2 Endagembogut 8:1 - Ala Wone Peenok Peebi Mbanak

¹ Ne ambi paga at Elita nen kwe Tunem mendek aagaluk eenik eeppereegerak nogo, wone yoge logonet, “At Aliku ALA nen o yime mbi noogelo nggwok inoba piyamenggerak wonogwe iigak, tahun 7 aret eerigin me, o yime mbo punuk, kogoni-kaagi kinom nage logomenggendik, kat nggeeme logorak mbake kenok, time nanuk, luulu negen aret logomunggun o.”

2 Endagembogut 8:1 ပူးပေါင်းရင်းမြစ်များ

Wakkagagerak 12:10

At Abaram o Kanan nogome wonage me, ne ambi paga mbi noogelo aret agagerak. Mbi noogelo abu nggwok aret age mbareegi, o Metit time aap nggiru negen logonuk woraawok nduk nogogwaarak.

Wakkagagerak 26:1

Ne ambi paga o nogome mbi noogelo o maan at Abarakam wonage kagak eereegerak nogo ndak-ndak aret agagerak. Age mbareegi, at Itak nogo aap Pilitin inowe endagembogut Abimelek unde menggim o Nggerat nogome nagagerak.

Wakkagagerak 41:25

Yoge mbareegi, at Yutup nen Pirawun nogo yoge logonet, “Kat kabi mbere'ndak kagandak kwe, wone alom ambit aret o. Wone yi ti, Ala nen peebi eeriyak nogo aret yokkegerak o.

Wakkagagerak 41:32

Kabi ambit nogo mban ne mbere kagandak ti, Ala nen mondok abet aret eeriyak koonogo pegerak me, eeriyak nogo panggo ari kenok, kagandak o.

Wakkagagerak 41:54

at Yutup nen yereegerak ndak-ndak tahun 7 paga mbi noogelo agagerak. Yi awi ndi awi mbi noogelo nggwok agagerak me, nengga'lek iigak kwe, o Metit nogome perak, kuwak eerak me, inambi nonggo nogogwaarak.

Wakkagagerak 47:4

Yogo nogogwaarik, ambinom yogo logonet, “O Kanan paga mbi noogelo ambik age logonet, nit kayeloman mini ninaanggumi iri'ngga noorak kunduk lek age mbaki, yime we laalu negen logorak nduk wogoorak me, o Nggoten time logorak op ilik? yinuk, yokkiri wogo o.”

2 Tamuwen 21:1

At Ndawut nogo Iterali inarum wonage eyom paga, mbi noogelo kagak, tahun kenagan aret age mbareegi, “Aliku ALA nen yo'niruwak o,” yinuk, at Ndawut nggino yoreegerak. Yoge mbareegi, at Aliku ALA nen at yoge logonet, “At Tawun apuri inom nen it aakumi Nggibeyon mendek inooke mbareegi, inamiya at Tawun apuri inom inoba agagerak paga, o yi maluk agaarak o,” yinuk, yoreegerak.

2 Tamuwen 24:13

Yoge mbareegi, ko'lu kuubondendok at Nggat nogo nen Ndawut owagam wage nagagerik, yoge logonet, “At Aliku ALA nen, O at Ndawut unde menggim mbi noogelo kagak tahun kenagan age, awim nen mugurok nugwi iinok mbaganit nege kagak, tut kenagan penengge, at unde menggim andi nggwok nappi wage, eerigin, yegerak me, kiniki pipak koombunuk, ambit mban miike keenok, wonok at nappani wagaarak yori naakit nduk, miiru o.”

1 Endagembogut 17:1

Aap awi o Nggileyat yaga'lelo Titebe mendek Eliya nogo nen aap Akap yoge logonet, “An yaga'lek neegak yi tahun ndi tahun paga mayu wage, miinanggen luurogo pege, eeka'lek aret kaamunggun o, yinuk, at ake eeke minggirak Aliku Iterali inogoba Ala eenik menggerak endage kumbunuk, yokkigi o,” yoreegerak

1 Endagembogut 18:2

Yoge mbareegi, Eliya nogo pekka wagagerak. Ne ti eyom paga o Tamariya nogome mbi noogelo abu iya lombok agagerak me,

2 Endagembogut 4:18

Ndi, elege nogo eebe abu aret tawe age nagagerik, ne ambi paga it aakumi gandum anggen mbanit nugwi nogo, at ogoba inom mbanit nugwi me, ogoba ka nagagerak.

2 Endagembogut 4:36

Enegen pagak ari mbareegi, Elita nen Nggekati wiireegerak wage mbareegi, yoge logonet, “Kwe Tunem mendek ti, Omok, yoru o.” Yoreegerak wage mbareegi, Elita nen, “Kaagaluk yi, wa mok o.”

