen nabinggaanggo paga yo'nereegerak nogo abok aret it aakumi wogoren mbo piya wogogwaarak wonogwe nogo mbininogo yoragagirak.

Yetikiyen 18:13

Awu porogo wonogwe nogo onggo ambik nabenggolage, Ambinom wo'niru o, yinuk, oone omaawi paga yorage, eeke menggerak abok aret ti, eerit nage me, aap togop eeke kenok, eenik logogin mbaken? Mondok lek aret o! Ogole warak yi, abok aret eeke paga at warogo pugun aret me, amiya wundigin nogo ti, at obaalombok aret oba logogin o.

Amot 3:7

At Aliku Itok Menggerak ALA nen eeriyak koongge ti, Ayeloman mini at nen yorage kagak yoraga nogo, Wone yoraga'lek kagak it perak togon yorogo logorak lek aret mbako logonip o.

Amot 7:1

Aliku Itok Menggerak ALA nen nabinggaanggo paga yo'nereegerak nogo yi aret. Aap endagembogut ake iri'ngga mbanogo wogogo mbareegwa, obaane'me yarak nogo agarit lagangge kagak, nabinggaanggo paga Aliku Itok Menggerak ALA nen wurin ambik lombok kuwak eerogo piinet nage kagagirak.

Amot 7:4

Aliku Itok Menggerak ALA nen nabinggaanggo paga yo'nereegerak nogo yi aret. Aliku Itok Menggerak ALA nen aaninggin inoba piyoorak nduk, kani kunik wiireegerak nogo wage logonet, niyo kole yenggenak laut nggween abu'na wonage nogo, porok togon nenet wambi nage, nggween inom nenet nage, eeke kagagirak.

Amot 7:7

Nabinggaanggo paga ambi yo'nereegerak nogo yi aret. At Aliku ALA keele paga yugum pugunik wakkagak nogo eenggime keele wakkagak paga yugum pak wurik me, koorok taati mi'ndak wonage kagagirak.

Amot 8:1

Aliku Itok Menggerak ALA nen nabinggaanggo paga titi'nereegerak nogo ti, muun yarak me anggen kole agaarak mbanak yonggolak nogo aret o.

Takariya 1:20

Yo'nege mbaki, Aliku ALA nen aap mbuti mendek paga eeka ineebe 4 titi'nereegerak.

Wayu 22:1

Ti kage nagarik wonage me, malayikat nogo nen, an yo'nege logonet, “Niyo aakumi ineenik aganaka eneeri mili lombok mbini kin nogo, Ndomba Aagaluk Ala imbirak wone lengganogo yorogo menggam abu'me nen, kilak togon wungge nagaarik, o kota tu yarak eraaninu nage ti, kenegen pekket o,” yinuk, yo'nege mbaki, pekkage me, niyo nggwok nage nogo aa'nggi yibagan-enebagan eyo aakumi ineenik aganake menggerak awi yarak me, tut ambi penengge paga ne ambit paga anggen yi'nage, tut ambi penengge paga ne ambit paga anggen yi'nage, togop aret eerit tahun ambit eerak paga ne 12 paga aret anggen yi'nage kagarak. Ndi, eyoongga nogo ti, yi aakumi ndi aakumi andi aganake kero, obeelom aganaka inake aret wonage kagarak.