2 Endagembogut 7:16 - Ala Wone Peenok Peebi Mbanak

¹⁶ it aakumi Tamariya mendek inawi kota time nen wunggo nogogwaarik, it aap Aram mendek inawooliya wurik me yi mendek ndi mendek inagugun wa unggwogogwaarak. Ti eereegwaarak nogo ti, at Aliku ALA nen yoragagerak nogo ndak-ndak, wu we mbuuluk mbuti perak ambit paga gandum anggen yigirik togolowak 8 wakkagak kunggwi, ndi, wu we mbuuluk mbuti perak ambit paga waabuk negen jelai anggen mbanak togolowak 15 wakkagak kunggwi, eereegwaarak.

2 Endagembogut 7:16 ပူးပေါင်းရင်းမြစ်များ

2 Endagembogut 7:1

Ti yoge mbareegi, at Elita nen onggo yoge, “Aliku ALA nen wone ari yi, karuk liirogon konenu o! At Aliku ALA nen, O Tamariya tu unggwogo menggam time ne yogondak yi ndak-ndak ko'lu wu we mbuuluk mbuti perak ambit paga gandum anggen yigirik togolowak 8 wakkagak kunggwi, ndi, wu mbuuluk mbuti perak we ambit paga waabuk negen jelai anggen mbanak togolowak 15 wakkagak kunggwi, eekwi iyaamunggun, yegerak o.”

2 Endagembogut 7:15

Nappiyareegerak it Aram mendek muguren niyo Yoraran kuli paga ari nanuk, it aap Aram mendek nogo nen yi mendek ndi mendek inom, inayum inom, tu paga yumbuk-yumbuk eerogo pit nogogwaarak kogogwaarak. Kogo nogogwaarik, it nappiyareegerak nogo iniyokan wa'nuk aap endagembogut nogo mbininogo yogo mbareegwa,

2 Mbinineegwaarak 20:25

Iigo nogogwaarik, at Yotapat awuri inom inawim inagugun waawok nduk, wambi nogo nogogwaarik, inamindik-inamendek inom, inambogoyum inom, ndi, yi mendek ndi mendek onggo iya mendek inom, ambik aret wonage kogo nogogwaarik, ne ambit paga kuwak eeppunuk wonok noorak meek age mbareegi, kuwak eekwi iigak, nogo kenagan yereegwaarak.

Ndawi 68:12

Aap inendagembogut inom, ineegin warak inom, mbet-mbet aret kole mbaganggwi, Eekwi iinok, It kumi iname wonogwe nen Inamendek yumbunogo punuk mbaganeegwaarak nogo tumbukkologogwaarak.

Ndawi 68:13

It ando inandomba inawi wurik me kumaarak inagabiti mbakak wonogwe iigak, It an napuri Iterali ando nogo Towe puume ogut eerak a'naabit paga mbuti perak nabenak kwak, Eeruwak paga mbuti emas pindan-pindan aago kwak, Eerak wonogo logonet eereegwaarak.

Yetaya 33:1

Kat aakumi maluk eerogo piiga yi wae. Kat maluk eerogo pagaga'lek iigak, kat nen mban maluk eerogo piinet nage me, kabuwa o. Kat aakumi inambokan lagangga yi wae. Aakumi nen kat kambokan lagangga'lek iigak, kalik nen mban it inambokan lagangge me, kabuwa o. Kat maluk abu aret eerogo piige keenok, it nen kat aret maluk eerogo pagagwi, Ndi, abu aret aakumi inambokan lagangge keenok, it nen kat aret kambokan laganggwi, Eerugun o.

Yetaya 33:23

It ninawim nen inayiiro wonok wogwe keele pugunik nogo nggaru-nggaru nage, Ogobak me eyo mippugu nogo langgonak-panggonak nage, Yum eyo mippugu pugunik nogo nabe-nabe nage, Eeremenggerak me, Yi mendek ndi mendek kugun wogo ambik wonok wogwe nogo nit tumbukkologwe, Aap inendop maluk nen kunduk ando nogo kologwe, Eeko logogun o.

Yetaya 33:4

Wurin iri'ngga lelenogo nonggo mengga kwak, Wurin ambit me ninggippunuk, iri'ngga ne ambit pup eerogo nunggo mengga kwak, It aap nen aakumi ti inawi paga kwi'nari unggunuk, inamendek abok aret wonok ma'narugun o.

Yetaya 44:26

Ayeloman mini nen wone yorogwe nogo omaawi eerogo piige, At nappiigetak yora nogwe nogo a'me nggelok yuwak nduk eeppiige, Aakumi o kota Yerutalem logogun o, yinuk, ari, It Yekura wonogo menggam kota-kota yigirogo pugu nogo obaane'me wurigin o, ari, Aa'nduk wonagagi kwak eerogo pigin o, ari,

Linggineegwaarak 23:19

At Ala ti, aakumi kwak lek me, at oone pilit ari, At aakumi inaput lek me, iniki alik koongge, Eekeelik o. At nen, An yogop eerikit, yegetak ti, a'me aret eeke, At wone mbanggetak ti, a'me aret nggelok ari, Eekeelik mbaken?

Matiyut 24:35

Mbogut-nggween yi, lek arigin aret kwe, an noone ti perak, lek arigin lek mondok aret logogin o,” yoragagerak.

1 Tamuwen 17:53

Piya nogo nogogwaarik, it aap Iterali mendek nogo iniyokan wogo logonet, it Pilitin inamendek inawooliyana punuk, mbaganeegwaarak nogo inagugun waganggak wogogwaarak.