2 Endagembogut 7:12 - Ala Wone Peenok Peebi Mbanak

¹² Konengge nagagerik, nogo iniki paga at aap inowe endagembogut nogo mi'na'nuk, inom eeko menggaarak nogo wone yorage logonet, “It aap Aram mendek nen eeppinaniyak koonggaarak kagarak nogo an yokkira o. Nit mbi noogelo ee'ninake yi, ineenu me, iniki mbako logonet, It iname o kota time nen wundi wogwe iinok, ineenik ngge-ngge pippiinok, inawi kota time tebenggola nawok o, yinuk, inawooliya mbo punuk, o endekem kumaa'nari nagaarak wonogwe mbaki o.”

2 Endagembogut 7:12 ပူးပေါင်းရင်းမြစ်များ

2 Endagembogut 7:11

Yorogo mbareegwa, it aap o kota tu unggwogo menggam arum menggaarak nogo nen inoone nggwok paga yogo mbareegwa, aap endagembogut awi o nggwok abe wurik me wonage me, wone yogwe nogo aruk koneneegerak.

2 Endagembogut 7:13

Yorage mbareegi, at inom eeko menggaarak ambi nen aap endagembogut nogo yoge, “Togop kenok, nit Iterali o kota paga wonogwe yi, mbi abu nen kanggwi, ndi, wundi namonggoorak ninookwi iinok kanggwi, eeriyak nogo ti, ndak-ndak aret eerugun me, kuda ineebe 5 o kota yime awo wonogwe nogo, waganogo nonggop agaarak iyaawok nduk, kuda ti paga nappiyaawok o,” yoreegerak.

Yotuwa 8:4

“Kit time nogo logomonggotik, tayorogon ku taani noorak ti mage o. Ata, we korok-korok o Ayi ambokan time aret ku taanak li'luk eerak logomunggup o.