2 Endagembogut 7:13 - Ala Wone Peenok Peebi Mbanak

¹³ Yorage mbareegi, at inom eeko menggaarak ambi nen aap endagembogut nogo yoge, “Togop kenok, nit Iterali o kota paga wonogwe yi, mbi abu nen kanggwi, ndi, wundi namonggoorak ninookwi iinok kanggwi, eeriyak nogo ti, ndak-ndak aret eerugun me, kuda ineebe 5 o kota yime awo wonogwe nogo, waganogo nonggop agaarak iyaawok nduk, kuda ti paga nappiyaawok o,” yoreegerak.

2 Endagembogut 7:13 ပူးပေါင်းရင်းမြစ်များ

2 Endagembogut 5:13

Nage me, ayeloman mini nen at Naman owagam ka wogo nogogwaarik, yogo logonet, “Ninogoba o. At Ala nen yoge kagak yoraga nogo nen wone iya eeriyak mendek, Eeru o, yokkege kenok, Eerikit, mbarumunggun ilik, lek a? Ndi, Ngguu'mo wari nage keenok, obeelom eekkabigin o, yokkegerak nogo ti, we negen aret eeriyak me, eeri nak, ubi.”

2 Endagembogut 6:33

At Elita nogo wone ti awo yorage me, aap nappi wagagerak nogo aa'nduk wage, ndi, aap endagembogut nogo ambokan wage, eeko nogogwaarik, aap endagembogut nen yoge logonet, “Aaninggin-paaninggin ninoba agaarak yi, at Aliku ALA nen aret eeppinanege me, at Aliku ALA nen ambi yeenggwa nirigin me nduk, tokkage logorak mbaken? Lek o,” yinuk, yoreegerak.

2 Endagembogut 7:12

Konengge nagagerik, nogo iniki paga at aap inowe endagembogut nogo mi'na'nuk, inom eeko menggaarak nogo wone yorage logonet, “It aap Aram mendek nen eeppinaniyak koonggaarak kagarak nogo an yokkira o. Nit mbi noogelo ee'ninake yi, ineenu me, iniki mbako logonet, It iname o kota time nen wundi wogwe iinok, ineenik ngge-ngge pippiinok, inawi kota time tebenggola nawok o, yinuk, inawooliya mbo punuk, o endekem kumaa'nari nagaarak wonogwe mbaki o.”

2 Endagembogut 7:14

Yoge mbareegi, nggweendo wim eeka mbere inaguda nikkenok noorak nogo, aap inom leenogo piinok, aap endagembogut nen it aap Aram ineegin warak muguren nawak nduk, yorage logonet, “Nonggop agaarak nogo pegiya nanip o,” yinuk, nappiyareegerak.

2 Endagembogut 7:4

Nit nen, O kota time unggwi nawok o, yinuk, unggwi nogo logomonggoorik, mbi abu nen time kanggwi, ndi, yime mban logogun kenok ti togon, kanggwi, eerugun aret me, it aap Aram mendek inawooliya wuppunuk wonogwe me time, Nit kinabu'me logowok o, yinuk, unggwi namonggoorak teppinanugwi iinok ti, nineenik wonogwe, ndi, ninookwi iinok ti, kanggwi, eerugun aret o,” yinuk, yereegwaarak.

Yeremiya 14:18

O kota nen endekem wundi nanuk, aap wooluwak paga inoorak wonogwe iige, Ti'nuk, o kota unggwi woraanuk, time it aakumi mbi abu nen kambit nogwe iige, Eeke agarik o. It aap an yorage neegak yoraga inom, it an neebe unde inom, nigiren o it nugulik me piya nagaarak wonogo agaarik o, Yinuk, yoret,” yo'negerak me, yagi o.

Leendawi 4:9

It mbi abu nen kanggwi ti, Ineyabu yarak lek kenok, mbi abu nen yagan wako logonet, ineebe mbuuluk eerogo piige menggerak me, Wooluwak paga inoorak kanggwi ti, op aret kwe, mbi abu nen kanggwi ti perak, mondok aaninggin aret o!