2 Endagembogut 4:38

O nogome abok mbi noogelo agagerak me, ne ambi paga at Elita nogo iyokan o Nggilagan nage nagagerik, it aap Ala nen yorage kagak yorage ineebe aago ne ambi paga enaame taati wone yorage kwi'ndak iigak, Elita nen ayeloman ambi yoge, “It aap Ala nen yorage kagak yoraga yi, inake yi mendek ndi mendek togolowak nggwok me yonggoppunuk, kani paga laru o.”

2 Endagembogut 7:20

Yinuk, yoreegerak nogo abu ndak-ndak o kota tu unggwogo menggam at eebe aakumi iniyok aan lebenogo pereegwaarak me, kambeegerak.

2 Endagembogut 8:2

Yoge mbareegi, at Ala wone liirogon eeka nen wone yoreegerak nogo konembunuk, at ogoni-aagi inom o it aap Pilitin wonogo menggam nogo nogogwaarik, time wonogwe iigak, tahun 7 aret eereegerak.

Ndawi 105:16

O time mbi noogelo inoba ari woraawak nduk eeppiige, Inambi pipuk aago nogo a'nggan waganogo piige,

Ndawi 107:34

It o time wonogwe nen maluk mban eekwi iinok, Nggween mili lubunik nogo Mayu yumbunik iri'ngga wunggeelik kwak eerogo pege, Eereegerak.

Yeremiya 25:29

At Omaawi Lombok Menggerak Aliku ALA nen ari logonet, Ala agota o, yinuk, an nendage kunogo yogo menggam yime aaninggin oba pikit nduk eeke me, ti eeke logonet, it aakumi kunduk aaninggin inoba piyoorak lek mbakop? It aakumi nggween paga wonogwe yi abok aret wooluwak paga inoori woraawak nduk, yonggo nappiige me, Nit mbo nagun mondok lek, mbako logowak o.

Ala Unde 26:26

Ndi, inambi an nen wogorage nogo lek eerogo pege neenok, kumi 10 nen inambi togolowak ambit paga lappunuk, aaninggin wakkagak wogorogwe iinok, namenggaarak kwe, abu nen wo'no lu yogwe mban aret logogun o.

Amot 4:6

“Ti eekwi iinok, an nen it wonogo menggam kota-kota abok aret inambi nengga'lek wo'no lu yogo logowak nduk eeppiige, Yi yaga'lelo ndi yaga'lelo inambi mbuuluk eerogo piige, Eereegirak kwe, Inomaluk mbo punuk iniyokan yungguninuk an neya waga'lek aret menggaarak o,” yinuk, Aliku ALA nen aret yegerak me, yokkiragi o.

Agayi 1:11

O yi nggween mbuk age, puut-puut eeri lek age, gandum yarak inom, eyo anggur anggen yugu inom, eyo tayitun anggen yugu inom, yi mendek ndi mendek nggween paga yarak abok aret kanenep age, aakumi inamili mbuk age, inaanggumi ineeruwak nuunggu ogwe, aakumi nen ambi kolaawok nduk, nggwiirit-nggwaarit eeko menggaarak kwe, ambi kolaga'lek aret wonogwe, eeruwak nduk, O kibi eeri woraawak o, yinuk, an nen aret wiireegirak, yegerak me, yokkiragi o,” yinuk, yoragagerak.

Lukat 21:11

o mi mondok iya tit nuk ari, yi awi ndi awi mbi noogelo age, o yime-ndime kugilengga iyak wu'nage, ndi, kit kiniki ma'naruwak nduk, mbogut paga ineenu ariyak inagabiti warak mendek mondok alik negen eeke, eeke kamonggotak kwe,

Lukat 4:25

Aap Eliya wonage eyom paga mayu waga'lek me, yi awi ndi awi apit mbi noogelo aganabeegerak kagak, tahun kenagan eeppunuk, ambi eeke oolo paga Iterali iname time kumi togwe ineebe ambik wonogogwaarak kwe,

Nappiigak 11:28

Lagi nogogwaarak nogo ambi endage Agabut mi'nage nagagerik, yorage logonet, “It aap o Oroma mendek unde menggam yi awi ndi awi abok aret mbi noogelo ambik arigin o,” yinuk, Aberiniki nen iniki nggaganogo yoge kagak, yoragagerak. (Ti arigin yoragagerak nogo ti, at Kelawuriyut endagembogut logonet wone lengganogo yorage kagak, a'me aret agagerak.)

Urut 1:1

Ne ambi paga it aap wone owak loongga mendek nen aakumi Iterali inarum wonogwe iigak, it Iterali wonogwe me time mbi noogelo ambik agagerak. Mbi noogelo age mbareegi, aap ambi akwe inom, apuri mbere inom, inawi Yekura o Mbe'lekem nen aakumi Mowap mendek iname luulu logowok nduk, nogogwaarak.