2 Endagembogut 7:1 - Ala Wone Peenok Peebi Mbanak

¹ Ti yoge mbareegi, at Elita nen onggo yoge, “Aliku ALA nen wone ari yi, karuk liirogon konenu o! At Aliku ALA nen, O Tamariya tu unggwogo menggam time ne yogondak yi ndak-ndak ko'lu wu we mbuuluk mbuti perak ambit paga gandum anggen yigirik togolowak 8 wakkagak kunggwi, ndi, wu mbuuluk mbuti perak we ambit paga waabuk negen jelai anggen mbanak togolowak 15 wakkagak kunggwi, eekwi iyaamunggun, yegerak o.”

2 Endagembogut 7:1 ပူးပေါင်းရင်းမြစ်များ

1 Endagembogut 22:19

Ari kagak kwe, aap Mika nogo nen, “Aliku ALA wonage me, eeke kagarak nogo yokkege me, karuk konengge logot o. At Aliku ALA agi mbogut paga taati wone lengganogo yorage menggim kwi'ndak wonage kagak, wim eeka mbogut paga mendek abok aret eenggi abeme-kwaare'me mi'ndak wonogwe iigirak o.

2 Endagembogut 20:16

Yoge mbareegi, at Yetaya nen Kitikiya yoge, “At Aliku ALA ari nogo karuk logot o.

2 Endagembogut 4:42

Ti'nuk, ne ambi paga aap ambi o Mba'an-Talita nen Ala wone liirogon eeka nogo ake gandum anggen iyaalok mbanak inom, waabuk negen jelai anggen iyaalok mbanak yigirogo oroti worarak 20 inom, wonok Elita wogori wagagerak. Wogori wage mbareegi, at Elita nen, “It aap yi, nawak nduk, wogoret o.”

2 Endagembogut 6:25

Eekwi tit iigak, mbi noogelo nggwok agagerak me, mbi abu nen keledai ambit anobak onggo nggwok mbuti perak 80 paga kunggwi, ndi, towe puume inaan wurik togolowak mbuuluk yonggolak ti, onggo nggwok mbuti perak 5 paga kunggwi, eeko nogogwaarak.

2 Endagembogut 6:33

At Elita nogo wone ti awo yorage me, aap nappi wagagerak nogo aa'nduk wage, ndi, aap endagembogut nogo ambokan wage, eeko nogogwaarik, aap endagembogut nen yoge logonet, “Aaninggin-paaninggin ninoba agaarak yi, at Aliku ALA nen aret eeppinanege me, at Aliku ALA nen ambi yeenggwa nirigin me nduk, tokkage logorak mbaken? Lek o,” yinuk, yoreegerak.

2 Endagembogut 7:16

it aakumi Tamariya mendek inawi kota time nen wunggo nogogwaarik, it aap Aram mendek inawooliya wurik me yi mendek ndi mendek inagugun wa unggwogogwaarak. Ti eereegwaarak nogo ti, at Aliku ALA nen yoragagerak nogo ndak-ndak, wu we mbuuluk mbuti perak ambit paga gandum anggen yigirik togolowak 8 wakkagak kunggwi, ndi, wu we mbuuluk mbuti perak ambit paga waabuk negen jelai anggen mbanak togolowak 15 wakkagak kunggwi, eereegwaarak.

Ndawi 46:5

At Ala o kota time aret menggerak me, Kota ti, pup eerogo pugun lek o. O weerikit nduk eeke kagak, maluk eeppi wogwe iyo, Ala nen o ti, ili eeppunuk logogin o.

Wundeegwaarak 14:13

Yogo mbareegwa, Muta nen it yorage logonet, “At Aliku ALA nen nonggop agago kinagap ndarigin nogo yogondak aret kinigen kaamunggup me, kinagabiti mbaka'lek kiniki kwippunuk logonip o. It aakumi Metit mendek yogondak kinigen iigwi ti, peebi nen kinigen iyaamunggup mondok lek o.

Yetaya 1:10

Kit aakumi inarum waka o Torom wandek yi wae. At Aliku ALA wone yokkirage nogo kinaruk konenggo logonip o. Kit aakumi Nggomora wandek yi wae. Ninogoba Ala nen eeko logorak wone yereegerak yi, liippogo logonip o.

Yetikiyen 37:4

Yoge mbareegi, at nen an yo'nege logonet, “Inowak nggininik yi, eeppiyoorak wone yoret o. Yorage logonet, Aakumi inowak neno-pono aago yi, Aliku ALA nen wone yegerak nogo konenggo logonip o.

Yaya 6:9

“Nogoba wae! Wulaga mbuuluk ambi roti 5, ndi, ikan mbuulogwe mbere, porogo wonage kwe, aakumi ambik me endak noorak meek mbaki o.”

Yotuwa 3:5

Yorogo mbareegwa, at Yotuwa nen it aakumi Iterali mendek nogo wone ambi yorage logonet, “Ko'lu kit kinenggela'me at Aliku ALA nen eerubok mendek alik negen ambi eerigin me, kiniki kikak naka'lek at ake leenogo patinuk logonip o.”

Wayu 6:6

it aakumi iigulik mendek ineebe 4 nogo, inenggela'me nen oone ambi ari logonet, “Mbato yum mbuuluk ambi yonggolak nogo ti, wu ne ambit paga it yabu eekwi onggo wogorogwe ndak-ndak nogo paga kungge, ndi, gandum yum mbuulogwe kenagan yonggolak nogo ti, ndak-ndak wu ne ambit paga it yabu eekwi onggo wogorogwe nogo paga kungge, eeriyak kwe, eyo tayitun amburu inom, anggur amburu inom, ti perak, maluk eerogo puurak mage o,” yinuk, ari kagarak.

1 Tamuwen 11:9

Eeke nagagerik, it Iterali mendek nen aap Yabeti mendek yonggo nappiya wogogwaarak nogo yorogo logonet, “Ko'lu o mo mbigarogon kinagap ndari woraagun me, wone ti wonok it Yabeti Nggileyat mendek yora nanip o.” Yorogogwaarak nogo wonok yora nogo mbareegwa, iniki ale'nggen ambik ogogwaarak.

1 Tamuwen 15:1

Ne ambi paga at Tamuwen nen Tawun yoge, “At Aliku ALA apuri Iterali inowe kendagembogut logorak amburu eerogo mippagakit nduk, Aliku ALA nen an aret nappani wagagerak me, yogondak Aliku ALA nen wone yokkege yi, konengge logot o.